Datasets:

nawabhussain
/

Kashmiri-Language-Corpus

sentence stringlengths 1 43.7k	source stringclasses 5 values	word_count int64 1 6.77k
* یہ چھہ دوٚیم حصہ * گۅڈنیک حصہ وُچھِو * تۯیم حصہ وُچھِو کتاب ٹھیک پٲٹھۍ پرنہ باپتھ چھہ گلمرگ نستعلیق فانٹ انسٹال کرن ضروری۔	https://github.com/mzmmoazam/kashmiri_dataset	25
سرمایہ تہٕ سام	https://github.com/mzmmoazam/kashmiri_dataset	3
رٮ۪وایت تہٕ صورتِ حال	https://github.com/mzmmoazam/kashmiri_dataset	4
فارسی زبٲنۍ ہٕنزن واریہن شعرٕ ذٲژن سٍتۍ وٲژ مثنوی تہ کٔشیرِ یۅسہٕ کٲشرِس مزازس یٔژ پٲٹھۍ براہ آیہ ۔ اَسہ ٲس منظوم تعشوقہٕ دٔلیلن، سمٲجی واقعاتن اکھتُے جنگنامن ہٕنز مقٲمی روایت تہ ،یۅسہٕ رَسہٕ رَسہٕ لوسہٕ نَس آمٕژ ٲس۔ اَمہ روایتٕکۍموٗل چھِ سلطان زین العابدین بڈشاہ سٕندِس زمانس منز لٮ۪کھنہٕ آمٕژن کٲشرٮ۪ن کتابن اندر میلان[1]، یِمو منز اکثر کتابہٕ تاحال رٲوِس تلٕے چھے، دپان بھٹ اوتار سٕنز بانا سُرکتھا چھے بدس آمٕژ،یتھ متعلق سۅرگہٕ وٲسۍ پروفیسر پرتھوی ناتھ پُشپ چھُ لیکھان : "باناسُرنہ خانہٕ ماجہ اُشایہ تہٕ کرِشن جی نِس نیچوِۍ سٕندِس خانہٕ مٲلِس اَنِردُھس چھُ دِلہٕ میُل سپدان، ژورو ہتَو بند و منزٕ چھُ نٮ۪صفہٕ کھۅتہٕ زیادے پہن جنگہٕ کِس ہنگامہٕ سٕے منزہٮ۪نہٕ آمُت۔ اُشایہ تہٕ اَنردُھٕنۍ لولہٕ کتَھ ہے اوتار بھٹ پننہ شٲعری ہُند گول بناوِ ہے کٲشُر ادب روٹہ ہے نہٕ کُنہ، توتہ چھے بانا سُرکتھا یہ سٮ۪ٹھاہ اہمیت ، زبٲنۍ رٔنگۍ تہ تہٕ اسلوٗبہٕ رٔنگۍ تہ، ییمہ کِنۍ کٲشرس ادبس منزاَمیُک مقام دستاویزی بنیومُت چھُ" ﴿کشمیر یونیورسٹی ہُند انہار جلد 5 شمارٕ 8 ص 41﴾	https://github.com/mzmmoazam/kashmiri_dataset	169
سُلطان حسن شاہ سٕندِس زمانس منزگنگ پرشست نٲوۍ شٲعرٕ سٕنز"سۅکھ دۅکھ چرت" تہ چھے اَتھِ آمٕژ[2]،یۅسہٕ بانا سُر کتھا یہ ہٕندِکھۅتہٕ کٲشِر زبٲنۍ زیادٕ نکھٕ چھے۔اَتھ کتابہ منزچھے شٲعرن پنہٕ نِس زمانس منز مُروج عٔلۍمن ہُند ہر ترپیش کرنٕچ کو شش کٔرمٕژ ،بییہ کِتھٕ کٕنۍ پزِ انسانس زندگی گُذارٕنۍ ۔ پَس چھے یہ کتَھ صحی زِ منظوم داستان نگٲری ہٕنزرٮ۪وایت[3] ٲس مگر صنِف ٲس مختلف ، یۅسہٕ واریہس حدس تام واکھس تہٕ شُرکِس سٍتۍ رلہٕ وٕنۍ ٲس۔ شاید چھُ اَمی رٮ۪وایٔژ ہٕندِس نتیجس منز حضرت نورالدین ریشیؒ سٕنز صدوسی مسلہٕ ، ییتہ کنجن بُگہٕ ژھو، ہوٗن چھُے کران وَو باوَو ، پٮ۪کھ پایَس یاون مٔژی ،ہشہ زیچھِ تہٕ بیانیہ نظمہٕ مثنوی ہٕندِس موجودٕ انہارس کُن اکھ معنہ سوو قدم باسان۔ حض شیخ نور الدین ریشیؒ سٕندِ زمانہٕ پٮ۪ٹھ محمود گٲمی سٕندِس دورس تام چھے زیچھن بیا نیہ نظمن یا وَنو مثنوۍین ہٕنز وٮ۪ژھے ،اَمہ وژھیہ ہٕندۍ چھِ مختلف وجہ وننہٕ یوان مثالے بقولِ نشاط انصٲری: "اکھ خاص وجہ چھُ یہ زِ یِمن دۅن شٲعرن ہٕندِس درمیٲنی دورس منز چُھ ییتہ گیان دھیان صوفی اِزم تہٕ نرگُن فلسفچہ شٲعری ہُندُے چلے جاو اوسمُت ،ماسواے حبہ خاتون تہٕ أرۍ نہ مال چھُ تمام شٲعرو أتھۍ نہجہ لۅلہٕ متہٕ لاے کورمُت،نتہٕ چھُنہٕ مثنوی خٲطرٕ ماحول سازگار اوسمُت یاتہٕ چھُنہٕ محمود گٲمی سٕندِس پھبنس تام کٔشیر اندر مثنوی صنفُک پرتوٕے پیومُت"۔ ﴿شیرازٕ لولہٕ مثنوی نمبر ص ۲۳۲﴾ ۔	https://github.com/mzmmoazam/kashmiri_dataset	224
اماپوز مے چھے پژھ زِ زانہہ کٲلۍ ما سپدن کینہہ تِم مثنوۍیہ دسیاب یِمہٕ اَتھ بہ ظٲہر رٲوۍ مٔتِس دورس منز لٮ۪کھنہٕ آسن آمٕژ تہٕ ژھٮ۪ن ییہ پروُنہٕ ۔ نٲجی منّور سٕندِس ذٲتی کُتب خانس منزچھِ کستام فارسی شٲعرٕ سٕنزاکھ لۅکٕٹ مثنوی یتھ منز فارسی شعرن سٍتۍ کینہہ کٲشِرۍ شعر تہ چھِ، اَمیُک موضوع چھُ حضرت اسماعیلؑ سُند قربان گژُھن، یہ مثنوی چھے ۲۱۸ھ منزنقل آمٕژ کرنہٕ، امیُک مطلبٕے گو زِمحمودگٲمیس برونہہ ساڑھ ترے ہَتھ ؤری چھُ کٲشرس منز مثنوی ہُند رواج سپدُن ہٮ۪وان ۔ اَمہ مثنوی ہُند نمونہٕ چھُ یہ:	https://github.com/mzmmoazam/kashmiri_dataset	91
گٔنڈۍ زِ سخٕت یُتھنہٕ ژھٹھ دِتھ زانہٕ بو اضطرابم دوٗر تا گردد ازو	https://github.com/mzmmoazam/kashmiri_dataset	13
یُتھنہٕ حرکت کینہہ گژھی پکہ صاف شراکھ پس رہا کردیم از یزدان پاک	https://github.com/mzmmoazam/kashmiri_dataset	13
کٔرۍزِ نو تمہ وقتہٕ ژٕے مے کُن نظر پیش آید مرتُرا مہرِ پدر[4]	https://github.com/mzmmoazam/kashmiri_dataset	13
یِتھے پٲٹھۍ چھے أتھۍ کُتب خانس منز کستام عبدۍ پالٕنۍ بیاکھ لۅکٕٹ مثنوی" طوطہٕ نامہٕ" یۅسہٕ ۱۰۲۱ھ منز تخلیق کرنہٕ آمٕژ چھے، اَمیُک مطلب گو عبدۍ پالہٕ چھُ محمود گٲمی سُند ہم عصر اوسمُت[5]۔	https://github.com/mzmmoazam/kashmiri_dataset	34
تاحال چھِ سٲری یتھ کتھِ سٍتۍ مُتفق زِ محمودگٲمی چھُ باضٲبطہٕ پٲٹھۍ کٲشِر زبٲنۍ اندر مثنوی نگٲری ہُند دٔسلابہٕ کران ،تمٔۍ کٔر کٲشراوِمژن مثنوۍین اندر فارسی مثنوۍین ہٕندٮ۪ن فنی لوزٲماتن ہٕنز پٲروی ،تمٔۍ کرنٲو مثنوی تِتھے پٲٹھۍ متعارف یِتھٕ پٲٹھۍایرانہٕ پٮ۪ٹھ آمژٕ باقٕے شعرٕذٲژ مثالے غزل، کٲشِرس سٍتۍ زان کرناوٮ۪ن ،شیرین خسرو مثنوی چھے مختلف بحرن منز،خبر یہ ما چھے پرانہ مقامی روایتٕچی ہانکل نتہٕ بقولِ محمد یوسف ٹینگ "نثرس کُن نرِ پِلہٕ وَنٕکۍ اَرٕ سَرٕ" فارسی پٮ۪ٹھٕ یۅسہٕ مثنوی اَسہ تام وٲژ، سۅ چھِ اکھ تِژھ شعرٕزاتھ ییمہ کٮ۪ن شعرن ہُند تعداد گنڈِتھ چھُنہٕ آسان،اَتھ بیانیہ باڈو دار شعرٕ زٲژ منزچھِ پرٮ۪تھ شعرٕکۍ دۅنوَے مِصرعہٕ ہم قٲفیہ تہٕ ہم وزن آسان، ردیف تہٕ قٲفیہ چُھس شعرٕ پتہٕ شعرٕ بدلان ، واقعات نگٲری خٲطرٕ تہٕ زیٹھو عشقہٕ قٕصو ،سمٲجی ،سیٲسی ، توٲریخی تہٕ مذہبی واقعاتن ہٕنز باؤژ خٲطرٕ چھے یہ شعرٕ ذاتھ سٮ۪ٹھاہ مُنٲسب تہٕ موزون ، عام طور چھِ موضوعن ہٕندِ لحاظہٕ فارسی شٲعرو مثنوی خٲطرٕ سَتھ بحرٕ ورتاوِمَژٕ۔ یِمہٕ نٕے لوٲزماتن پٲروی کران دیُت محمود گٲمی ین فارسی مثنوین ہٕندِس دۅدٕ مٹھس چھونپھ تہٕ اَتہ بد س آمٕتۍ دۅدٕ ہرٕکۍ ،پھُہہ تہٕ گُرسٕکۍ پیالہٕ چٲوِن کٲشِرۍ لوٗکھ۔ تمٔۍ پھِر لولہٕ مثنوۍیہ تہ کٲشرِس منز ،مذہبی حکایٔژ تہ مُتصوفانہٕ قصہٕ تہ، ہارون رشید تہٕ محمود غزنوی ہشہ دٔلیلہٕ تہ،سُہ چھُ بسیار پاسل گۅنماتھ تہٕ زبان ساز شخصیت اوسمُت أتھۍ سٍتۍ گو ییتہ مثنوی نگٲری تہٕ مثنوی خوٲنی ہُند اکھ شاندار دور شروع، مثنوی نگارن لٔج قلمن زیر تہٕ دگنہٕ ہیژَن مثنوی نیرنہ، 1974ءتام روز یٔہے صورتِ حال، مٔنزۍ مٔنزۍ ہرگاہ ،معموٗلی سۅژر تہ آس مگر سُہ اوس عٲرضی ۔ از تام چھُ یی وَننہٕ آمُت زِ کٲشرِ مثنوی چھے تقلیدی ۔وننہٕ چھُ یوان زِ اَسہ چھے صِرف اکھ زٕمثنوی یمن ہٕندۍ قصہٕ خٲلِص کٲشِرۍ چھِ، اماپوز مثنوۍین ہُند زیادٕ تعداد ہرگاہ تقلیدی چھُ، تِمہٕ ہرگاہ وۅپر زبانَو پٮ۪ٹھے ترجمہٕ یا تلخیص کِس صورتس منزکٲشراونہٕ آیہ، یہ چھُنا پوز زِ اکرم بقال درد مندٕ سٕنزمثنوی"مہرو ماہ" احد زرگرن"اکہٕ نندُن" یُس بییہ شییو شٲعرو تہ منظوم کورمُت چھُ ﴾ غلام محمد حنفی سٕنز مثنوی "حبہ خوتون" علی گنے عاشق سٕنز" نوٗر مال" مقبول شاہ کرالہٕ وٲرۍ سٕنز مثنوی "گریسۍ نامہٕ"تہٕ" ملہٕ نامہٕ " عبدالغفار فارغ سٕنز مثنوی "ملہٕ نامہ" بہار شاہ کاپرن سٕنز ’احوالِ کشمیر‘ غلام محمدلون پارے پورہ﴿وفات ۵۳۹۱ء﴾ سٕنز "آگر نامہٕ" مہدی ترٲلی سٕنز" اعجاز قرآن" پیر علی شاہ کھۅیہٲمۍ سٕنز ﴿بہ عہد گلاب سنگھ﴾ اکھ بلاعنوان مثنوی تہٕ حبیب ٹھوکرٕنۍ"الہٕ شہر" مٮ۪رزٕ میرٕنۍ" پٹھوٲرۍ نامہٕ" عبدالغنی ٹھوکر مشہوٗر سٕنز" وزرامال" تہٕ عزیز میر سۅیہ بُگ سٕنزمثنوی "پھریسۍ نامہ"چھے کشمیری الاصل ،یِمن ہٕندۍ قصہٕ چھِنہٕ پہا اَننہٕ آمٕتۍ بلکہ چھِ ییمی میٔژ منز وۅپدیامٕتۍ۔ "ہی مال نٲگۍ راے" یودوَے ولی اللہ مٔتۍ فارسی زبٲنۍ پٮ۪ٹھے أنۍ مگر اَمیُک داستان چھُ موٗلہٕ کٲشُر۔	https://github.com/mzmmoazam/kashmiri_dataset	443
مثنوی اکھ تُمدنی ضوروٗرتھ:	https://github.com/mzmmoazam/kashmiri_dataset	4
کٔشیرِ پٮ۪ٹھ روٗدۍ ؤرۍیہ وادن وۅپر حکمران قٲبض ،مغل بادشاہ اکبر سٕندِ کٔشیرِ پٮ۪ٹھ قبضہٕ کرنہٕ پتہٕ بیوٗٹھ کٲشرٮ۪ن پٲر ، تِمو ہیوک نہٕ ؤرۍ یہ وادن وَچھُک وُپھاٹھ ژٔھٹِتھ ، حٲکمن خلاف وۅتھٕ نُک بِتُرے اوسُکھ نہٕ ، جٲگیردٲری سماجس منز اوس لولہٕ اظہارس تہ ٹھاکھ ۔اَتھ ہٮ۪نہٕ تہٕ نِنہٕ آمہٕ تِس محکو م و مجبور قومس ٲس فقط مُفلسی نصیبس ،من رنزونٕکۍ ؤسیلہٕ تہ ٲسِس نہ دسیاب ۔ اکھ بانڈٕ پٲتھٕر، حبہ خوتونہ ہٕندۍ لولہٕ وژَن،گٲمی مٲلہٕ تہٕ لُکہٕ باؤژ ہٕندۍ کینہہ چیز ٲسِکھ کم زیادٕ من رنزونُک سامانہٕ مُہیا کران مگر رٮ۪تہٕ کالہ کٮ۪ن کٔژن تام رٮ۪تن ، ژھرٮ۪ن، چھنٮ۪ن تہٕ نٮ۪تھٕ ننٮ۪ن کٲشرٮ۪ن اوس شُہ موس وَندٕیٔندرٕ دۅسہٕ واجہ نٮ۪ن جایہ پاورٮ۪ن اَندرٕے گُساوُن پٮ۪وان ، پنٕنۍ کِنۍ ٲسۍ یِم زیچھِ ، کریچھ تہٕ ہٕندرِ رٲژ گُساونہٕ خٲطرٕ پیشہ ور دٔلیلہٕ گرٮ۪ن سال کران مگر ماگہٕ ژھٹھ ژالہٕ نُک بِتُر ہُرراونہٕ خٲطرٕ زیچھِ وَندٕ رٲژگُساونہٕ خٲطرٕتہٕ وَچھ ِ کِس وُپھاٹھس اَٹھ دِنہٕ خٲطرٕ ٲسۍ تِم کُنہ باگہ بٔرتہ غم ہومراوَن والہ تہٕ موثر ؤسیلچ ضروٗرت محسوس کران۔ یہ ضروٗرت گٔیہ مثنوی سٍتۍ پورٕ۔مثنوی آیہ تہٕ مجلس آرٲیی گٔیہ شروٗع، مثنوی خوٲنی ہٕنزمجلسہٕ لجہ محلہٕ پتہٕ محلہٕ ، گامہٕ پتہٕ گامہٕ بلکہ گرٕ پتہٕ گرٕ گرمٕنہ، گامٕکۍ یا محلٕکۍ لۅکٕٹۍ بٔڈۍ ٲسۍ أکِس گرس منز جمع سپدان تہٕ مثنوی خوان اوس مثنوی پران ، بوزَن وٲلۍ ٲسۍ غمِ دُنیا مٔشرِتھ ہمہ تن گوش سپدان ، مٔنزۍ وۅلسنس یوان۔ کٲشرۍ روٗدۍ ؤرۍیہ وادن مثنوۍیہ بوزان تہٕ غم دفٲیی کران، چھاپ خانن ہٕنزِ غٲر موجودگی منزلٔگۍ لوٗکھ دوٗرِ دوٗرِ پٮ۪ٹھٕ مثنوۍین ہٕندۍ نقل منگناونہٕ ،چھاپ خانہٕ آے تہٕ مقبول عام مثنوۍین ہٕندۍایڈیشن چلے یہ اَتھوأتھی ۔لولہٕ مثنوۍیو سٍتۍ اوس وۅنۍلوٗکن لولہٕ اظہارس اَٹھ ہیوٗ لگان،ایرٲنۍ دٔلیلن منز اوسُکھ پنُن دود دگ محسوس سپدان ،جنگنامہٕ تہٕ سمٲجی تہٕ عقیدتی مثنوۍیہ لجہ تِمن غٲرَتھ یاد پاونہ، وۅپر حکمرانن خلاف نفرتس اوسُکھ واو ہیوٗہ ڈلان۔ مثنوی خوٲنی دِژواریہس کالس یہ دٔپۍ زِ تہ سۅے کٲم یۅسہٕ ازریڈیو ،ٹی، وی تہٕ ٹیپ رکارڈر بیترِ دِوان چھِ، مثنوۍیہ سپٕز غٲر رسمی تعلیمہ ہُند ذٔرۍیہ تہ ثٲبتھ، ناخواندٕ کٲشرٮ۪ن گٔیہ ، یِژھٕے تِژھے نہ سہی،تِمن علاقن سٍتۍ زبٲنۍ زان یِمن علاقن سٍتۍ تِمن مثنوۍیَن تعلق اوس، بامے سُہ ایران اوس پنجاب اوس یا ہندوستانُک بدل کانہہ علاقہٕ۔	https://github.com/mzmmoazam/kashmiri_dataset	362
مثنوۍیَن ہُندیہ شاندار دور چھُ اَلہٕ پلہٕ ڈۅڈَس ہَتس ؤرۍ یَس پٮ۪ٹھ پھٔہلِتھ یہ اوس کٲشِر زبٲنۍ ہٕندِ خٲطرٕ خۅش نصیبی ہُندزمانہٕ ، شعرٕ سرمایس منز گوس ہُرٮ۪ر ، زبٲنۍ میوٗل نَوٮ۪و لفظو ترکیبو ،فنی لوٲزۍماتو سٍتۍ نوو زُو زٮ۪تہٕ ۔ یہ چھے وکھرٕ کتھِ زِ فنی لحاظہٕ چھے سانہ اکثر مثنوۍ یہ کمزور مگر مثنوۍ یَو دِژ بے شوٗنکۍ پٲٹھۍ زبان سٲزی ہٕنزکٲم ،اکھتُے کور یِمو نثرٕچہ عدم موجودگی منز اَمہ چہ جانشینی ہُند حق تہ ادا۔ محمد یوسف ٹینگ سُند یہ وَنُن چھُ بجا زِ:	https://github.com/mzmmoazam/kashmiri_dataset	87
"مثنوی ہٕندِ برکتہٕ تور کٲشرۍ شٲعرن زبٲنۍ تہٕ تحریری ادبس منز باگ کانُل۔ مثنوی چھے کٲشرس منزنثرٕکہ ڈمب لگہٕ نُک گۅڈنیُک مرحلہٕ اَوَے چھے یہ کتَھ معنی خیز زِ مثنوی ہٕندِ عروٗج کِس زمانس منزٕے آو نثرُک ٲنتہٕ کُل تہ پھٔلِتھ ،تہ زَن گو ۱۲۸۱ءمنز ییلہ محمود گامی جوان اوس تہٕ مثنوی آسہٕ تس وہرٲژ روٗدٕکۍ پٲٹھۍ قلمہٕ منز شرانہ وسان ، کور مِشنرٮ۪و انجیل مقدس کہ نو عہد نامُک کٲشُر ترجمہٕ شاردا رسم خطس منزچھاپ۔ ۴۸۸۱ءمنزییلہ پوٗرٕ انجیلہ ہُند ترجمہٕ چھاپ سپُد تمہ وِزِ ٲسۍ امیر شاہ، وہاب حاجنی، محی الدین مسکین وغٲرٕ مثنوۍین داتُھرکران۔ ﴿مثنوی تیلہ تہٕ از ،محمد یوسف ٹینگ ، شیرازٕ 1928ءشُمارٕ 2﴾۔	https://github.com/mzmmoazam/kashmiri_dataset	107
اکہ اندازٕ مطٲبق چھے کٲشِر زبٲنۍ منز 1974ءتام زٕہتھ پٮ۪ٹھی بزمیہ تہٕ رزمیہ مثنوی لیکھنہٕ آمٕژ ،یِمن منز زیادٕ تعداد لولہٕ مثنوۍین ہُند چھُ ۔ یِم آے فارسی تہٕ کینہہ اُردو تہٕ پنجٲبۍ زبانو پٮ۪ٹھٕ پَہا أنِتھ کٲشراونہٕ۔ محمود گامِین لیچھِ لولہٕ مثنوۍ یہ تہٕ أتھۍسٍتۍ لوگ شٲعرن ہُند اکھ کاروان یہ صنفِ سۅخن ورتاونہ ،مثنوۍین منزچھُ عام ہندوستٲنۍ فلمن ہٕنزن کہٲنۍ ین ہٕندۍ پٲٹھۍ اکھ عاشق، معشوق تہٕ تۂندۍ مددگار تہٕ ہمدرد کینہہ کردار آسان۔ عاشق چھُ معشوقس حٲصِل کرنٕچہ کو ششہ دوران باضے جانہٕ مرگ تہ گژھان تہٕ باضے وٲصِل سپدنس منزکامیاب تہ ،أہندِس عشقس چھِ سمٲجی،فطری یا مٔنزۍ مٔنزۍ بالا فطری ٹھٔرۍ تہٕ ٹھاکھ تہ بُتھِ یوان۔ وۅنۍ گو اَسہ چھِ کینہہ تِژھ لولہٕ مثنوۍ یہ تہ یِم مجٲزی عشقچہ ہیرِ کھٔسِتھ حقیقی عشقس تام واتہٕ نٕچ ژینہٕ وَن دِوان چھِ۔ یودوَے تِمہٕ سارے لولہٕ مثنوۍیہ لوکو چشمن مَژھٕ یِم تِمن تام واتناونہٕ آیہ مگر توتہ چھے کٔژتامٕے مثنوۍیہ یِمہٕ پرٮ۪تھ وقتہٕ سَرس روزٕ مثالے مقبول کرالہٕ وٲرۍ سٕنزگُلریز، ؤلی اللہ متۍ سٕنز ہی مال، محمود گٲمی سٕنز یُوسف زلیخا، یِمو منز تہ سپٕز ساروٕے کھۅتہٕ عوٲمی پذیرائی گُلریزی حٲصِل۔ لولہٕ مثنوۍیَن ہُند فہرس چھُ واریاہ زیوٗٹھ ،توتہ چھے خاص لولہٕ مثنوۍیو منزٕ نۅمہٕ کینہہ داستانہٕ کٲشرٮ۪و بار بار پھِرِ مَژٕ تہٕ پَرِ مَژٕ ۔محمود گامی سٕنزیوسف زلیخا،شیخ صنعان، لٲل مجنون، ولی اللہ مٔتۍ سٕنز ہی مال، عبدالاحد ناظم سٕنز زین العرب، مقبول کرالہٕ وٲرۍ سٕنزگُلریز ،مہدی ترالیسٕنز ژندرٕ بدن، عاشق ترالی سٕنززۅہرابہرام، نور مال، گلزار حُسن ، سیف الدین تارٕ بٔلی سٕنز وامق عذرا ، ہی مال،لکھمن کول بُلبُل سنز نل دمن ،محی الدین مسکین سٕنز زیبا نگار ، ژندر بدن، سوہنی مہیوال ، ہیرانجھا ، حاجی محی الدین مسکین سرائے بٔلی سٕنز وامق عذرا ، یوسُف زلیخا، گُل نور، حنفی سوپوری سٕنز حبہ خوتون،ہزار داستان ، گُل و صنوبر ، قمرالزمان، عبدالرحیم اعمیٰ سٕنز گُلبدن ،کافی شاہ سٕنز شاہ بہرام، شعبان ڈار پُشوٲرۍ سنز شاہ بہرام ،پیر عزیز اللہ حقانی سٕنز بے نظیر ،بدرمنیر ، جوہرِ عشق ، گُلبنِ عشق، گُلدستہ بے نظیر ، ممتاز بے نظیر ، ماہروے گُل اندام، عبدالغفار فارغ سٕنز یوسُف زلیخا،محمداسماعیل نامی سٕنز شیرین خسرو ، حاجی الیاس سٕنز ممتاز بے نظیر ، خنجرِ عشق سیف الدین عارض سٕنز نو بہار ، غلام احمد بشیرٹنکی پوری سٕنزِ قمرا لزمان بدوٗرا ،محمد اکرم دردمند سٕنز"مہر و ماہ" صدیق اللہ حاجنی سٕنز بہرام گُل اندام بیترِ ۔ تِمن مثنوی نگارن ہٕنزکینہہ لولہٕ مثنوۍ یہ تہ چھے مشہوٗر یِم 1974ءپتہٕ رحمتِ حق گٔیہ مگر مثنوی آسکھ 74 بروٗنہٕے لیچھمژٕ۔ مثلن حیرت کاملی سٕنز مثنوی رعنا زیبا، لسہٕ خان فدا سٕنز گُل بکاولی،نعمت اللہ پرےسٕنز گُلِ بکاولی، عبدالاحد آزاد سٕنز قمر الزمان بدوٗرا ، غلام احمد مہجور سٕنز پھاہ پھاہ کُٹٕنۍ، احد زرگرٕنۍ گُل و صنوبر تہٕ عبدالغنی ٹھوٗکر مشہوٗر ،سٕنزبُلبُل ہزار داستان تہٕ ؤزرامال بیترِ۔	https://github.com/mzmmoazam/kashmiri_dataset	452
تعشوقہٕ موضوعو علاوٕ تہ چھے مختلف موضوعن متعلق مثنوۍیہ لیکھنہٕ آمٕژ،مثلن:صدوسی مسلہٕ﴿ حضرت شیخ العالمؒ﴾ یک حکایت ،پٔہلۍ نامہٕ، اکھ حدیث﴿ محمودگامی﴾ کٲشِر منطق الطیر﴿مومن صٲب﴾ سُلطان ابراہیم ادھہم شاہ قلندر﴾ شمایِل نبوی﴿ واعظ حیدر با بااول ﴾ ،ضروریاتِ دین ﴿ولی اللہ متو﴾خدیجہ نامہٕ﴿ سید علی خان ژوڑاری﴾ درویشی ، بے بوٗج نامہٕ ﴿وہاب حاجنی﴾ قصصُ الابنیا ء﴿ غلام مصطفی مصفیٰ﴾ مثنوی مولانا رومی دفترِ اول ﴿حیرت کاملی﴾ معجزاتِ رسول ،شکل و شمایل آنحضرت ﴿صدیق اللہ حاجنی﴾ منظوم سورئہ یوسف﴿﴿ مولانا انور شوپیانی﴾ منصوٗر نامہٕ ،گریسۍ نامہٕ﴿ مقبول کرالہٕ وٲرۍ﴾ احکام الصلوات ﴿نامعلوم﴾ راماین ﴿وٮ۪شنہٕ کول﴾ درو چِرت ﴿ناراین جوکھار﴾ دہ صفات سُنی ،کٲشِر عقائدِزان﴿میر عبیداللہ﴾ احوالِ قیامت، اعجاز ِ قرآن،قصے اصحابِ کہف ﴿مہدی ترالی﴾ اَلہٕ شہر ﴿ حبیب اللہ ٹھوکر﴾ پٹھوٲرۍ نامہٕ﴿ مٮ۪رزٕ میر﴾ احوالِ کشمیر﴿ بہار شاہ کاپرن﴾ وغیرٕ ۔یِمہٕ سارے چھے لولہٕ مثنوٮ۪و علاوٕ یِمن ہند موضوع تہٕ متن مذہب ،سیاست، سماج ،تہٕ ایڈمنسٹر یشن چھِ۔ یِمہٕ مثنوی چھے نہٕ صرف سانٮ۪ن شٲعرن ہٕنزِ موضوعٲتی رنگا رنگی ہٕنزِ ٲئینہٕ دار بلکہ پرن والٮ۪ن ہٕندِ رۅحجانہ چہ تہ۔	https://github.com/mzmmoazam/kashmiri_dataset	170
رزم نگٲری ہرگاہ موضوع تہٕ موادٕ رٔنگۍ اکھ بیون تہٕ بدوٗن شعر ذاتھ ماننہٕ تہ ییہ مگر فارم چھے اَتھ منز قریب قریب سۅے ورتاونہٕ آمٕژ یۅسہٕ لولہٕ مثنوۍین خٲطرٕ ورتاوس لاگنہٕ آمٕژ چھے۔اوَے چھُ مثنوی ہُند رزمی اظہار اَمیُک اکھ اہم روٗپ۔ اکثر لولہٕ مثنوۍین ہٕندِۍ پٲٹھۍ چھُنہٕ کٲشرِ زبٲنۍ منز کُنہ تہ جنگ نامُک داستان موٗلہٕ کٲشُر۔ یودوَے یِمن پَہا أنۍ مٕتٮ۪ن رزمیہ داستانن رزمیہ ترجمہٕ کارو کٲشُر ماحول پٲدٕ کرنٕچ کل بۅد تہ بٲومٕژ چھے اماپوز دٔلیلہٕ ، کردار ، حالات بلکہ مُلک تہٕ مٲدانِ جنگ پرٮ۪تھ کینہہ چھُ وۅپر ۔یِمن جنگ نامن ہٕندۍ آگر چھِ فارسی، سنسکرت ، اُردو تہٕ پنجٲبۍ زبانن منز لیکھنہٕ آمٕتۍ جنگ نامہٕ ، بوزٕوَے تہٕ یِمن چھُنہٕ سیدِ سیود کٔشیرِ تہٕ کٲشرٮ۪ن سٍتۍ کانہہ موٗلی واٹھ ، وۅنۍ گو یِم سٲری چھِ ییتہ مذہبی خۅش اعتقٲدی ہٕندِس تہٕ اَمی رِشتہٕ کِنۍ گٔیکھ ییتہ پذیرٲیی حٲصِل۔ خٲلِص مذہبی جنگ نامن منز تہ چھے پَزنہٕ پیٹھۍ خۅش اعتقٲدی مۅکھٕ نامُنٲسِب افسانوی رنگ آمیزی سپٕز مٕژ ، حقیقت چھے یہ زِ کٔشیرِ چھُ اکھ پنُن شاندار تمدُن ،ساسہٕ بود ؤری پرون توٲریخ ،ییتہ چھِ للتادتس تہٕ سُلطان شہاب الدینس ہوۍ فاتح حکمران ٲسۍمٕتۍ، ییتہ چھِ کاجی ژکس تہٕ مُبارک خان بیہقی یَس ہوۍسپاہ سالار تہ پٲدٕ گٔمٕتۍ ۔ کٲشرٮ۪و چھے وۅپر حملہٕ آورن ہمیشہ زسمہٕ بٮ۪ہناوِمَژٕ۔ یہ ٲسِتھ تہ چھِنہٕ کٲنسہ کٲشِرۍ رزم نگارن پنہٕ نٮ۪ن بہودُرن، سرفروشن ،پہلوانن تہٕ سپاہ سالارن ہٕندۍ تہٕ کُلہُم پٲٹھۍ کٲشِر قومٕکۍ قٲبلِ فخر تہٕ قٲبلِ یاد گار کارنامہٕ نظمٲوۍ مٕتۍ۔	https://github.com/mzmmoazam/kashmiri_dataset	243
دپان کٲشرِزبٲنۍ منز تُل کُرۍ گامٕکۍ پرکاش رامن ہندوستانُک مشہوٗر رزم نامہٕ تُلسی داسُن راماین، کٲشرۍ پٲٹھۍ منظوٗم کرنہٕ سٍتۍ رزم نگٲری ہُند دَس ۔ پرکاش رامُن زاسنہٕ تہٕ مرن سنہٕ چھُ نہٕ ثٮ۪قہٕ پٲٹھۍ معلوم ، اماپوزگریرسن چھُ ونان زِ سُہ اوس سُکھ جیون﴿1746ء﴾ سٕندِس دورس تام زِندے۔ پرکاش رامُن راماین چھُ ریاستی کلچرل اکاڈمی چھاپ تہ کورمُت ۔ پرکاش رامس پتہٕ آیہ کٲشِرۍ زبٲنۍ ترے اہم رز م نگار باگہ ، لکھمن جُوبُلبُل، امیرشاہ کریری تہٕ وہاب پرے حاجنی۔ امیر شہن چھُ فردوسی ، خواجو تہٕ عسجدی ترٮ۪نہٕ وٕنۍ ایرٲنۍ شٲعرن ہٕندۍ نۅسخہٕ برونہہ کنہ تھٔوِتھ مشہوٗر رزمیہ سام نامہٕ کٲشرِس منزپھیُرمُت، تمٔۍ چھُ پنہٕ نِس سام نامس منز لیوکھمُت زِ یہ کینژھاہ ترییو فارسی مثنوی نگارو سامس متلق وونمُت چھُ تہ چھُ مے دَر نظر روٗدمُت ۔ امیر شاہ نِس سام نامس چھِ ۱۵۹۹ شعر ۔ تمٔۍ چھُ اَمہ علاوٕ خاور نامہٕ، ظفر نامہٕ تہٕ جنگ علقم تہ لیوکھمُت ۔ بُلبُلن تہ کور سام نامس کٲشُر ترجمہٕ مگر تسُند سام نامہٕ چھُ امیر شہنہ سام نامہٕ کھۅتہٕ مۅخصر تہٕ فنی لحاظہٕ کھٔسِتھ۔وہاب پرے ین کور فردوسی سٕندِس شاہ نامس کٲشُر ترجمہٕ ،فردوسی سٕندِس شاہ نامس چھِ شیٹھ ساس شعر ییلہ زَن وہاب نِس کٲشرِس شاہ نامس ۱۹۴۳ شعر چھِ، اَمہ علاوٕ چھُ وہابن حمید اللہ شاہ آبٲدی سُند اکبرنامہٕ تہ کٲشرس منز پھیرمُت۔ یہ کینژھا مواد جنگنامو رٔنگۍ اَسہ نِش موجود چھُ تمہ منزٕ چھُ امیر شہُن تہٕ بُلبُل سُندسام نامہٕ،وہابُن شاہ نامہٕ اکھتُے مولوی صدیق اللہ حاجنی سُند سِکندر نامہٕ تہٕ امیرشہُن خاور نامہٕ باقٕے جگنامو کھۅتہٕ ڈرامٲیت ، رزمیہ طُمطراق ، طِلسمٲتی فِضا ، زبٲنۍ ہٕنز وُسعت،واقعہ نگٲری ، کردارنگٲری تہٕ جنگی ماحولہٕ کِنۍ کتہ کور اعلیٰ درجہ تھاوان بلکہ چھُ بُلبُل سُند مۅخصر سام نامہٕ فنی خوبیو کِنۍ سارِنے جنگ نامو کھۅتہٕ سرس ماننہٕ یوان۔ بنان چھُ یہ دعویٰ ما ہیکہ ڈیول ثٲبت سپدِتھ ییلہ جنگنامن ہُندپورِ پوٗر مطالعہٕ کرنہٕ ییہ۔سانہ زبٲنۍ منز چھے جنگنامن ہٕندٮ۪ن شعرن ہٕنز گرند لچھن تام واتان۔ فنی رۅخ ا وک طرف ترٲوِتھ چھُ یہ تہ پزر زِ یِم شعرٕ امبار چھِ نہٕ صرف زبٲنۍ خٲطرٕ محض اکھ برژربلکہ چھے ووتھٕ وُنٮ۪ن زبٲنٮ۪ن ہٕندِ خٲطرٕ یِژھٕ کو ششہ ژٔراہمیت تھاوان، بقول محمد امین کٲمل"دُنۍیہچہ سارےے بجہ زبانہٕ چھے یِمے وَتہٕ مٲنڈِتھ برونہہ پچمٕژ"﴿سر نامہٕ: جنگ نامہٕ نمبر ،شیرازٕ﴾۔	https://github.com/mzmmoazam/kashmiri_dataset	369
سانٮ۪و اکثر رزم نگارو یودوَے جنگ نامہٕ لٮ۪کھ نٕچ کٲم مذہبی خۅش اعتقٲدی مۅکھے کٔرمٕژ چھے مگر واریاہ چھِ تِم تہ یِہُند مقصد کٲشرٮ۪ن پنُن پتھ کال یاد پٲوِتھ غۅلٲمی ہٕندِس دورس منز وچھِ کِس وُپھاٹھس واو ہیوٗ ڈلہٕ ناوُن اوس ۔ تِہندِس جوشس تہٕ جذبس وُتش دیُن تہٕ تِہندِس غٲرتس کٕتہٕ کٕتہٕ کرُن اوس	https://github.com/mzmmoazam/kashmiri_dataset	55
چھِ کٲشرۍ نٹن گۅرزٕ خنجر وُچھِتھ اَژان لرزٕ چھُکھ کانہہ دِلاور وُچھِتھ	https://github.com/mzmmoazam/kashmiri_dataset	12
مُنٕلۍ جامن اندر گٔمٕتۍ ٹھیلہٕ پوش کُجا ورع خفتاں کُجا تاوو توش	https://github.com/mzmmoazam/kashmiri_dataset	12
مگر تِم چھِ ہنگامِ سرما دِلیر کڈان کانگرٮ۪ن کش بمانندِ شیر	https://github.com/mzmmoazam/kashmiri_dataset	11
مے کور غیرت از بہرِ کشمیریاں کٔرٕم چست و چوبُک یہ کٲشرِ زبان	https://github.com/mzmmoazam/kashmiri_dataset	13
﴿سام نامہٕ﴾	https://github.com/mzmmoazam/kashmiri_dataset	2
پرکاش رام ، امیر شاہ، وہاب تہٕ بُلبُل سٕندٮ۪وجنگ نامو علاوٕیِم جنگ نامہٕ ؤرۍیہ وادن کٔشیرِ ہٕندِس گرس گرس منز پرنہٕ ، پرناونہٕ تہٕ بوزنہٕ یوان ٲسۍ تِمن منزچھِ نۅم تہ شٲمِل۔ جنگ خیبر ﴿مہدی ترالی﴾ خاور نامُک ا وڑحصہٕ ﴿میر قبول کریری﴾ جنگِ مختار﴿مظفر شاہ﴾ جنگِ امیر حمزہ﴿غلام محمد حنفی﴾ زین العرب ،جنگِ امامِ حنف ،جنگِ تال ، جنگِ زیتون﴿علی شاہ ہرل﴾ مغازی النبی سکندر نامہٕ﴿ صدیق اللہ حاجنی﴾ مغازی النبی ﴿محمد اسماعیل نامی﴾ زین العرب ،جنگِ قندور ﴿ شیخ غلام نبی منڈھول﴾ جنگِ موتہ﴿ عبدالغنی ٹھوکر﴾ جنگِ بدر ﴿محمد افضل﴾ جنگِ دینور﴿شیخ عبدالعزیز﴾جنگِ یرموک ﴿بہار شاہ آبادی﴾ جنگِ بدر ،جنگ احد﴿ مولانا انور شوپیانی﴾ وغٲرٕ۔	https://github.com/mzmmoazam/kashmiri_dataset	107
مثنوی بوزٕنُک تہٕ بوزناونُک رواج اوس ییمہ صٔدی ہٕندِس سٔتۍمِس دٔہلِس تام تہ اماپوز من رَنزٕ وَنکٮ۪و جدید ترین ؤسیلو نیوٗ یہ شوق تہٕ ذوق مُہتھ وۅنۍنہ چھِ مثنوی خوانٕے کُنہ تہٕ نہ مثنوی خوٲنی ہٕنزمجلسے ۔ گرن اندر چھِ ٹیپ رکاڈر،ریڈیو تہٕ ٹی وی،وٲنسہ آمہٕ تٮ۪ن پرانٮ۪ن ہَے کانہہ پرٲنۍ مجلس آرٲیی ژٮ۪تس تہ چھَے مگر نٔوپُے چھَ فِلمن تیوٗت لورزنتہٕ پتھ کالُک تہٕ پننہ تہذیبُک احساسٕے چھُنکھ مُہتھ نیوٗمُت۔ 1947ءپتہٕ گو مثنوی نگٲری ہُند یُپ تھامہ، مثنوی نگٲری ہُند تہٕ مثنوی خوٲنی ہُندشاندار تہٕ یاد گار دور ووت اند۔ سٲنۍ واریاہ مثنوی نگار گٔیہ1947ءپتے رحمتِ حق مگر عوٲمی بے ذوقی وُچھِتھ ٲس تِمو 47ءپتے مثنوی نگٲری ترٲومٕژ ، اماپوز یہ سپدِتھ تہ ما چھے کانہہ طویل تہٕ دٔر روایتھ گال کھاتس تراوٕنۍیا پھٹراوٕنۍ کانہہ گھپھ کتھاہ! روایتھ روٗز توتہ زِندَے ، اَدٕ لِتھٕ کھۅکھٕ شے زَن پٔچ ، اوَے چھے مشہوٗر مقٲمی لُکہٕ کتھِ پٮ۪ٹھ مبنی حبیب اللہ ٹھوکر سٕنزطنزیہ تہٕ مزاحیہ مثنوی "الہٕ شہر" یۅسہٕ احتجاجٕچ شٲعری چھے 1947ءپتے لیکھنہٕ یوان ، یتھ منز قبٲلۍ حملُک تہٕ نُنہٕ دراگُک تہ کم زیادٕ ذِکر چھُ ۔مثنوۍ یَن ہُند چلے جاو تہٕ چکہٕ چاو سورٕنُک مطلب گونہٕ زِ اَمِچ روایتھ تہ سوریا یہ۔ اَلہ ٕ شہر پتہٕ تہ آے کینہہ مثنوی چالہ نظمہٕ تہٕ مثنوۍیہ لٮ۪کھنہٕ مثالے محمد امین کٲمل سٕنز ساقی نامہٕ تہٕ تٲے نامہٕ ، پروفیسر رحمان راہی سٕنز کینہہ زیچھِ بیانیہ نظمہٕ ، ارجن دیو مجبور سٕنز سنگر تہٕ سنگر مال ہشہ نظمہٕ چھے مثنوی نگٲری ہٕندۍ نٔوۍ تجربہٕ ۔ شمس الدین غمگین سٕنز" رٕژ شیچھ ﴿سورئہ یوسفُک ترجمہٕ﴾ تہٕ غلام نبی ظہور سٕنز باغ و بہارِ ہشہ نظمہٕ چھے مثنوی نگٲری ہٕندِس روایتس ڈکھ عطا کران۔ ایوب صٲبر سٕنز لۅکچہ بجہ کینہہ مثنوۍیہ تہ چھِ اَمی رٮ۪وایتچہ ہانکلہ ہٕندۍ کٔرۍ۔ فاروق نازکی سُند مرزا نواب شوق سٕنز مشہور اُردو مثنوی زہر عشقُک کٲشُر ترجمہٕ چھُ"مہہ جبین" نٲوۍ حال حالٕے شائع کرنہٕ آمُت ، اَتھ پٮ۪ٹھ نٲقدانہٕ نظر تراونٕچ چھے ضروٗرت۔ وۅنۍ گو فاروق نازکی سٕنز یہ مثنوی چھے کٲشرِ زبٲنۍ خٲطرٕ اکھ فال نیک بلکہ موجودِ صورتِ حالس منز مثنوی نگٲری خٲطرٕ اکھ نٔو میلہٕ کٔنۍ۔ 1988ءمنز چھپٲو غلام محمد رفیقن"عرفانِ وجود" نٲوۍ پنٕنۍ مثنوی ، یہ چھے سارِوٕے کٲشرٮ۪و مثنوۍٮ۪و نِش موادٕ رٔنگۍ مختلف ، اَمِکۍ کردار چھِ شٲعرن پانے تُھرۍ مٕتۍتہٕ قصہٕ تہ تخلیق کورمُت۔ یہ مثنوی چھے سانٮ۪ن مثنوۍین منز اکھ مۅلُل اِضافہٕ۔	https://github.com/mzmmoazam/kashmiri_dataset	381
حال حالٕے کور سانٮ۪و دۅیو اَہم شاعرو مثنوی نگٲری منز نوزُو زٮ۪تہٕ پٲدٕ کرنہٕ خٲطرٕ نوِ اندازٕ تہٕ ذوقہٕ شوقہٕ نوو تجربہٕ ، اَتھ صنفس اندر تُلکھ نوٮ۪ن تجربن ہٕنز باوَتھ کٲری دَس۔ اکھ چھُ فاروق نازکی ییمۍ سٕنز"ناد" مثنوی ہُند اکھ پڑاو سپُد واد رسالہٕ کِس سٔتۍمہ جِلد کِس د ویمِس شُمارس اندر واد ادارُک نوٹ ہٮ۪تھ شایع "فاروق نازکی سٕنز یہ مثنوی چھے اُردو تہٕ فارسی مثنوی نِش بِدون تہٕ اکھ اَہم آواز ، اَسہ چھُ یہ سوال زِ کیامثنوی ہیکیا شٲعری بٔنِتھ ، اگر مثنوی چھِ زیادٕ کھۅتہٕ زیادٕ کلام موزوٗن تیلہ چھُ سوال پٲدٕ گژھان زِ شٲعری ہُند موضوع کیا چھُ ، زیرِ نظر مثنوی ہُند پڑاو چھُ وضاحت یژھان "	https://github.com/mzmmoazam/kashmiri_dataset	115
بِشنو از نے چوں حکایت می کند و از جُدٲیی ہا شکایت می کُند	https://github.com/mzmmoazam/kashmiri_dataset	14
چھَس نٔیستانٕچ کُکِل زَن کٔج گٲمٕژ چھندریمٕژ ،اَہرنیمٕژ ،ؤسۍ پیمٕژ	https://github.com/mzmmoazam/kashmiri_dataset	10
میانہ سینٕکۍ سرو کران باوتھ غمس یُتھنہٕ زانکھ چھَس بہٕ نغمن سٍتۍ مَس	https://github.com/mzmmoazam/kashmiri_dataset	13
تارِ کٔرنس نے نوازن شوقہٕ مٔژ تس خبر چھا کس وُٹھن سفراتھ کھٔژ	https://github.com/mzmmoazam/kashmiri_dataset	13
کوہ قافُک تاپھ یاوُن میونویے چھُم بیابانن کوہن منز کرونویے	https://github.com/mzmmoazam/kashmiri_dataset	10
آبشارُک گرٮ۪ز بہارُک زیروبم سونتہٕ واوس پٮ۪ٹھ چھِ گُل شیرن قدم	https://github.com/mzmmoazam/kashmiri_dataset	11
تیر رٲچھو میانہ لَیہ عرفان لوب عرشہ والٮ۪ن میون آلو گونہٕ گوب	https://github.com/mzmmoazam/kashmiri_dataset	12
نے نوازو بال ترٲوِتھ کوت ژٕآکھ شہرٕ کٮ۪ن دیوان خانن کیازِ ژاکھ	https://github.com/mzmmoazam/kashmiri_dataset	12
لوکہٕ ارساتس اندر کوٕ وٲجتھس بے خبر پٲٹھۍ تاوٕنس کوٕلٲجتھس	https://github.com/mzmmoazam/kashmiri_dataset	10
بال تھاوان لال سینس منز رٔچھِتھ شینہٕ مانٮ۪ن تَل چھِ کم کم سٕہہ کھٔٹِتھ	https://github.com/mzmmoazam/kashmiri_dataset	14
بال وٮ۪تراوان چھِ کم کم نارٕتٔتۍ طوٗرٕ کِس بالس چھِ کم کم ژِہۍ لیکھِتھ	https://github.com/mzmmoazam/kashmiri_dataset	14
زَگ تہٕ پرون نیران وَنن منز بٲن بٲن رام ،لکھمن، پرمہٕ لیلا عٲن غٲن	https://github.com/mzmmoazam/kashmiri_dataset	14
ناد گو نوٗرس رٔلِتھ سپدٮ۪و وجود بومبرٕ گٕنگرایو وجودس دیُت سروٗد	https://github.com/mzmmoazam/kashmiri_dataset	11
ناد گو جبرئیل سُند اقراءوَنُن ناد گو یزدانہٕ سُند آلو کنن	https://github.com/mzmmoazam/kashmiri_dataset	11
ناد گو"کُن" حُکمِ رُبِ ذوالجلال ناد گو نِروان معراجُک کمال	https://github.com/mzmmoazam/kashmiri_dataset	10
د ویم شٲعر چھُ نٲجی منّور ، ییمۍ لُکہٕ روایژن ہُند پوٗرِ پوٗر فٲیدٕ تُلِتھ اکھ نُندٕ بٲنۍ تہٕ پننہ طرزٕچ جُدا گانہٕ مثنوی لیچھمٕژ چھے، ناو تہ چُھس "پوز تہٕ پزِ"یہ مثنوی تہ چھے اکھ نوو تجربہٕ ، یِمہٕ دۅنوے مثنوۍیہ چھے یہ الزام پُھٹراوان زِ مثنوی شعرٕ ذاتھ کیا چھِ وۅنۍ ہانٹھنیامٕژ۔	https://github.com/mzmmoazam/kashmiri_dataset	54
بوزٕکھے پانا ژٕ لٮ۪کھ اکھ مثنوی دٮ۪و برنزٮ۪ن کینژَن گژھی حٲصِل خوشی	https://github.com/mzmmoazam/kashmiri_dataset	12
ٲنہٕ ہن اکھ کونہٕ پانس کِژ گرکھ صوٗرٕژن پنہٕ نٮ۪ن ژٕ پانے تاہ کرکھ	https://github.com/mzmmoazam/kashmiri_dataset	14
لورِہن ژھارے زِ ڈٔکھراوو پکو سرپھٕ ہن پِلہٕ نٲو یارو دوستو	https://github.com/mzmmoazam/kashmiri_dataset	11
کۅکرِ ہَن رٔچھ ٹھوٗل تروون پرگرس ہوٗل بانگے کرنہ آمٕژ پٮ۪ٹھ برس	https://github.com/mzmmoazam/kashmiri_dataset	12
کوت سَنا گٔے خۅش یِوٕنۍ تِم پرٲنۍ دۅہ فِکرِ روس ، بے غم تہٕ بے پھروک سٲنۍ دۅہ	https://github.com/mzmmoazam/kashmiri_dataset	18
ستہٕ تُت تاں ٲر کجہ تَل روومُت نِچہ گِلہ چُھس چھِٹہ پِلہٕ وَن مل پیومُت	https://github.com/mzmmoazam/kashmiri_dataset	15
ڈینشہ کُس آکاشہککٲیا پکان وۅنۍ چھُ کُس ککایہ کِرمٲیا منگان	https://github.com/mzmmoazam/kashmiri_dataset	10
گولہ کھییہ سینن تہٕ تٔتھۍ منز لوب نجات زہرٕ پیالن وون یہ گو آبِ حیات	https://github.com/mzmmoazam/kashmiri_dataset	15
ہاے وۅنۍ ڈینشان چھِ دۅہدِش ساڈٕ سٔتۍ شاہمتو و ول نال گٔے اَسہ کۅکرِ پٔتۍ	https://github.com/mzmmoazam/kashmiri_dataset	15
علم پرناوان چھِ اَن پَر ماشٹر مسندن کھٔتۍمٕتۍ چھ سرونٹی بٲرخر	https://github.com/mzmmoazam/kashmiri_dataset	11
ریڈیو، ٹی وی ، جہالَتھ بٲگران عقلہ قلمَس گٔے ژٹان دۅہدش زبان	https://github.com/mzmmoazam/kashmiri_dataset	12
یِژھٕ کو ششہ وُچھِتھ چھے وۅمید گنان زِ مثنوی ما پھیرن بییہ دۅہ تہٕ بنان چھُ محمد یوسف ٹینگ سُند یہ وَنُن مانیرِ پوزُے زِ__	https://github.com/mzmmoazam/kashmiri_dataset	25
" مثنوی ہٮ۪کن وُنہ تہ اہم تہٕ شاندار ادبی کارنامہٕ ڈنب لٔگِتھ تہٕ زیوِتھ تہ۔ از ہرگاہ نے کٲشِرس شٲعرس صلاحیت یا فرصُت چھے، تہ گو نہٕ زِ أسۍ منساوون یہ أر تہٕ دٔر شعرٕ ذاتھ ،کیا خبر زِ کٲشرس ییلہ ریڈیو تہٕ ٹی، وی کہ ٹٮ۪کسالہٕ منز یڈ ییہ تہٕ ژاٹہٕ کوٹ کٔرِتھ بٮ۪ہنٕچ ژٮ۪ڈ پٲدٕ گژھِ ،سُہ ما گژھِ کُنہ ساتہٕ مثنوی تہٕ ناول چن زُلفن کنگٕنۍ والنس منز آوُر" ﴿شیرازٕ 1928ءشُمارٕ 2 ص 17﴾۔	https://github.com/mzmmoazam/kashmiri_dataset	77
۱۔ شیرازٕ لولہٕ مثنوی نمبر ۲۔ شیرازٕ جنگ نامہٕ نمبر ۳۔ شیرازٕ ۲۸۹۱ءشُمارٕ۲، مضمون"مثنوی تیلہ تہٕ از " محمد یوسف ٹینگ۔ ۴۔ کٲشرِ ادبُک توٲریخ مولفہ ڈاکٹر شفیع شوق ، ناجی منور۔ ۵۔ سون ادب 1969ء۔ ۶۔ واد سرینگر شمارٕ۷ جلد ۲۔ ۷۔ انہار جلد ۵۔ شمارٕ۸ ۸۔ انہار جِلد۲۱ شمارٕ ۵۱۔	https://github.com/mzmmoazam/kashmiri_dataset	52
اَسہ چھے کٔژ تامٕے مثنوۍیہ یِمن منزسید سیود تُصوف یا تمہ کٮ۪ن مختلف انہارن ہٕنزوکھنے سپٕز مٕژ چھے۔ بامے تِمن ہٕندۍ لیکھن وٲلۍ ناماوار صوٗفی چھِ یا نہ چھِ، یِتھٮ۪ن مثنوۍ نگارن منزچھُ سون مشہوٗر صوفی شٲعر مومن صٲب خاص مقام تھاوان ۔تسٕنزخٲلِص متصوفانہٕ مثنوی "کٲشرِ منطق الطیر"چھے نہَ صرف کٲشر زبٲنۍ خٲطرٕ بٔڈ ارزتھ بلکہ کٲشرِ زبٲنۍ ہٕندِس صوٗفی ادبس منز اکہ میلہٕ کنہ ہٕنز حثیت تھاون ۔	https://github.com/mzmmoazam/kashmiri_dataset	69
مومن صٲبنہ اَمہ مثنوی ہُند آگُر چھُ حضرتِ فرید الدین عطار ؒ سٕنز مشہوٗر مثنوی "منطق الطیر"اَتھ منزچُھ سلوٗکہٕ کٮ۪ن سِرسٲوۍ تہٕ پُر اسرار پڑاون ہُند استعٲراتی اظہار موجود	https://github.com/mzmmoazam/kashmiri_dataset	29
نوٗرِ حق چوں مولوی رومی بدید مثنوی زاں نور آمد در پدید	https://github.com/mzmmoazam/kashmiri_dataset	12
نوٗر حق بے پردہ آمد در عطار بوی منطق الطیراو کردہ نثار	https://github.com/mzmmoazam/kashmiri_dataset	12
﴿دُرِ عرفان،شاہ عبدالغفور شوپیانی﴾	https://github.com/mzmmoazam/kashmiri_dataset	4
مومن صٲبن چھے حضرتِ عطارؒ سٕنز دۅدٕ کۅل مٔندِتھ تھَنہٕ لوزٕ کٔرۍمٕتۍ۔ کُنہ فارسی مثنوی ہُند چھُ یہ شاید کٲشرِ زبٲنۍ منز گۅڈنیُک ترجمہٕ تہٕ تلخیص ۔ فارسی منطق الطیرس منز چھے شعرن ہٕنز گرند پانژَو ساسو تہ پیٹھی گژھان ، ییلہ زَن مومن صٲبن اَمہ گۅلاب گۅندیُک عطرٕ چیرتھ صِرف 389 شعرن ہٕندِس شفاف عطر دانس منزمحفوٗظ کورمُت چھُ:	https://github.com/mzmmoazam/kashmiri_dataset	60
بوے از مُشکھ ،مُشکھ از تاتا ر آو مومنس از جانبِ عطار آو	https://github.com/mzmmoazam/kashmiri_dataset	13
تمٔۍ چھُ نہ زیوٗٹھ حمد لیوکھمُت ،نہ کانہہ مناجات تہٕ نہ وجہ تصنیف، ییلہ زَن یِم چیز مثنوی ہٕندِ روایتٕکۍ حِصہٕ روٗدۍ مٕتۍ چھِ،زِ یچھِ تمثیلہٕ ضمنی واقہٕ ، مۅرشدس نذرانۂ عقیدت ہوۍ رٮ۪وایتی چیز تہ چھِن ترٲوۍتھٕے ژھٕنۍمٕتۍ۔ ژکہ چھُ سُہ اورُک یورُک مصالہٕ رلاونہٕ روستُے مطلبٕچ کتَھ ونٕنۍ اوسمُت یژھان ،یتھ منز سُہ کامیاب تہٕ کامران باسان چھُ ۔تمٔۍ چھُ فارسی منطق الطیرُک سُے حصہٕ نظموومُت کٲشِرۍ پٲٹھۍ، یتھ منز سٲری جاناوار سٔمِتھ ستہٕ تِس پنُن رہبر بنٲوِتھ کوہ قاف کُن سفرس چھِ نیران ،ییتہ تِم پنہٕ نِس بادشاہ سیمرُغ سُند دیدارکرُن چھِ یژھان ۔سَتہٕ تُت﴿ ہُد ہُد﴾ چھُ جاناوارن ہٕندٮ۪ن دِلن منزموجودٕ سفرٕکۍ خدشہ تہٕ وسواس بصیرت افروز نصیحتو سٍتۍ دوٗر کٔرِتھ تِہندۍ حوصلہٕ بڑاوان۔جاناوار چھِ سَتھ مرگہٕ طے کران ،اَتھ سفرس دوران چھُ ہُد ہُد تہٕ بییہ زٕے جاناوار کامیاب سپدِتھ سُرخرو سپدان، مٔنزلِس پٮ۪ٹھ وٲتِتھ چھِ تِم تہ سیمرُغہٕ سٕندِ اکہ جلوٕ سوٗر سپدِتھ جُزکُلس منزجذب سپدان۔	https://github.com/mzmmoazam/kashmiri_dataset	152
لاکھوں ہی مسافر چلتے ہیں ،منزل پہ پہنچتے ہیں دو ایک اے اہلِ زمانہ قدر کرو نایاب نہ ہوں کم یاب ہیں ہم ﴿شاد عظیم آبادی﴾	https://github.com/mzmmoazam/kashmiri_dataset	26
دراصل چھِ اَتھ مثنوی منز سٲلکہٕ سٕندِ روحٲنی سفرٕچ باوَتھ سپٕز مٕژ ، مثنوی ہٕندِنفسِ مضمونہٕ مطابق چھِ سٲلۍکس مٔنزِلس تام واتنہٕ خٲطرٕ سَتھ پڑاو سرٕکرٕنۍ ،سَتھ مرگہٕ چھِ سَتھ مقام ، یِمن تام واتُن تہٕ وٲتِتھ تَتہ دَرُن سٮ۪ٹھاہ مُشکل چھُ ۔مثنوی منز چھِ یِمن پڑاون ہٕنز ییمہ ترتیبہٕ نشاندہی کرنہٕ آمٕژ۔	https://github.com/mzmmoazam/kashmiri_dataset	53
آو یَس روزِ طلب گو بے نوا پادشاہ یود آسہ سپدانٕے گدا	https://github.com/mzmmoazam/kashmiri_dataset	12
طٲلبس آرام چھُے نا روز و شب چُھس بہ تاثیر طلب تس پٮ۪ٹھ غضب	https://github.com/mzmmoazam/kashmiri_dataset	14
عشق لاثٲنی سٮ۪ٹھاہ تس زور چھے از تری تاعرش تمٔۍ سُند دورچھُے	https://github.com/mzmmoazam/kashmiri_dataset	12
سُے عشق چھُے جلوئہ آں ذوالجلال سُے عشق چھُے آفتابِ بے زوال	https://github.com/mzmmoazam/kashmiri_dataset	12
آتشِ عشقس چھُنا کینہہ کھیون تہٕ چون آتشِ عشق چھُنا زیون یا مرُن	https://github.com/mzmmoazam/kashmiri_dataset	13
۳۔شکھ تہٕ ژَکھ:	https://github.com/mzmmoazam/kashmiri_dataset	3
منہٕ نِشے دوٗر کر گۅڈٕ ژَکھ تہٕ شکھ جانہٕ کُے جانانہٕ ادٕ دیدو وُچھکھ	https://github.com/mzmmoazam/kashmiri_dataset	14
آفتابِ دِل ییمِس روشن سپُن آفتابِ معرفت تس دراو نون	https://github.com/mzmmoazam/kashmiri_dataset	10
وادٸ ژوٗرِم چھے استغفار ناو یِتہٕ پانو غۅطہٕ دِتھ اَتھ منز ژٕ راو	https://github.com/mzmmoazam/kashmiri_dataset	13
چھُے تجّلی لاوُبالی ذوالجلال اتھ شیےَ کم کم چھِ گژھان خستہٕ حال	https://github.com/mzmmoazam/kashmiri_dataset	12
سٲلکو ییلہ کُنِرسٕے منز پیکھ پتھر کینہہ نہٕ چھُکھ تے کینہہ نہٕ سٕے پٮ۪ٹھ تھو نظر	https://github.com/mzmmoazam/kashmiri_dataset	16
کینہہ نہٕ چھُکھ تے کینہہ نہ سٕے اندر اَژکھ کینہہ نہٕ ٲسِتھ کینہہ نہٕ سٕے اندر مۅژَکھ	https://github.com/mzmmoazam/kashmiri_dataset	17
زانہ سُے یُس حٲرتس منز بستہٕ گو ہوس ٲسِتھ موہ چھُ سپدان خستہٕ گو	https://github.com/mzmmoazam/kashmiri_dataset	14
گِردِ آبس منز ولنے آو تے خوف چُھس ہرلحظہٕ پھَٹٮ۪م ما ناو تے	https://github.com/mzmmoazam/kashmiri_dataset	13
وادٸ ہفتم یۅہے فقروفنا اتہ کتیو ویژِ ونُن چوں و چرا	https://github.com/mzmmoazam/kashmiri_dataset	11
عالمِ امثالٕکۍ احباب یِم حکمتھاہ تصویر چھی برآب تِم	https://github.com/mzmmoazam/kashmiri_dataset	9
نے ویژی تتہ بندٕ ونُن نے خدا نے ویژی تتہ پادشاہ نے گدا	https://github.com/mzmmoazam/kashmiri_dataset	13
زبان و بیانہٕ کٮ۪و کینژَو کھۅندٮ۪و ورٲے چھے کٲشِر منطق الطیر سٲنۍ اکھ ابتدٲیی مثنوی آسنہٕ باوجود تہ رَچھِ کرنس لایق ارزتھ،اَتھ منزچھِ ییمہ قسمٕکۍ کٍتۍ شعر از تام بے مثال	https://github.com/mzmmoazam/kashmiri_dataset	31
پھول ٲسِتھ ہیول سپنکھ کھل بنکھ قطرٕکِس دٔرۍیاوٕسٕے وٲصِل بنکھ	https://github.com/mzmmoazam/kashmiri_dataset	10
حالہٕ تَلے روٗد کتے راتھ دۅہ کنہ پھٔلۍ سٕے پٮ۪ٹھ ؤسِتھ زن آو کۅہ	https://github.com/mzmmoazam/kashmiri_dataset	14
اماپوز نۅم شعر چھِ یاتہٕ بے مانہ ،نتہٕ ثقیل، آے سلیمان ہٮ۪تھ اَسہ ماسٲرۍیے سانہ واتنٕچ تَتھ تاں کینہہ چھنہٕ سَے	https://github.com/mzmmoazam/kashmiri_dataset	21
مو زِ ضعیف ٲسۍ گٔمٕتۍدرچاہ چھِ بند کتہ طاقت أسۍ اَنو با آں بُلند	https://github.com/mzmmoazam/kashmiri_dataset	14
قصہ با القصہ ؤلۍ ؤلۍ ژے أنِتھ خۅش خبر حضرت سُلیمانس دِژٕتھ	https://github.com/mzmmoazam/kashmiri_dataset	12
محمود گٲمی چھُنہٕ صوٗفی شٲعرن ہٕنز گیجہ گنڈنہٕ آمُت اماپوز تسٕنزن کینژَن مثنوی ین ہٕندۍ موضوع چھِ خٲلِص صوٗفی فلسفس سٍتۍ واٹھ تھاوان مثالے پۂلۍ نامہٕ ،منصوٗر نامہٕ بیترِ۔ منصوٗرنامہٕ چھُ محمودس علاوٕ مقبول کرالہٕ وٲرۍ تہ لیوکھمُت دۅنہٕ وٕنۍ منز چھُ منصور الحلاج البغدادی ﴿متوفی 327ھ﴾ سٕندِ انا الحق ونہٕ نُک تہٕ یہ ونہٕ نَس پٮ۪ٹھ سُہ سنگسار کرنہٕ پتہٕ مارنُک واقہٕ نظمٲوِتھ۔ محمودن چھُ حضرت مولانا جٲمی سٕندِ فارسی منصوٗرنامُک تہٕ مقبول کرالہٕ وٲرۍتہ تمٔۍ سٕندے منصور نامُک کٲشُر ترجمہٕ پیش کورمُت ، دۅنہٕ وٕنۍ مثنوۍین چھُ کنُے آگُر اوسمُت ،اَوٕ مۅکھٕ چھَنہٕ دۅنوٕنۍ مثنوی ین منز واقعاتن ہٕنزکانہہ فرق:	https://github.com/mzmmoazam/kashmiri_dataset	102
یہ حکایت ؤنۍ یہ حضرتِ جٲمین ؤنۍ یہ کٲشرۍ پٲٹھۍ محمود گٲمۍین	https://github.com/mzmmoazam/kashmiri_dataset	12
وُچھ مے درنفحات لیوکھمُت باسند پیش منصوٗر آو شخصاہ معتمد	https://github.com/mzmmoazam/kashmiri_dataset	10
﴿مقبول کرالہٕ وٲرۍ﴾	https://github.com/mzmmoazam/kashmiri_dataset	3
ظٲہر چھُ زِ دۅنوٕے صاحبو چھُ یہ قصہ جامی سٕنزِنفحات الانس کتابہ منز ا ونمُت ۔سُہ چھُ یہ زِ منصوٗر حلاج یٔمۍ سٕنز کتاب الطواسین ، تسٕندٮ۪ن اقوالن ہٕنز سۅمبرن،وُنہ تہ موجود چھے، اوس سٮ۪ٹھاہ تھدِ مرتبُک عٲلم تہٕ عٲمِل،پنژاہہ وُہرۍ پییَس عشقٕچ تٮ۪مبٕر دِلس تہٕ سبق سپدُس مشرپھ۔ عشق اِلٲہیس اندرغرق سپدِتھ و ونُن انا الحق بٔہ چُھس خُدا ۔ خدا چُھس بٕے۔ مذہب دارو دیتُس حکمِ کُفر ، وقتہٕ کٮ۪و عٲلۍ مَو تہٕ عٲملو ،یِمن منز حضرت شبلی، حضرت جنید بغدادی ؒتہٕ حضرت شیخ اکبرؒ سرس ٲسۍ کریاس وعظ و نصیحت زِ سِرس ننٮ۪ر کرُن گو نہٕ جان شعریعتس مہ واتناو نقصان ، اماپوز	https://github.com/mzmmoazam/kashmiri_dataset	106
بحرِ عرفانس اندر ییلہ قطرٕ گو قطرٕ دریا ،عینِ دٔرۍیا قطرٕ گو	https://github.com/mzmmoazam/kashmiri_dataset	12
گاسہٕ کرٹ نارس اندر پییہ گٔے دٔزِتھ خٲصیت نارُک لوبُن تمہ رٮ۪ہہ سٔزِتھ	https://github.com/mzmmoazam/kashmiri_dataset	13
منصوٗرن مون نہٕ تہٕ کورُکھ قٲد ،قٲدس اندر ٲسۍ ژور ہتَھ مُجرم ، تِمن پییہ پٲنۍ پانے ہتھکرِ ؤسِتھ۔ پتہٕ سپُد قٲد خانہٕ ہٮ۪تھ غٲب ۔کینژِ کٲلۍ گوو بییہ نون۔ وول لوٗکو عید گاہس منز مارنہ تتہ سپٕز سارِنٕے لوٗکن منصوٗرٕ سٕنز شکل ،تِم گٔے عٲجز زِمارٕ ہون کُس تہٕ تھوٕ ہون کُس۔ مگر چھُ منصور پانے ونان عٲلمن زِ تُہۍ دِیِو میے مارنُک فتویٰ عٲلمو دیُتِ فتویٰ ،تہٕ کھو رُکھ منصوٗردارس ، دارس پٮ۪ٹھ تہ اوس سُہ انا الحق ونان۔	https://github.com/mzmmoazam/kashmiri_dataset	81
محمودن چھُ یہ قِصہٕ أکِس ہتس تہٕ دۅن تہٕ مقبولن زٕ ہتھ تہٕ وُہن شعرن منز و ونمُت۔ محمود ن چھُ اَتہ تہ لُکہٕ طرزٕے ورتوومُت ،لۅتہٕ وٲے تہٕ ژھوٹ بحر، سہل تہٕ عام لفظ ۔ ییلہ زَن مقبول ہناہ زیادے فارسی آمیز زبان ورتاوس لاگان چھُ۔ سارِوٕے کھۅتہٕ وحدت الوجودی صوفی منصور حلاج سٕندٮ۪ن مۅخصر واقاتن پٮ۪ٹھ مبنی یِم زٕمثنوۍیہ چھے سانہ زبٲنۍ منز تھدٮ۪ن مرتبن ہٕنزِ حقدار۔	https://github.com/mzmmoazam/kashmiri_dataset	69

End of preview. Expand in Dataset Viewer.

Kashmiri Textual Data Corpus

Introduction

This repository contains a combined dataset of Kashmiri textual data collected from various sources. The data has been sourced from different locations and may contain non-Kashmiri text (e.g., Urdu, Persian). The goal of this corpus is to provide a wide variety of Kashmiri text data for research and language processing tasks.

Sources of Data

1. mzmmoazam/kashmiri_dataset (HTML Data)

Source: GitHub - mzmmoazam/kashmiri_dataset

This dataset contains Kashmiri text scraped from various HTML pages. Some sentences may include non-Kashmiri text.

Data Sample:

sentence	source
یہ چھہ دوٚیم حصہ گۅڈنیک حصہ وُچھِو * تۯیم حصہ وُچھِو کتاب ٹھیک پٲٹھۍ پرنہ باپتھ چھہ گلمرگ نستعلیق فانٹ انسٹال کرن ضروری۔	https://github.com/mzmmoazam/kashmiri_dataset
سرمایا تہٕ سام	https://github.com/mzmmoazam/kashmiri_dataset

2. SMUQamar

Source: Hugging Face - SMUQamar/Kashmiri-English-Parallel-Corpus

This dataset contains Kashmiri-English parallel sentences.

Data Sample:

sentence	source
کیٛاہ ژٕ ہؠکہٕ مےٚ کینٛہہ ہیلدی فوڈ ڈِنَر خٲطرٕ سجسٹہٕ کٔرِتھ	https://huggingface.co/datasets/SMUQamar/Kashmiri-English-Parallel-Corpus
مہربٲنی کٔرِتھ کر سپیکرچ آواز کم	https://huggingface.co/datasets/SMUQamar/Kashmiri-English-Parallel-Corpus

3. Wikipedia

Source: Kashmiri Wikipedia

Data scraped from Kashmiri Wikipedia articles.

Data Sample:

sentence	source
1- (نَمبَر) چھُ اَکھ نَمبَر یُس -2 کھوتہٕ بۆڈ چھُ تہٕ 0 کھوتہٕ لوکُٹ چھُ۔	https://ks.wikipedia.org
0 (نَمبَر) یا صِفَر چھُ اَکھ نَمبَر یُس -1 کھوتہٕ بۆڈ چھُ تہٕ 1 کھوتہٕ لوکُٹ چھُ.	https://ks.wikipedia.org

4. NLLB

Source: Hugging Face - allenai/nllb

This dataset contains Kashmiri sentences from the NLLB project.

Data Sample:

sentence	source
اسہِ تہِ ؤژھ آکاشہِ برکت تٲے تٲے	https://huggingface.co/datasets/allenai/nllb
رٲتۍ راتس پتھ عذابن میٲنۍ تن وٮتراں کُنی	https://huggingface.co/datasets/allenai/nllb

5. OpenSlr

Source: OpenSlr - Dataset 122

This dataset contains Kashmiri sentences collected from OpenSlr.

Data Sample:

sentence	source
مِہ ہز چھ ناو آدِل بشیر	https://openslr.org/122/
بٔہ ہز چُھس بسان کۅلگامِہ ڈِسٹِک	https://openslr.org/122/

Data Preprocessing

The data has been processed by performing the following steps:

Merging Data: All datasets were combined into a single dataset.
Cleaning: Duplicates were removed, and sentences with very few words were filtered out.
Word Count: Word counts for each sentence were calculated and visualized.
Filtered Data: Sentences with fewer than 3 words were excluded from the final dataset.

Cleaned Data Statistics:

Total Sentences: 46,748
Average Word Count per Sentence: 16.1
Max Word Count per Sentence: 6767
Min Word Count per Sentence: 3

Citation

If you use this dataset in your research, please cite it as:

@misc{
KashmiriCorpus2024,
author = {Nawab},
title = {Kashmiri Textual Data Corpus},
year = {2024},
url = {https://huggingface.co/datasets/kashmiri_corpus} 
}

Downloads last month: 38

Size of downloaded dataset files:

10.5 MB

Size of the auto-converted Parquet files:

4.11 MB

Number of rows:

47,344