Datasets:

tbkazakova
/

even_speech_biblical

audio audioduration (s) 0.39 8.69	transcription stringlengths 4 103
	Хөвки Дукундукун укчэнэкэл
	Хөвки онмаин
	Нонан Хөвки няним нян төру оча.
	Тараком төррэ як-та ачча бичэ,
	хатарсинюн мөнюн бичэл.
	Хөвки Мухонни
	мө ойлин дэгэммэчэтчэ.
	Хөвки гөнчэ:
	– Ӈэрин бидэн!
	Тадук ӈэрилчэ.
	Хөвки ӈэрим ибго гөникэн көетчэ.
	Хөвки ӈэрим хатарсидук хуемкэнчэ.
	Ӈэрим «инэӈи» гөникэн, хатарсив «долбу» гөникэн гөрбучэ.
	Нонап инэӈи тачин иэлтэнчэ.
	Хөвки гөнчэ:
	– Мөл гаддастадна.
	Няниндула мөл бидэтнэ, хэргилэ нян.
	Дулокондулин бихи дэмӈэв «нянин» гөникэн гөрбучэ.
	Дӫрис инэӈи тачин иэлтэнчэ.
	Хөвки гөнчэ:
	– Хэргидэлэ бихил мөл өмэтту чакудатна,
	олгича төр ичудэн.
	Тачин оча.
	Хөвки төру «төр» гөрбучэ,
	өмэтту чакучал мөлбуи «нам» гөрбучэ.
	Хөвки тарав ибго гөникэн көйэтчэ.
	Хөвки гөнчэ:
	– Төрдук нӫчэл нян ирэк-тарак төвтэлкэн хиакитал хиэдэтнэ.
	Тачин оча.
	Хөвки тарав ибго гөникэн көетчэ.
	Илис инэӈи тачин иэлтэнчэ.
	Хөвки гөнчэ:
	– Няниндула ӈэрил ичухундэтнэ.
	Инэӈив долбудук хуемкэндэтнэ.
	Иламулбу, анӈанилбу нюнуттэднэ.
	Няниндук төру ӈэрилбукэндэтнэ.
	Нонан Хөвки
	таралдук дӫр эгден ӈэрилдывылбу оча.
	Эгдедмэру, нӫлтым,
	инэӈ ӈэриндэн гөми,
	көтлэтмэру, илам долбу ӈэриндэн,
	тадук охикаталбу.
	Хөвки тарав ибго гөникэн көетчэ.
	Дыгис инэӈи тачин иэлтэнчэ.
	Хөвки гөнчэ:
	– Намалдула нян окаталдула олдол бидэтнэ,
	няниндули дэгил дэгэммэттэднэ.
	Хөвки эгден нян көтлэн олдолбу,
	дэгилбу нян чукичарбу оча.
	Хөвки тарав ибго гөникэн көетчэ
	Хөвки ноӈорбутнон хиргэтникэн гөнчэ:
	– Олдол намдула, дэгил няниндула хоялбулда.
	Тунӈис инэӈи тачин иэлтэнчэ.
	Хөвки гөнчэ:
	– Төррэ ирэк-тарак дэлгэнкэл, мавдылил бидэтнэ,
	тутэмэттэднэ.
	Тачин оча.
	Хөвки тарав ибго гөникэн көетчэ.
	Хөвки гөнчэ:
	– Бэю одакун.
	Мингичин бидэн.
	Ноӈон төррэ бэгэн бидин.
	Дэлгэнкэлду,
	олдолду, дэгилду нян бэгэн бидин.
	Хөвки бэю Мэнгичими оча.
	Нярив нян ахив оча.
	Хөвки ноӈорбутнон хиргэтникэн гөнчэ:
	– Хоялбулда,
	төру дяватникан төгөчэлдэ.
	Дэлгэнкэлду, олдолду,
	дэгилду бэгэн билдэ.
	Ирэк-тарак төвтэлбу
	дебдэхнэн гөми хунду бөрэм.
	Дэлгэнкэлду,
	дэгилду, олдолду нӫчэлбу бөрэм.
	Тачин оча.
	Хөвки тарав бөкэббэн хо ибго гөникэн көетчэ.
	Нюӈис инэӈи тачин иэлтэнчэ.
	Надыс инэӈиду Хөвки онмаю орий мудакча.
	Тиэми надыс инэӈив
	хиргэттин
	нян хоч
	хөнтэдмэр Хөвки инэӈин гөникэн орин.
	Хөвки нонап бэӫлбу одаӈан
	Хөвки бэю төрдук оча нян оӈотлан хучэ,
	тадук бэй ханилкан оча.
	Хөвки Эдем төррэн хо ибго хигив оча.
	Таду бэю төгукэнчэ.
	Хөвки хо нод нян ирэк-тарак төвтэлкэн хиакиталбу оча.
	Хиги долан Хөвки
	нян дӫр хөнтэ хиакиталбу төгучэ.
	Тар дӫр хиакиталдук өмэнни тадук төвтэвэн дебми бинив бөврэчэ.
	Эрэк хиакитав бини хиакитан гө никэн гөрбучэл.
	Дӫрис-ккэ хиакита хаваю бөврэчэ,
	як ибгован нян кэниливэн тадук төвтэвэн дебми.
	Эрэк хиакитав ибго нян кэнили дюгулин хаваю бөри хиакита гөникэн гөрбучэл.
	Хөвки бэю Эдем хигилан төгукэнчэ,
	эр хигив дяваттан нян иттэн гөми.
	Хөвки бэйтики гөнчэ:
	– Иртэн хиакита төвтэбэн дебэннэс,

End of preview. Expand in Dataset Viewer.

This dataset consists of audiofiles with a speech in Even language.

The correspondence between text and audio is in the table metadata.csv.

The data was collected from religious texts written down by Institute for Bible Translation

Һөвки Дукундукун укчэнэкэл. Institute for Bible Translation, Moscow, 2018.
Притчал. Institute for Bible Translation, Moscow, 2019.

Sourse	Dialect	Total length (min)
Religious texts	Lamunkhin	67.96

Another dataset of Even speech:

field records of HSE University expedition: https://huggingface.co/datasets/tbkazakova/even_speech_hse

There is also unified data from the project (Aralova et al. 2007-2023)[1], but for copyright reasons, it can only be made available by personal agreement with all copyright holders.

[1]: Natalia Aralova, Brigitte Pakendorf, Alexandra Lavrillier, Dejan Matić, Katharina Gernet, Tat'jana Vasil'evna Zakharova, Raisa Petrovna Kuzmina, and Luise Zippel (2007 - 2023). Collection "Even". The Language Archive. https://hdl.handle.net/1839/07210104-91d6-4133-b067-b21eadc35f9a

Downloads last month: 46

Size of downloaded dataset files:

180 MB

Size of the auto-converted Parquet files:

179 MB

Number of rows:

1,773

Models trained or fine-tuned on tbkazakova/even_speech_biblical

tanya-kta/whisper-small-even

Automatic Speech Recognition • Updated Jun 14 • 21

VovaK13/whisper-small-even

Automatic Speech Recognition • Updated Jun 14 • 21