Datasets:

NorHsangPha

/

shan-news-ssppssa_org

like 0

2025-01-02T09:49:14

https://ssppssa.org/2025/01/sspp-ssa-%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba%e1%81%b5%e1%82%83%e1%82%88%e1%80%9a%e1%80%b0%e1%80%90%e1%80%ba%e1%80%b8%e1%80%9a%e1%82%83-%e1%80%a2%e1%80%bd%e1%81%bc/

SSPP/SSA ၸွႆႈထႅမ်ၵႃႈယူတ်းယႃ ဢွၼ်ႇၸၢႆး ဢႃႇယု (11) ၶူပ်ႇ ဢၼ်ထုၵ်ႇၺႃး RCSS ယိုဝ်း ၼႂ်းၸေႈဝဵင်း မိူင်းၵိုင်

ပႃႇတီႇမႂ်ႇသုင်ၸိုင်ႈတႆး၊တပ်ႉသိုၵ်းၸိုင်ႈတႆး SSPP/SSA ၸွႆႈထႅမ် ၵႃႈယူတ်းယႃ ဢွၼ်ႇၸၢႆးဢႃႇယု(11) ၶူပ်ႇ ဢၼ်ထုၵ်ႇ ၺႃး ၸုမ်း RCSS ဢဝ်ၵွင်ႈယိုဝ်း သေ လႆႈသူင်ႇယူတ်းယႃတူဝ်ဝႆႉ တီႈႁူင်းယႃလူင် ဝဵင်းမိူင်းၵိုင် ၼၼ်ႉယူႇယဝ်ႉ။ မိူဝ်ႈလိူၼ် တီႇသိမ်ႊပိူဝ်ႊ 24 ဝၼ်း ၼၼ်ႉ ယူႇတီႈၽူႈမီးပုၼ်ႈၽွၼ်း ၼႂ်းၸေႈတွၼ်ႈ(15) SSPP/SSA လႆႈၵႂႃႇသူႇ ၸႂ်း ပၼ်ႁႅင်းၸႂ် လႄႈ ၸွႆႈထႅမ်ငိုၼ်း ၵႃႈယူတ်းယႃ (10) သႅၼ်ၵျၢပ်ႈ တီႈၸၢႆးသေး ဢႃႇယု(11) ၶူပ်ႇ ဢၼ်ယူတ်းယႃ ႁွႆးၸဵပ်း ၸိုၼ်ႈၶႅၼ်းယဝ်ႉသေ လႆႈလူင်းႁူင်းယႃမႃး မိူဝ်ႈလိူၼ်တီႇ သိမ်ႊပိူဝ်ႊ 23 ဝၼ်းၼၼ်ႉ ယူႇယဝ်ႉ။ ၸၢႆးသေးၼႆႉ ပဵၼ်လုၵ်ႈၸၢႆး ၸၢႆးသၢင်ႇလဵၵ်ႉ(ႁွင်ႉ) ၸၢႆးဝႃႇ လိင်ႇ ဢၼ်ယၢမ်ႈႁၢပ်ႇထၢမ်းၵၢၼ်သိုၵ်း ၼႂ်းမုၵ်ႉၸုမ်း RCSS လႄႈ ပဵၼ်လၢၼ်ၸၢႆး ပူႇၵၢၼ်ႈၶမ်း ဢၼ်ၸုမ်း RCSS ၶဝ် ပိုတ်းယိုဝ်း ၶႃႈႁႅမ်သေ လႆႈလူႉသဵင်ႈသၢႆၸႂ်ၵႂႃႇ တီႈႁိူၼ်း ဝၢၼ်ႈ ပၢင်ပွႆး ဢိူင်ႇတူင်ႇလဝ်း ၸေႈဝဵင်းမိူင်းၵိုင် မိူဝ်ႈလိူၼ်ပူၼ်ႉမႃး ၼူဝ်ႊဝိုၼ်ႊပိူဝ်ႊ 25 ဝၼ်း ၼၼ်ႉယူႇယဝ်ႉ။ ပူႇၵၢၼ်ႈၶမ်းၼႆႉ ပၢၼ်သိုပ်ႇပၢၼ် ဢမ်ႇဝႃႈ သိုၵ်းတႆး မူႇလႂ်ၸုမ်းလႂ် မႃးတူင်ႉၼိုင် ယူႇသဝ်း ၼႂ်းၼႃႈတီႈၼၼ်ႉ ၵေႃႈ တိုၼ်း ၶဝ်ႈပႃးၸွႆႈထႅမ် ၵူႈၸုမ်း ၊ ပဵၼ်ၵူၼ်းဢဝ်တူဝ် ႁဵတ်းသၢင်ႈ ၸွႆႈထႅမ်ၵၢၼ်ၸိူဝ်ႉၸၢတ်ႈမႃး ပၢၼ်သိုပ်ႇပၢၼ် လႄႈ ပဵၼ်ထဝ်ႈ ဝၢၼ်ႈ ထဝ်ႈယွင်းလီ ဢၼ်ၵူၼ်းတင်းၼမ် ၼပ်ႉယမ် ၵေႃႉၼိုင်ႈယူႇယဝ်ႉ။ လိူဝ်သေၼၼ်ႉဢမ်ႇၵႃး ၵေႃႉပဵၼ်လုၵ်ႈၸၢႆးပူႇၵၢၼ်ႈၶမ်း (ၸၢႆးသၢင်ႇလဵၵ်ႉ) ၼၼ်ႉၵေႃႈ ယွၼ်ႉလူၺ်ႈ ၵၢၼ်ႁၵ်ႉၸိူဝ်ႉၸၢတ်ႈသေ လႆႈၶဝ်ႈႁၢပ်ႇထၢမ်းႈၵၢၼ်သိုၵ်း ၼႂ်း RCSS လႄႈ လႆႈၶဝ်ႈပၢင်တိုၵ်း တင်းသိုၵ်းလွႆ တီႈတေႃႉသၢင်ႇမိူင်းၵုင်း ၸေႈဝဵင်း ၵျွၵ်ႉ မႄး မိူဝ်ႈပီႊ 2020 ၼၼ်ႉသေ လႆႈတူၵ်းသုမ်း လူႉသဵင်ႈသၢႆၸႂ် လူႇၼိူဝ်ႉလူႇလိူတ်ႈမႃး တွၼ်ႈတႃႇမုၵ်ႉၸုမ်း RCSS ၼၼ်ႉ ယူႇယဝ်ႉ။ ထိုင်မႃး လိူၼ်ၼူဝ်ႊဝိုၼ်ႊပိူဝ်ႊ 25 ဝၼ်း ပီႊ 2024 ၼႆႉ ၾၢႆႇတၢင်း RCSS ၶိုၼ်းမႃး ပိုတ်းယိုဝ်းၶႃႈႁႅမ် လုင်း ၵၢၼ်ႈၶမ်း လႄႈ ယိုဝ်းပႃး ၸၢႆးသေး ဢႃႇယု(11) ၶူပ်ႇ ၵေႃႉပဵၼ်လုၵ်ႈၸၢႆး (ၸၢႆးလဵၵ်ႉ ၽူႈႁၢပ်ႇၵၢၼ်သိုၵ်း RCSS) ၼႆႉ တိုၼ်းဢမ်ႇ ထုၵ်ႇလီပဵၼ် ၼႆ ၵူၼ်းမိူင်းပိုၼ်ႉတီႈ ၸေႈဝဵင်းမိူင်းၵိုင် ဢၼ်ႇဢမ်ႇၶႆႈဢွၵ်ႇၸိုဝ်ႈၵေႃႉၼိုင်ႈ ၵေႃႈ လၢတ်ႈၼင်ႇၼႆ။ “ၸိူင်ႉၼႆတေႉ တိုၼ်းဝႃႈဢမ်ႇလီပဵၼ်ၶႃႈ လုင်းၵၢၼ်ႈၶမ်းၼႆႉ မိူဝ်ႈၼၼ်ႉ ယၢမ်ႈဢဝ်လုၵ်ႈၸၢႆးမၼ်း သူင်ႇထၢမ်း ၵၢၼ်သိုၵ်း ၼႂ်း ၶူဝ်းလၢႆး(RCSS) မႃးၶႃႈဢေႃႈ သူင်ႇပၼ်တီႈ ၸဝ်ႈၸၢမ်ႇၶွၵ်း ၶႃႈၼႃႇ ၸုမ်းၶူဝ်းလၢႆးၶဝ် ၶိုၼ်းသူင်ႇၶိုၼ်ႈၼႃႈသိုၵ်း မိူဝ်ႈတိုၵ်းၵၼ် တင်းသိုၵ်းလွႆ တီႈၵျွၵ်ႉမႄး ၼၼ်ႉဢေႃႈ။ ၸၢႆးလဵၵ်ႉ လႆႈတူၵ်းသုမ်းလူႉတၢႆ ၼႂ်းပၢင်တိုၵ်းၼၼ်ႉၶႃႈၼႃႇ။ လႆႈ ဝႃႈ တၢႆတႃႇမုၵ်ႉၸုမ်း ၵေႃႈဝႃႈလႆႈၶႃႈၼႃႇၼေႃႈ။ ၵမ်းၼႆႉ ၸုမ်းၶူဝ်းလၢႆး သမ်ႉၶိုၼ်းမႃးယိုဝ်းႁႅမ်တၢႆပႅတ်ႈ ဢူႈၸၢႆးလဵၵ်ႉလႄႈ ယိုဝ်းပႃး လုၵ်ႈ ၸၢႆး ၸၢႆးလဵၵ်ႉၼႆႉ ၶႃႈၼႃႇ။ သၢႆၸႂ်ၵူၼ်းပဵၼ်ၵေႃႉ ယၢမ်ႈလူႇပၼ်မုၵ်ႉၸုမ်းမႃးၼႆႉ ပွင်ႇဝႃႈ ဢမ်ႇႁၼ်ထိုင် ၵုင်ႇ မုၼ် ဢၼ်ယၢမ်ႈၸွႆႈၵၼ်မႃးၼၼ်ႉသေဢိတ်းၶႃႈလူင်” ဝႃႈၼႆ။ မိူဝ်ႈၸုမ်း RCSS ၶဝ်ႈယိုဝ်း ပူႇၵၢၼ်ႈၶမ်း တီႈဝၢၼ်ႈပၢင်ပွႆး ၼၼ်ႉ ယၢမ်ႈလၢတ်ႈတီႈၵူၼ်းမိူင်းဝႃႈ “ပေႃးႁဝ်းဢမ်ႇလႆႈယူႇ ၵေႃႈ ၵူၼ်းမိူင်းၵေႃႈတိုၼ်းတေဢမ်ႇလႆႈယူႇ” ၼႆသေ တေႃႇထိုင်ယၢမ်းလဵဝ် ၾၢႆႇတင်း RCSS တိုၵ်ႉလႄႇႁႃႁၢင်ႈမၢၵ်ႇ သွတ်ႉ မၢၵ်ႇသႂ်ႇ ပေႃႈမႄႈၵူၼ်းမိူင်း ၼႂ်းၸေႈဝဵင်း မိူင်းၵိုင် ၸေႈဝဵင်းလၢႆးၶႃႈ ၸဵမ်ၸိူဝ်းၼႆႉ ယူႇယဝ်ႉ။

['ႁၢင်ႈလူၼ်ႉ']

2025-01-02T09:45:54

https://ssppssa.org/2025/01/sspp-ssa-%e1%80%a2%e1%80%bd%e1%81%bc%e1%80%ba%e1%82%81%e1%80%b0%e1%80%9d%e1%80%ba-%e1%80%91%e1%80%af%e1%81%ba%e1%80%ba%e1%80%90%e1%81%a2%e1%80%84%e1%80%ba%e1%80%b8-%e1%81%b6%e1%82%82%e1%81%a2/

SSPP/SSA ဢွၼ်ႁူဝ် ထုၺ်တၢင်း/ ၶႂၢၵ်ႈတၢင်းပၼ် ပေႃႈမႄႈၵူၼ်းမိူင်း ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ (24) ၊ ၸေႈတွၼ်ႈမၢႆ (7)

ၽူႈမီးပုၼ်ႈၽွၼ်း ၾၢႆႇတပ်ႉ ၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး၊တပ်ႉသိုၵ်းၸိုင်ႈတႆး SSPP /SSA ၸိူဝ်း ဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ (24) / ၸေႈတွၼ်ႈမၢႆ (7) ၼၼ်ႉ ႁူမ်ႈမိုဝ်းၵၼ် တင်း ပေႃႈမႄႈၵူၼ်းမိူင်း သေ မႄးထုၺ်တၢင်း/ ၶႂၢၵ်ႈတၢင်းပၼ် ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ၼႆယူႇယဝ်ႉ။ ယိူင်းဢၢၼ်း တႃႇပေႃႈမႄႈၵူၼ်းမိူင်း ၼႂ်းပိုၼ်ႉတီႈ တေၵႂႃႇမႃးငၢႆႈၼႆသေ တေႇမိူဝ်ႈလိူၼ် တီႇသိမ်ႊပိူဝ်ႊ (20)ဝၼ်း တေႃႇထိုင် (23) ဝၼ်း ၶၢဝ်းတၢင်းႁိုင် (4) ဝၼ်း ၼၼ်ႉ ၽူႈမီးပုၼ်ႈၽွၼ်း ၾၢႆႇတပ်ႉ ၾၢႆႇဢုပ်ႉပိူင်ႇ SSPP/SSA ၼႂ်းၼႃႈတီႈ ၸေႈဝဵင်းမၢႆ (24) ၸေႈတွၼ်ႈမၢႆ(7) လႆႈဢွၼ်ႁူဝ် ၵေႃႉသိုၵ်း ၵေႃႉႁၢၼ် ဢိၵ်ႇပႃး ပေႃႈမႄႈၵူၼ်းမိူင်း ဝၢၼ်ႈၼႃးၶေႃ ၊ ဝၢၼ်ႈပၢင်ႁူၵ်း ၊ ဝၢၼ်ႈပူးၶႃး ၊ ဝၢၼ်ႈလွႆၶေႃ သေ မႄးထုၺ်တၢင်း/ ၶႂၢၵ်ႈ တၢင်း တေႇတီႈဝၢၼ်ႈၼႃးၶေႃ ၵႂႃႇပွင်ႇတီႈဝၢၼ်ႈၵွင်းႁူင်း၊ ဝၢၼ်ႈၼႃးပဵင်း၊ ဝၢၼ်ႈၼႃးပုင်ႇ ဢၼ်မီးၼႂ်းဢိူင်ႇ မၢႆ(5) ၸေႈဝဵင်းမၢႆ (24) ၵျွၵ်ႉမႄး ၸိုင်ႈတႆးပွတ်းႁွင်ႇ ၼၼ်ႉယူႇယဝ်ႉ။ ဢၼ်လႆႈမႄးႁဵတ်း သဵၼ်ႈတၢင်းၼႆႉ လႆႈၸႂ်ႉတိုဝ်းၵႃး (ပႅၵ်ႉႁူဝ်း) (Backhoe) (1) လမ်း လႄႈ လႆႈၸႂ်ႉတိုဝ်း ႁႅင်း ၵူၼ်းဝၢၼ်ႈ ႁႅင်းသိုၵ်းဢုပ်ႉပိူင်ႇ တင်းၼမ်ယူႇယဝ်ႉ။ လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၵၢၼ်တွၼ်ႈလိၼ်ၶိုၼ်ႈယႂ်ႇ၊ ၵၢၼ်ႁႃ ၵိၼ်လဵင်ႉတွင်ႉ၊ ၵၢၼ်သူၼ်ႁႆႈ/ၼႃး ၵၢၼ်ႁူမ်ႈလူမ်ႈ ၵူႈပၢႆးပၢႆး ၸိူဝ်းၼႆႉ ဢိင်ၼိူဝ်ငဝ်းလၢႆး ၵၢၼ်သိုၵ်း ၵၢၼ်မိူင်း ၼႂ်းပိုၼ်ႉတီႈပၼ်သေ ၵႃႈၼင်ႇ ၸွႆႈလႆႈ ပွင်ပဵၼ်လႆႈ ၼၼ်ႉ ယူႇတီႈ ပႃႇတီႇမႂ်ႇသုင်ၸိုင်ႈတႆး၊တပ်ႉသိုၵ်းၸိုင်ႈတႆး SSPP/SSA ၵေႃႈ တေသိုပ်ႇ ၶတ်းၸႂ် ၸွႆႈထႅမ်ၵႂႃႇယူႇယဝ်ႉ။

['ၵၢၼ်ပူၵ်းပွင်', 'ၵၢၼ်ၵေႃႇသၢင်ႈတွၼ်ႈလိၼ်ၶိုၼ်ႈယႂ်']

2025-01-02T09:33:50

https://ssppssa.org/2025/01/%e1%81%b5%e1%80%b1%e1%82%83%e1%82%89%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%81%b5%e1%80%b1%e1%82%83%e1%82%89%e1%82%81%e1%81%a2%e1%81%bc%e1%80%ba-sspp-ssa-%e1%80%9c%e1%80%b0-4/

ၵေႃႉသိုၵ်းၵေႃႉႁၢၼ် SSPP/SSA လူင်းၸွႆႈထႅမ်ၵၢၼ် ပေႃႈမႄႈၵူၼ်းမိူင်း ၼႂ်းၼႃႈတီႈ ဢုပ်ႉပိူင်ႇ ၸေႈဝဵင်းမၢႆ (9)

ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈ ဢုပ်ႉပိူင်ႇၸေႈဝဵင်းမၢႆ (9) ၼၼ်ႉ လူင်းၸွႆႈထႅမ်ၵၢၼ် ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ၼႆယူႇယဝ်ႉ။ မိူဝ်ႈလိူၼ်တီႇသိမ်ႊပိူဝ်ႊ 24 ဝၼ်း ယၢမ်းၵၢင်ၼႂ် 08:30 မူင်း တေႃႇထိုင် 16:00 မူင်းၼၼ်ႉ ၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ SSPP/SSA လူင်းၸွႆႈထႅမ်ၵၢၼ် ပေႃႈမႄႈၵူၼ်းမိူင်း ၸွႆႈတၢင်ႇၸိူဝ်ႉၽၼ်းဢွႆႈ လႄႈ ၸွႆႈထႅမ် ၽုၵ်ႇဢွႆႈပၼ် လုင်းထုၼ်းၵျီ + ပႃႈယိင်း ယူႇဝၢၼ်ႈၵုင်းၼိဝ်ႉ ဢိူင်ႇႁူဝ်တိုဝ်ႉ ၸေႈဝဵင်းမၢႆ (9) မိူင်းယႆ ၸိုင်ႈတႆးပွတ်း ႁွင်ႇ ၼႆယူႇယဝ်ႉ။ ၼင်ႇႁိုဝ် ပေႃးတေပဵၼ် ၵၢၼ်ၵမ်ႉၸွႆႈ ပေႃႈမႄႈၵူၼ်းမိူင်းဢၼ်ၼိုင်ႈၼႆလႄႈ ၽွင်းပေႃႈမႄႈၵူၼ်းမိူင်း တိုၵ်ႉသိမ်း မၢၵ်ႇၶဝ်ႈ တဝ်ႈၼမ်ႉ ၼႂ်းသူၼ်/ႁႆႊ/ၼႃး ၸိူဝ်းၼၼ်ႉၵေႃႈ ယူႇတီႈၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး၊တပ်ႉသိုၵ်းၸိုင်ႈတႆး SSPP/SSA ဢၼ်တူၵ်းၼႃႈတီႈပုၼ်ႈၽွၼ်း ၼႂ်းၼႃႈတီႈ တီႈလႂ်တီႈၼၼ်ၼၼ်ႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်း ပိုၼ်ႉတီႈပၼ်သေ ၵႃႈၼင်ႇပွင်ပဵၼ်လႆႈၼၼ်ႉ လႆႈၶတ်းၸႂ် ၸွႆႈထႅမ်ပေႃႈမႄႈၵူၼ်းမိူင်း ၵႂႃႇယူႇယဝ်ႉ။

['ၵၢၼ်ၸွႆႈထႅမ်ပေႃႈမႄႈၵူၼ်းမိူင်း', 'ၵၢၼ်ပူၵ်းပွင်']

2025-01-02T09:31:23

https://ssppssa.org/2025/01/sspp-ssa-%e1%80%a2%e1%80%bd%e1%81%bc%e1%80%ba%e1%82%81%e1%80%b0%e1%80%9d%e1%80%ba-%e1%80%9e%e1%80%ad%e1%80%b0%e1%80%9d%e1%80%ba%e1%82%87%e1%80%90%e1%81%a2%e1%80%84%e1%80%ba%e1%80%b8%e1%80%95%e1%81%bc/

SSPP/SSA ဢွၼ်ႁူဝ် သိူဝ်ႇတၢင်းပၼ် ပေႃႈမႄႈၵူၼ်းမိူင်း ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ (18) ၼမ်ႉတူႈ

ၽူႈမီးပုၼ်ႈၽွၼ်း ၾၢႆႇတပ်ႉ ၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး၊တပ်ႉသိုၵ်းၸိုင်ႈတႆး SSPP /SSA ၸိူဝ်း ဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ (18) / ၸေႈတွၼ်ႈမၢႆ (8) ၼၼ်ႉ ဢွၼ်ႁူဝ် ၵေႃႉသိုၵ်း ၵေႃႉႁၢၼ် သေ ၸွႆႈဢဝ်သၢႆး သိူဝ်ႇတၢင်းပၼ် ၼႂ်းပိုၼ်ႉတီႈ ၼႆယူႇယဝ်ႉ။ ယိူင်းဢၢၼ်း တႃႇပေႃႈမႄႈၵူၼ်းမိူင်း ၊ ၵူၼ်းတင်းၼမ် တေၵႂႃႇမႃးငၢႆႈၼႆသေ တေႇမိူဝ်ႈလိူၼ် တီႇသိမ်ႊပိူဝ်ႊ (24)ဝၼ်း တေႃႇထိုင် (26) ဝၼ်း ၶၢဝ်းတၢင်းႁိုင် (3) ဝၼ်း ၼၼ်ႉ ၽူႈမီးပုၼ်ႈၽွၼ်း ၾၢႆႇတပ်ႉ ၾၢႆႇဢုပ်ႉပိူင်ႇ SSPP/SSA ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ (18) ၸေႈတွၼ်ႈမၢႆ(8) လႆႈဢွၼ်ႁူဝ် ၵေႃႉသိုၵ်း ၵေႃႉႁၢၼ် ၼႂ်းတပ်ႉသိုၵ်း ထႃႇဝရ ၊ သိုၵ်းၵူၼ်းမိူင်း သေ ႁူမ်ႈၵၼ်ဢဝ်သၢႆးသိူဝ်ႇတၢင်း တီႈၼိူဝ်သဵၼ်ႈတၢင်း ဢၼ်လုၵ်ႉ ဝၢၼ်ႈသၢမ်ၶႃ ၵႂႃႇၸူးဝၢၼ်ႈမႂ်ႇ (ၼမ်ႉဢုၼ်ႇ) ၼႂ်းဢိူင်ႇမိူင်းမူႉ ၸေႈဝဵင်းမၢႆ(18) ၼမ်ႉတူႈၼၼ်ႉ ယူႇယဝ်ႉ။ သဵၼ်ႈတၢင်းဢၼ်ၼႆႉ မိူဝ်ႈၼၼ်ႉပဵၼ်သဵၼ်ႈတၢင်းလိၼ်လႅင် သေ ပဵၼ်သဵၼ်ႈတၢင်းလူႉၵွႆၼမ် ၊ တႃႇ ပေႃႈ မႄႈ ၵူၼ်းမိူင်း တေတေႃႉတၢင်ႇ မၢၵ်ႇၶဝ်ႈတဝ်ႈၼမ်ႉ ၼႂ်းသူၼ်/ၼႃး ၵေႃႈပဵၼ်ဢၼ်ယၢပ်ႇၸႂ် လႄႈ ဝၢႆးသေ သိူဝ်ႇတၢင်းပၼ်ယဝ်ႉၼႆႉ ပဵၼ်ဢၼ်ၵႂႃႇမႃးငၢႆႈလူမ်ၸႂ်တေႉ ၼႆ ၵူၼ်းမိူင်းပိုၼ်ႉတီႈ ၵေႃႉၼိုင်ႈလၢတ်ႈၼင်ႇၼႆ။ “သဵၼ်ႈတၢင်းၼႆႉ ၵႂႃႇမႃးယၢပ်ႇၼႃႇၶႃႈ ထေႃႈဢွၼ်ႇ ၵႃး ဢွၼ်ႇၵေႃႈ ၵႂႃႇမႃးယၢပ်ႇ ဝၢႆးၶၢဝ်းၾူၼ်ၼႆႉ တၢင်းၵေႃႈ လူႉၼမ် တေႃႈၼင်ႇၵႃးလူင် တၢင်းၵႂႃႇမႃးယၢပ်ႇဢေႃႈ ဝၢႆးသိူဝ်ႇသၢႆးယဝ်ႉၼႆႉတေႉ လႆႈဝႃႈပဵၼ်ဢၼ် ၵႂႃႇမႃးငၢႆႈ တေႉတေႉယဝ်ႉၶႃႈ” ထေႃႈဢွၼ်ႇ ၵႃးဢွၼ်ႇၵေႃႈ ၵႂႃႇမႃးလႆႈ တေႃႉတၢင်ႇ ၶူဝ်းသူၼ် လႆႈၼၼ်ႉၶႃႈၼႃႇၼေႃႈ” ဝႃႈ ၼႆ။ လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၵၢၼ်တွၼ်ႈလိၼ် ၶိုၼ်ႈယႂ်ႇ၊ ၵၢၼ်ႁႃ ၵိၼ်လဵင်ႉတွင်ႉ၊ ၵၢၼ်သူၼ်ႁႆႈ/ၼႃး ၵၢၼ်ႁူမ်ႈလူမ်ႈ ၵူႈပၢႆးပၢႆး ၸိူဝ်းၼႆႉ ဢိင်ၼိူဝ်ငဝ်းလၢႆး ၵၢၼ်သိုၵ်း ၵၢၼ်မိူင်း ၼႂ်းပိုၼ်ႉတီႈပၼ်သေ ၵႃႈၼင်ႇ ၸွႆႈလႆႈ ပွင်ပဵၼ်လႆႈၼၼ်ႉ ယူႇတီႈ ပႃႇတီႇမႂ်ႇသုင်ၸိုင်ႈတႆး၊တပ်ႉသိုၵ်းၸိုင်ႈတႆး SSPP/SSA ၵေႃႈ တေသိုပ်ႇ ၶတ်းၸႂ် ၸွႆႈထႅမ်ၵႂႃႇယူႇယဝ်ႉ။

['ၵၢၼ်ၵေႃႇသၢင်ႈတွၼ်ႈလိၼ်ၶိုၼ်ႈယႂ်', 'ၵၢၼ်ပူၵ်းပွင်']

2025-01-02T09:28:38

https://ssppssa.org/2025/01/sspp-ssa-%e1%80%9c%e1%80%b0%e1%80%84%e1%80%ba%e1%80%b8%e1%80%95%e1%80%ad%e1%80%af%e1%81%bc%e1%80%ba%e1%82%89%e1%80%90%e1%80%ae%e1%82%88%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99/

SSPP/SSA လူင်းပိုၼ်ႉတီႈၸွႆႈထႅမ်ၵၢၼ် ပေႃႈမႄႈၵူၼ်းမိူင်း ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ (35)

ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး၊တပ်ႉသိုၵ်းၸိုင်ႈတႆး SSPP /SSA ၸိူဝ်းဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ (35) ၼၼ်ႉ လူင်းပိုၼ်ႉတီႈ ၸွႆႈထႅမ်ၵၢၼ် ပေႃႈမႄႈၵူၼ်းမိူင်း ၼႆယူႇယဝ်ႉ။ မိူဝ်ႈလိူၼ် တီႇသိမ်ႊပိူဝ်ႊ (27) ဝၼ်းၼၼ်ႉ ၵေႃႉသိုၵ်းၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ SSPP/SSA လူင်းပိုၼ်ႉတီႈ ၸွႆႈထႅမ်ၵၢၼ် ပေႃႈမႄႈၵူၼ်းမိူင်း ၸွႆႈတေႃႉၶဝ်ႈၵၢပ်ႇ လႄႈ ဢိတ်ႇၶဝ်ႈၵၢပ်ႇပၼ် ၵူဝ်ႇတၢၼ်းသူၺ်ႇ + မဢူး တီႈဝၢၼ်ႈ ၵျွၵ်ႉသူင်ႇ ၼႂ်းဢိူင်ႇၵျွၵ်ႉၵူႇ ၸေႈဝဵင်းမၢႆ(35) လွၵ်ႉၸွၵ်ႇၼၼ်ႉ ယူႇယဝ်ႉ။ လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၵၢၼ်တွၼ်ႈလိၼ်ၶိုၼ်ႈယႂ်ႇ၊ ၵၢၼ်ႁႃ ၵိၼ်လဵင်ႉတွင်ႉ၊ ၵၢၼ်သူၼ်ႁႆႈ/ၼႃး ၵၢၼ်ႁူမ်ႈလူမ်ႈ ၵူႈပၢႆးပၢႆး ၸိူဝ်းၼႆႉ ဢိင်ၼိူဝ်ငဝ်းလၢႆး ၵၢၼ်သိုၵ်း ၵၢၼ်မိူင်း ၼႂ်းပိုၼ်ႉတီႈပၼ်သေ ၵႃႈၼင်ႇ ၸွႆႈလႆႈ ပွင်ပဵၼ်လႆႈၼၼ်ႉ ယူႇတီႈ ပႃႇတီႇမႂ်ႇသုင်ၸိုင်ႈတႆး၊တပ်ႉသိုၵ်းၸိုင်ႈတႆး SSPP/SSA ၵေႃႈ တေသိုပ်ႇၶတ်းၸႂ် ၸွႆႈ ထႅမ်ၵႂႃႇယူႇယဝ်ႉ။

['ၵၢၼ်ပူၵ်းပွင်', 'ၵၢၼ်ၸွႆႈထႅမ်ပေႃႈမႄႈၵူၼ်းမိူင်း']

2024-12-24T10:58:35

https://ssppssa.org/2024/12/%e1%81%b8%e1%80%af%e1%80%99%e1%80%ba%e1%80%b8%e1%81%b5%e1%80%b0%e1%81%bc%e1%80%ba%e1%80%b8%e1%81%bc%e1%80%af%e1%80%99%e1%80%ba%e1%82%87%e1%80%84%e1%80%9d%e1%80%ba%e1%82%88%e1%80%84%e1%80%af%e1%81%bc-2/

ၸုမ်းၵူၼ်းၼုမ်ႇငဝ်ႈငုၼ်း SSPP/SSA ဢွၼ်ႁူဝ် ၸတ်းႁဵတ်းပၢင်ၶႄႉၶဵင်ႇ လဵၼ်ႈႁႅင်း ပိတ်ႉမၢၵ်ႇၼင်လွမ်ႈ

ယိူင်းဢၢၼ်း ပိူဝ်ႈတႃႇ ၵူၼ်းၼုမ်ႇတႆးႁဝ်း ပေႃးတေ ၵၢင်းယၢၼ် ၽေးယႃႈမဝ်းၵမ် ၊ တႃႇမေႃၶဝ်ႈဢွၵ်ႇ ၸမ်ၸႂ် မိုတ်ႈၵိုဝ်း ၽွမ်ႉသဵင်ပဵင်းပၢၵ်ႇၵၼ် ၼႆသေ ယူႇတီႈႁွင်ႈၵၢၼ် ၵူၼ်းၼုမ်ႇၾၢႆႇလဵၼ်ႈႁႅင်း လႄႈ ၸုမ်းၾၢႆႇပၢႆးပိင်ႇၺႃႇ ငဝ်ႈငုၼ်း ပႃႇတီႇ မႂ်ႇသုင်ၸိုင်ႈတႆး၊တပ်ႉသိုၵ်း ၸိုင်ႈတႆး SSPP/SSA လႆႈဢွၼ်ႁူဝ် ၸတ်းႁဵတ်း ပၢင်လဵၼ်ႈႁႅင်းၶေႉၶဵင်ႇပိတ်ႉ မၢၵ်ႇၼင်လွမ်ႈ ဢွင်ႈတီႈ ဝၢင်းပိတ်ႉမၢၵ်ႇၼင် ဝဵင်းမႂ်ႇဝၢၼ်ႈႁႆး ၸိုင်ႈတႆးပွတ်းၸၢၼ်း ၼႆယူႇယဝ်ႉ။ ပၢင်ၶႄႉၶဵင်ႇလဵၼ်ႈႁႅင်း ပိတ်ႉမၢၵ်ႇၼင်လွမ်ႈၼႆႉ တေႇမိူဝ်ႈဝၼ်းထီႉ21/12/2024 ၼၼ်ႉသေ မီးၸုမ်းၵူၼ်းၼုမ်ႇ(4) ၸုမ်း မိူၼ်ၼင်ႇ ၸုမ်းၵူၼ်းၼုမ်ႇ လၢႆးၶႃႈ (FC) ၊ ၼမ်ႉလဝ်း(FC) ၊ ၼေႃႇတႅၼ်းၶိူဝ်း (FC) လႄႈ ဝၢၼ်ႈႁႆး ၸဵမ်ၸိူဝ်းၼႆႉယူႇ ယဝ်ႉ။ ဝၢႆးသေ ပၢင်ၶႄႉၶဵင်ႇလဵၼ်ႈႁႅင်းပိတ်ႉမၢၵ်ႇၼင်လွမ်ႈယဝ်ႉၵႂႃႇၼၼ်ႉ ယူႇတီႈႁွင်ႈၵၢၼ်ၵူၼ်းၼုမ်ႇငဝ်ႈငုၼ်း SSPP/SSA သေ လႆႈတွၼ်ႈသူးပၼ် ၸုမ်းလၢႆးၶႃႈ (FC) တႃႇငိုၼ်းသူး (1,500,000) သိပ်းႁႃႈသႅၼ်ၵျၢပ်ႈ လႄႈ ၸုမ်းၼမ်ႉလဝ်း (FC) တႃႇငိုၼ်းသူး (1,000,000) သိပ်းသႅၼ်ၵျၢပ်ႈ ၸဵမ်ၸိူဝ်းၼႆႉ ယူႇယဝ်ႉ။ ပၢင်ၶႄႉၶဵင်ႇ လဵၼ်ႈႁႅင်း ပိတ်ႉမၢၵ်ႇၼင်လွမ်ႈ ပိူဝ်ႈတႃႇလွင်ႈၸမ်ၸႂ်ၵၼ်မိုတ်ႈၵိုဝ်းၼႆႉ ယူႇတီႈငဝ်ႈငုၼ်း ပႃႇတီႇမႂ်ႇသုင်ၸိုင်ႈ တႆး၊တပ်ႉသိုၵ်း ၸိုင်ႈတႆး SSPP/SSA လႆႈၸတ်းႁဵတ်းမႃး ၵူႈပီႊပီႊ သေ ၼင်ႇႁိုဝ်ၼႂ်းၼႃႈတီႈဢုပ်ႉပိူင်ႇ တီႈလႂ် တီႈ ၼၼ်ႈ ပေႃးတေမီးမႃး ပၢင်ၶႄႉၶဵင်ႇ လဵၼ်ႈႁႅင်းပိတ်ႉမၢၵ်ႇၼင်လွမ်ႈ ၸမ်ၸႂ်မိုတ်ႈၵိုဝ်းၵၼ်ၼၼ်ႉၵေႃႈ ၵႃႈၼင်ႇပွင် ပဵၼ်လႆႈ တေႁူမ်ႈမိုဝ်းၸွမ်း ၸုမ်းၵူၼ်းၼုမ်ႇ ၼႂ်းပိုၼ်ႉတီႈ လႄႈ တေၶတ်းၸႂ်ႁူမ်ႈမိုဝ်း ၸွႆႈၵၼ် ၶိုင်ပွင် ႁဵတ်းသၢင်ႈၵႂႃႇယူႇယဝ်ႉ။

['ၵူၼ်းၼုမ်ႇ', 'ၶၢဝ်ႇ', 'ၵၢၼ်ပူၵ်းပွင်']

2024-12-24T10:56:23

https://ssppssa.org/2024/12/rcss-%e1%80%9e%e1%80%bd%e1%80%90%e1%80%ba%e1%82%89%e1%80%99%e1%81%a2%e1%81%b5%e1%80%ba%e1%82%87%e1%80%9e%e1%82%82%e1%80%ba%e1%82%87-%e1%81%b5%e1%80%b0%e1%81%bc%e1%80%ba%e1%80%b8%e1%80%99%e1%80%ad/

RCSS သွတ်ႉမၢၵ်ႇသႂ်ႇ ၵူၼ်းမိူင်း ၸေႈဝဵင်းလၢႆးၶႃႈ လႆႈတၢင်းမၢတ်ႇၸဵပ်းႁၢဝ်ႈႁႅင်း

RCSS ႁၢင်ႈမၢၵ်ႇ ၼိူဝ်သဵၼ်ႈတၢင်းလူင် ဢၼ်ၵူၼ်းမိူင်း ၵႂႃႇမႃး သေ သွတ်ႉမၢၵ်ႇသႂ်ႇထေႃႈၵူၼ်းမိူင်း ၸေႈဝဵင်း လၢႆးၶႃႈ ၸၢၵ်ႇမၢၵ်ႇတိူဝ်ႉၺႃးၵူၼ်းမိူင်း လႆႈတၢင်းမၢတ်ႇ ၸဵပ်း ႁၢဝ်ႈႁႅင်း ၼႆယူႇယဝ်ႉ။ မိူဝ်ႈဝႃး လိူၼ်တီႇသိမ်ႊပိူဝ်ႊ 23 ဝၼ်း ၶၢဝ်းယၢမ်း 16:40 မူင်း ၼၼ်ႉ ၵူၼ်းသိုၵ်း RCSS သွတ်ႉမၢၵ်ႇသႂ်ႇ ထေႃႈၵူၼ်းမိူင်း တီႈၼိူဝ်သဵၼ်ႈတၢင်းလူင် ၼႂ်းၵႄႈၵၢင် ဝၢၼ်ႈသၢင်း – ဝၢၼ်ႈႁၢႆးသႅင် ၸေႈဝဵင်းလၢႆးၶႃႈ မၢၵ်ႇ တႅၵ်ႇတိူဝ်ႉၺႃး ထေႃႈၵူၼ်းမိူင်း လူႉၵွႆသေ ၵူၼ်းမိူင်း ဢၼ်ၶီႇမႃးၸွမ်းထေႃႈ (3) ၵေႃႉ ပေႃႈမႄႈလုၵ်ႈၵေႃႈ ၸၢၵ်ႇမၢၵ်ႇသဵၼ်တိူဝ်ႉၺႃး လႆႈတၢင်းၸဵပ်းမၢတ်ႇႁၢဝ်ႈႁႅင်း လႄႈ လႆႈဢဝ်သူင်ႇယူတ်းယႃတူဝ်ဝႆႉ တီႈႁူင်းယႃ လူင်ဝဵင်းလၢႆးၶႃႈ ၼႆယူႇယဝ်ႉ။ ၵူၼ်းဝၢၼ်ႈ ဢၼ်ထုၵ်ႇၺႃးသိုၵ်း RCSS သွတ်ႉမၢၵ်ႇသႂ်ႇ ၼၼ်ႉ ၸိုဝ်ႈႁွင်ႉ လုင်းဢွင်ႇ ဢႃႇယု (35) ပီႊ မၢတ်ႇၸဵပ်းတီႈပဵမ်ႉၾၢႆႇၶႂႃ ၶႅၼ်ၾၢႆႇၶႂႃ ၊ ၵေႃႉပဵၼ်မေးၼၢင်း လုင်းဢွင်ႇ ၸိုဝ်ႈႁွင်ႉ ၼၢင်းယူၺ်း ဢႃႇယု(32) ပီႊ မၢတ်ႇၸဵပ်းႁိမ်းဢႅင်ႈ ၾၢႆႇလင် လႄႈ လုၵ်ႈဢွၼ်ႇ သႅၼ်းဢႃႇယု (2) ၶူပ်ႇပၢႆ ၵေႃႉၼိုင်ႈ ၵေႃႈ မၢတ်ႇၸဵပ်းၸွမ်းသေ သၢမ်ၵေႃႉပေႃႈမႄႈလုၵ်ႈၼႆႉ ပဵၼ်ၵူၼ်း ဝၢၼ်ႈၼွင်ႁွမ်ႈ ဢိူင်ႇဝၢၼ်ႈၸေႈ ၸေႈဝဵင်း လၢႆးၶႃႈ ၼႆယူႇယဝ်ႉ။ မိူဝ်ႈလိူၼ် ၵျူၼ်ႇ 2 ဝၼ်းၼၼ်ႉ ယူႇတီႈ သင်ႇၶႃႇၸဝ်ႈ ၊ ပေႃႈမႄႈၵူၼ်းမိူင်း ၼႂ်းဢိူင်ႇၽႃလၢႆး ၊ ဢိူင်ႇမိူင်းပဵင်း ၊ ဢိူင်ႇပႃၶီး ၊ ဢိူင်ႇလၢႆးသၢၵ်ႇ ၊ ဢိူင်ႇၼႃးပုင်ႇ ၸေႈဝဵင်းႁူဝ်ပူင်း လႄႈ ၼႂ်းဢိူင်ႇၵဵင်းၶမ်း ၊ ဢိူင်ႇမိူင်းလၢင်း ၊ ဢိူင်ႇမိူင်းယွၼ်း ၊ ဢိူင်ႇၵျွၵ်ႉၵူႇ ၊ ဢၢင်ႇတေႃး ၼႂ်းၸေႈဝဵင်းလွၵ်ႉ ၸွၵ်ႇ မီးၽိုၼ်လိၵ်ႈ တုၵ်းယွၼ်းထိုင် ၵူႈမူႇ ၊ ၵူႈၸုမ်း ၊ ၵူႈ ၵေႃႉ ႁႂ်ႈၵိုတ်းယိုတ်းပၼ် လွင်ႈၵေႃႇၵၢၼ်ႁၢႆႉ ၵၢၼ်ႁၢင်ႈမၢၵ်ႇတႅၵ်ႇ ၼႆသေတႃႉ ယူႇတီႈၾၢႆႇ RCSS ဢမ်ႇယွမ်း ၵိုတ်းယိုတ်းသေဢမ်ႇၵႃး ဢမ်ႇဝူၼ်ႉသွၼ်ႇပႃးလွင်ႈႁူမ်ႇလူမ်ႈ ပေႃႈမႄႈၵူၼ်းမိူင်း လႄႈ လႄႇႁႃ ႁၢင်ႈၵၢင်မၢၵ်ႇ ၸွမ်းသဵၼ်ႈတႃႈသၢႆတၢင်း ဢၼ်ပေႃႈမႄႈၵူၼ်းမိူင်းၵႂႃႇမႃးပႆ သေ သွတ်ႉမၢၵ်ႇသႂ်ႇ ပေႃႈမႄႈၵူၼ်း မိူင်း ၸိူဝ်းၼႆႉ မီးမႃးလၢႆပွၵ်ႈ လၢႆၵမ်း ယူႇယဝ်ႉ

['ၶၢဝ်ႇၵူႈလွင်ႈလွင်ႈ', 'ႁၢင်ႈလူၼ်ႉ', 'ၶၢဝ်ႇ']

2024-12-24T10:54:42

https://ssppssa.org/2024/12/%e1%81%b8%e1%80%af%e1%80%99%e1%80%ba%e1%80%b8%e1%81%be%e1%81%a2%e1%82%86%e1%82%87%e1%80%95%e1%81%a2%e1%82%86%e1%80%b8%e1%80%9a%e1%80%b0%e1%82%87%e1%80%9c%e1%80%ae-sspp-ssa-%e1%80%9c%e1%80%b0-3/

ၸုမ်းၾၢႆႇပၢႆးယူႇလီ SSPP/SSA လူင်းတူၺ်းထိုင်ပၼ် ပၢႆးယူႇလီ ပေႃႈမႄႈၵူၼ်းမိူင်း ၼႂ်းပိုၼ်ႉတီႈ

ၸုမ်းၾၢႆႇပၢႆးယူႇလီ ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆး ၊ တပ်ႉသိုၵ်းၸိုင်ႈတႆး SSPP/SSA လူင်း ပိုၼ်ႉတီႈ တူၺ်းထိုင်ယူတ်းယႃပၼ် ပၢႆးယူႇလီ ပေႃႈမႄႈၵူၼ်းမိူင်း ၼႂ်း ၼႃႈတီႈဢုပ်ႉပိူင်ႇ ၊ ၸေႈဝဵင်း မၢႆ(3) မိူင်းသူႈ ၊ ၸေႈဝဵင်းမၢႆ(5) ၵေးသီး ၊ လႄႈ ဝဵင်းမႂ်ႇဝၢၼ်ႈႁႆး ၸဵမ်ၸိူဝ်း ၼႆ ယူႇယဝ်ႉ။ တင်ႈတေႇဢဝ် လိူၼ်တီႊသိမ်ႇပိူဝ်ႊ (9) ဝၼ်း တေႃႇထိုင် (20) ဝၼ်း ၼႂ်းၶၢဝ်းတၢင်း ႁိုင် (12) ဝၼ်းၼၼ်ႉ ၸုမ်း ၾၢႆႇပၢႆးယူႇလီ ငဝ်ႈငုၼ်း SSPP/SSA ဢွၼ်ႁူဝ် ၸုမ်း ၾၢႆႇပၢႆးယူႇလီ ႁူင်းယႃ ဝၢၼ်ႈၼႃးပၢင်ႇ ဢိူင်ႇႁႃႈ ဝၢၼ်ႈ ၸေႈဝဵင်းၵေးသီး ၊ ႁူင်းယႃ ဝၢၼ်ႈႁၢႆးပႃ ဢိူင်ႇႁၢႆးပႃ ၸေႈဝဵင်းမိူင်းသူႈ လႄႈ ႁူင်းယႃ ဝၢၼ်ႈၵဵင်းလိူၼ် ဢိူင်ႇၵဵင်းလိူၼ် ဝဵင်းမႂ်ႇဝၢၼ်ႈႁႆး သေ လႆႈလူင်းပိုၼ်ႉတီႈ တူၺ်းထိုင်ပၼ် ပၢႆးယူႇလီပေႃႈမႄႈၵူၼ်းမိူင်း ၼႂ်း ဢိူင်ႇႁႃႈဝၢၼ်ႈ ၸေႈဝဵင်းၵေးသီး ၊ ဢိူင်ႇႁၢႆးပႃ ၊ ဢိူင်ႇလွႆတင်ႈ ၸေႈဝဵင်းမိူင်းသူႈ လႄႈ ဢိူင်ႇဝၢၼ်ႈသေႃႉ ၊ ဢိူင်ႇ ၵဵင်းလိူၼ် ဝဵင်းမႂ်ႇဝၢၼ်ႈႁႆး ၸဵမ်ၸိူဝ်းၼႆႉ ယူႇယဝ်ႉ။ ႁူမ်ႈသဵင်ႈ လႆႈတူၺ်းထိုင်ပၼ် ပၢႆးယူႇလီ ပေႃႈမႄႈၵူၼ်းမိူင်း (1176) ၵေႃႉသေ လိူဝ်သေၼၼ်ႉ လႆႈပၼ်ပိုၼ်ႉ ႁူႉ ၾၢႆႇပၢႆးယူႇလီ လႄႈ ပူင်သွၼ်ပၼ် လၢႆးလုမ်းလႃးႁူဝ်တီႈ တီႈႁူင်းႁဵၼ်းသိုၵ်း မၢႆ(1) ငဝ်ႈငုၼ်း ပႃႇတီႇမႂ်ႇသုင် ၸိုင်ႈတႆး တပ်ႉသိုၵ်းၸိုင်ႈ ယူႇယဝ်ႉ။ ယွၼ်ႉဝႃႈ ပၢႆးယူႇလီၼႆႉ ပဵၼ်ပိူင်လူင် ဢၼ်လမ်ႇလွင်ႈထီႉ (1) တႃႇၵူၼ်းႁဝ်း လႄႈ ၼင်ႇႁိုဝ်ပေႃးတေ တူၺ်း ထိုင်ပၼ်လႆႈ ပၢႆးယူႇလီ ပေႃႈမႄႈၵူၼ်းမိူင်း ဢိၵ်ႇပႃးၵူၼ်းသိုၵ်း ၵူႈၼႃႈတီႈၼၼ်ႉ ယူႇတီႈငဝ်ႈငုၼ်းပႃႇတီႇ မႂ်ႇ သုင်ၸိုင်ႈတႆး ၊ တပ်ႉသိုၵ်းၸိုင်ႈတႆး SSPP/SSA ၵေႃႈ တိုၵ်ႉသိုပ်ႇၶတ်းၸႂ် ၽိုၵ်းၽွၼ်ႉ ၵိူတ်ႇဢွၵ်ႇပၼ် မေႃ ယႃ သႅၼ်း ႁုၼ်ႈမႂ်ႇ ၵူႈပီႊပီႊ သေ မိူၼ်ၼင်ႇ ဢွင်ႈတီႈဢၼ်ၵႆ ႁူင်းယႃ ၸိူဝ်းၼၼ်ႉၵေႃႈ လႆႈၶတ်းၸႂ် ၵေႃႇ သၢင်ႈပၼ် ႁူင်းယႃ လႄႈ ၽိူမ်ႉထႅမ်ပၼ်ပႃး မေႃယႃၸဵမ်ၸိူဝ်းၼႆႉ ၵႂႃႇယူႇယဝ်ႉ။ shanstateprogressparty shanstatearmy ၾၢႆႇပၢႆးယူႇလီ

['ပၢႆးယူႇလီ', 'ၵၢၼ်ပူၵ်းပွင်']

2024-12-24T10:52:03

https://ssppssa.org/2024/12/sspp-ssa-%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba%e1%81%b5%e1%81%a2%e1%81%bc%e1%80%ba%e1%80%95%e1%80%b1%e1%82%83%e1%82%88%e1%80%99%e1%82%84%e1%82%88%e1%81%b5%e1%80%b0/

SSPP/SSA ၸွႆႈထႅမ်ၵၢၼ်ပေႃႈမႄႈၵူၼ်းမိူင်းထႅင်ႈ ၼႂ်းၼႃႈတီႈ ဢုပ်ႉပိူင်ႇ ၸေႈဝဵင်းမၢႆ (26) /ၸေႈဝဵင်းမၢႆ (9)

ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ (26) သီႇပေႃႉ လႄႈ ၸေႈဝဵင်းမၢႆ (9)သီႇပေႃႉ ၼၼ်ႉ ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ၼႆယူႇယဝ်ႉ။ မိူဝ်ႈလိူၼ်တီႇသိမ်ႊပိူဝ်ႊ (19) ဝၼ်း ယၢမ်းၵၢင်ၼႂ် 09:00မူင်း တေႃႇထိုင် 16:30 မူင်းၼၼ်ႉ ၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ SSPP/SSA ၵႂႃႇၸွႆႈထႅမ်ၵၢၼ် ပေႃႈမႄႈၵူၼ်းမိူင်း ၸွႆႈတီႇၽဵဝ်ႈဝတ်ႉၵျွင်းမုၼ်ၸဝ်ႈ ဝၢၼ်ႈၼႃးမၢၵ်ႇၶီႈၼူၵ်ႉ ဢိူင်ႇမိူင်းၶိူဝ်း ၸေႈဝဵင်းမၢႆ (26) သီႇပေႃႉ ၸိုင်ႈတႆးပွတ်းႁွင်ႇ ၼၼ်ႉယူႇယဝ်ႉ။ ၼႂ်းဝၼ်းလဵဝ်ၼၼ်ႉၵူၺ်း ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇ SSPP/SSA လူင်းပိုၼ်ႉတီႈ သိုပ်ႇၸွႆႈꩪႅမ် ၵၢၼ်ပေႃႈမႄႈၵူၼ်းမိူင်း ၸွႆႈဢိတ်ႇၶဝ်ႈၵၢပ်ႇပၼ် ပႃႈၵဵင် ယူႇဝၢၼ်ႈ ၼႃးၼိဝ်ႉ ဢိူင်ႇဝၢၼ်ႈပၢၼ်း ၸေႈဝဵင်းမၢႆ (9) ၸေႈဝဵင်းမိူင်းယႆလႄႈ ၸွႆႈဢိတ်ႇၶဝ်ႈၵၢပ်ႇပၼ် ၸၢႆးႁၢၼ်ၼႃႉ + ၼၢင်းၸိင်ႇထုၼ်း ဝၢၼ်ႈႁူဝ်ၶူဝ် ဢိူင်ႇမိူင်းၶိူဝ်း ၸေႈဝဵင်းမၢႆ (26) သီႇပေႃႉ ၼႆယူႇယဝ်ႉ။ ၵဵဝ်ႇလူၺ်ႈလွင်ႈ ၸွႆႈထႅမ်ပေႃႈမႄႈၵူၼ်းမိူင်း ၼႂ်းၶၵ်ႉတွၼ်ႈ ၵၢၼ်ၵူႈပၢႆးပၢႆးၼၼ်ႉ ပဵၼ်ၵၢၼ်တွပ်ႇၵုင်ႇမုၼ််ပေႃႈမႄႈၵူၼ်းမိူင်း လႄႈ ဢိင်ၼိူဝ်ငဝ်းလၢႆးၼႂ်းပိုၼ်ႉတီႈပၼ်သေ ၵႃႈၼင်ႇပွင်ပဵၼ်လႆႈ ၵၢၼ်လဵၵ်ႉၸွႆႈလဵၵ်ႉ ၵၢၼ်ယႂ်ႇၸွႆႈယႂ်ႇသေ တိုၼ်းတေသိုပ်ႇ ၶတ်းၸႂ်ၸွႆႈ ထႅမ် ၵႂႃႇယူႇယဝ်ႉ ။

['ၶၢဝ်ႇ']

2024-12-24T10:46:59

https://ssppssa.org/2024/12/sspp-ssa-%e1%80%9c%e1%80%b0%e1%80%84%e1%80%ba%e1%80%b8%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba%e1%81%b5%e1%81%a2%e1%81%bc%e1%80%ba-%e1%80%95%e1%80%b1%e1%82%83-8/

SSPP/SSA လူင်းၸွႆႈထႅမ်ၵၢၼ် ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ၸေႈဝဵင်းမၢႆ(26)

ၽူႈမီးပုၼ်ႈၽွၼ်း ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင်ဝႆႉ ၼႂ်းၼႃႈတီႈ ဢုပ်ႉပိူင်ႇၸေႈဝဵင်းမၢႆ (26) သီႇပေႃႉၼၼ်ႉ လူင်းၸွႆႈထႅမ်ၵၢၼ် ပေႃႈမႄႈ ၵူၼ်းမိူင်း ၼႂ်းပိုၼ်ႉတီႈ ၼႆယူႇယဝ်ႉ။ မိူဝ်ႈလိူၼ်တီႇသိမ်ႊပိူဝ်ႊ 18 ဝၼ်းၼၼ်ႉ ၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ SSPP/SSA လူင်းၸွႆႈထႅမ်ၵၢၼ် ပေႃႈမႄႈၵူၼ်းမိူင်း ၸွႆႈဢိတ်ႇၶဝ်ႈၵၢပ်ႇပၼ် လုင်းၵူမ်း + ပႃႈၺုၼ်ႉ ဝၢၼ်ႈၼႃႈလိူဝ်ႇ ဢိူင်ႇမိူင်းၶိူဝ်း ၸေႈဝဵင်းမၢႆ (26) သီႇပေႃႉ ၸိုင်ႈတႆးပွတ်းႁွင်ႇ ၼႆယူႇယဝ်ႉ။ ယွၼ်ႉထိုင်ၶိင်ႇၶၢဝ်း ပေႃႈမႄႈၵူၼ်းမိူင်း သိမ်းမၢၵ်ႇၶဝ်ႈတဝ်ႈၼမ်ႉ ၼႂ်းႁႆႊ/သူၼ်/ၼႃး ယဝ်ႉၼႆလႄႈ ၼင်ႇႁိုဝ် ပေႃး တေပဵၼ် ၵၢၼ်ၵမ်ႉၸွႆႈ ပေႃႈမႄႈၵူၼ်းမိူင်း ဢၼ်ၼိုင်ႈၼႆ လႄႈ ယူႇတီႈ ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈ တႆး/တပ်ႉသိုၵ်းၸိုင်ႈတႆး SSPP/SSA သေ တေသိုပ်ႇၶတ်း ၸႂ် ၸွႆႈထႅမ်ၵႂႃႇ ၵႃႈၼင်ႇပွင်ပဵၼ်လႆႈၼၼ်ႉ ယူႇယဝ်ႉ။

['ၵၢၼ်ပူၵ်းပွင်', 'ၵၢၼ်ၸွႆႈထႅမ်ပေႃႈမႄႈၵူၼ်းမိူင်း']

2024-12-24T10:44:24

https://ssppssa.org/2024/12/sspp-ssa-%e1%80%9c%e1%80%b0%e1%80%84%e1%80%ba%e1%80%b8%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba%e1%81%b5%e1%81%a2%e1%81%bc%e1%80%ba-%e1%80%95%e1%80%b1%e1%82%83-7/

SSPP/SSA လူင်းၸွႆႈထႅမ်ၵၢၼ် ပေႃႈမႄႈၵူၼ်းမိူင်း ၼႂ်းၼႃႈတီႈ ဢုပ်ႉပိူင်ႇ ၸေႈဝဵင်းမၢႆ (9) / ၸေႈဝဵင်းမၢႆ (17)

ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင်ပၵ်းသဝ်းဝႆႉ ၼႂ်း ၼႃႈတီႈဢုပ်ႉပိူင်ႇ ၸေႈဝဵင်းမၢႆ (9) သီႇပေႃႉ လႄႈ ၸေႈဝဵင်းမၢႆ (17) ၼမ်ႉတူႈ ၸွႆႈထႅမ်ၵၢၼ်ပေႃႈမႄႈ ၵူၼ်းမိူင်း ၼႂ်းပိုၼ်ႉတီႈ ၼႆယူႇယဝ်ႉ။ မိူဝ်ႈလိူၼ်တီႇသိမ်ႊပိူဝ်ႊ 16ဝၼ်း ယၢမ်းၵၢင်ၼႂ် 09:35မူင်းတေႃႇထိုင် 16:00 မူင္း ၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ SSPP/SSA လူင်းၸွႆႈထႅမ်ၵၢၼ် ပေႃႈမႄႈၵူၼ်းမိူင်း ၸွႆႈၵၢၼ်ႉၶဝ်ႈၵၢပ်ႇပၼ် လုင်းၶိၼ်ႇမွင်ႇ + ပႃႈၶမ်းဢွင်ႇ ဝၢၼ်ႈၼႃႈၼိဝ်ႉ ဢိူင်ႇဝၢၼ်ႈပၢၼ်း ၸေႈဝဵင်းမၢႆ (9) သီႇပေႃႉ ၸိုင်ႈတႆးပွတ်းႁွင်ႇ ၼႆယူႇယဝ်ႉ။ လိူၼ်သေၼၼ်ႉ လိူၼ်တီႇသိမ်ႊပိူဝ်ႊ 14 ဝၼ်း ယၢမ်းၵၢင်ၼႂ် 08:00 မူင္း တေႃႇထိုင် 04 :00 မူင်းၵေႃႈ SSPP/SSA သိုပ်ႇၸွႆႈထႅမ်ၵၢၼ် ပေႃႈမႄႈၵူၼ်းမိူင်း ၸွႆႈဢိတ်ႈၶဝ်ႈၵၢပ်ႇပၼ် ၸၢႆးၶႂႃႉ + ၼၢင်းသူၺ်ႇႁၢၼ်ႇ ဝၢၼ်ႈပၢင်ႇၶမ်း ၸုမ်း(1) ဢိူင်ႇမိူင်းယဵၼ် ၸေႈဝဵင်းမၢႆ (17) ၼမ်ႉတူႈ ယူႇယဝ်ႉ။ ယွၼ်ႉထိုင်ၶိင်ႇၶၢဝ်း ပေႃႈမႄႈၵူၼ်းမိူင်း သိမ်းမၢၵ်ႇၶဝ်ႈတဝ်ႈၼမ်ႉ ၼႂ်းႁႆႊ/သူၼ်/ၼႃး ယဝ်ႉၼႆလႄႈ ၼင်ႇႁိုဝ် ပေႃးတေပဵၼ် ၵၢၼ်ၵမ်ႉၸွႆႈ ပေႃႈမႄႈၵူၼ်းမိူင်း ဢၼ်ၼိုင်ႈၼႆ လႄႈ လိူဝ်သေၼၼ်ႉ တွၼ်ႈတႃႇလွင်ႈၼိမ်သဝ်း ၼႂ်းၼႃႈတီႈဢုပ်ႉပိူင်ႇၵူႈၼႃႈတီႈ ၊ လွင်ႈႁူမ်ႇလူမ်ႈ ၊ လွင်ႈပၢႆးပၺ်ႇၺႃႇ ၊ ပၢႆးယူႇလီ လွင်ႈႁုၼ်ႈမုၼ်းၶိုၼ်ႈယႂ်ႇ ပေႃႈမႄႈၵူၼ်းမိူင်း တေတိူဝ်းတွၼ်း ၶႅမ်ႉလႅပ်ႈမႃး ၼၼ်ႉၵေႃႈ ယူႇတီႈပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA တိုၵ်ႉသိုပ်ႇ ၶိုင်ပွင်ၵႂႃႇၸွမ်း ငဝ်းလၢႆး ၵၢၼ် သိုၵ်း ၵၢၼ်မိူင်း ဢၼ်ပဵၼ်ဝႆႉၼၼ်ႉၵမ်း ၶၵ်ႉၶၵ်ႉ ယူႇယဝ်ႉ။

['ၵၢၼ်ပူၵ်းပွင်', 'ၵၢၼ်ၸွႆႈထႅမ်ပေႃႈမႄႈၵူၼ်းမိူင်း']

2024-12-18T09:23:26

https://ssppssa.org/2024/12/sspp-ssa-%e1%80%9c%e1%80%b0%e1%80%84%e1%80%ba%e1%80%b8%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba%e1%81%b5%e1%81%a2%e1%81%bc%e1%80%ba-%e1%80%95%e1%80%b1%e1%82%83-6/

SSPP/SSA လူင်းၸွႆႈထႅမ်ၵၢၼ် ပေႃႈမႄႈၵူၼ်းမိူင်း ၼႂ်းၸိုင်ႈတႆးပွတ်ႈႁွင်ႇ လႄႈ ပွတ်းၸၢၼ်း တႃႇ(3) ၸေႈဝဵင်း

ၾၢႆႇၽူႈမီးပုၼ်ႈၽွၼ်း ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင်ပၵ်းသဝ်းဝႆႉ ၼႂ်း ၼႃႈတီႈဢုပ်ႉပိူင်ႇၸိူဝ်းၼၼ်ႉ လူင်းၸွႆႈထႅမ်ၵၢၼ်ပေႃႈမႄႈ ၵူၼ်းမိူင်း ၼႂ်းပိုၼ်ႉတီႈလၢႆလၢႆတီႈထႅင်ႈ ၼႆယူႇယဝ်ႉ။ မိူဝ်ႈလိူၼ်တီႇသိမ်ႊပိူဝ်ႊ 15-16 ၼႂ်းၶၢဝ်းတၢင်း သွင်ဝၼ်းၼၼ်ႉ ၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ SSPP/SSA လူင်းၸွႆႈထႅမ်ၵၢၼ် ပေႃႈမႄႈၵူၼ်းမိူင်း ၸွႆႈၵၢၼ်ႉၶဝ်ႈၵၢပ်ႇ/ဢိတ်ႇၶဝ်ႈၵၢပ်ႇပၼ် လုင်းၵူမ်း + ပႃႈသိုဝ်ႉ ဝၢၼ်ႈၼႃႈလိူဝ်ႇ ဢိူင်ႇမိူင်းၶိူဝ်း ၸေႈဝဵင်းမၢႆ (26) သီႇပေႃႉ ၸိုင်ႈတႆးပွတ်း ႁွင်ႇ ၼႆယူႇယဝ်ႉ။ မိူဝ်ႈလိူၼ်တီႇသိမ်ႊပိူဝ်ႊ 12 လႄႈ 14 ဝၼ်းၼၼ်ႉၵေႃႈ ၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ SSPP/SSA လူင်းၸွႆႈ ထႅမ်ၵၢၼ် ပေႃႈမႄႈၵူၼ်းမိူင်း ၸွႆႈပေႃႉၶဝ်ႈၼႃး/ ၵၢၼ်ႉၶဝ်ႈၵၢပ်ႇပၼ် လုင်းယုင်း + ပႃႈယဵၼ်ႇ ဝၢၼ်ႈၵုၼ် လူမ်း ဢိူင်ႇမိူင်းၵၢဝ် ၸေႈဝဵင်းမၢႆ (5) ၵေးသီး လႄႈ ၸွႆႈၵၢၼ်ႉၶဝ်ႈၵၢပ်ႇ လုင်းၺႃႇၼိင်ႇ + ပႃႈသီႇ ပွၵ်ႉ(1) ဝၢၼ်ႈၸိင်း ဢိူင်ႇဝၢၼ်ႈၸိင်း ၸေႈဝဵင်းမၢႆ (42) မိူင်းၼွင် ၸိုင်ႈတႆးပွတ်းၸၢၼ်းၼၼ်ႉ ယူႇယဝ်ႉ။ ယွၼ်ႉထိုင်ၶိင်ႇၶၢဝ်း ပေႃႈမႄႈၵူၼ်းမိူင်း သိမ်းမၢၵ်ႇၶဝ်ႈတဝ်ႈၼမ်ႉ ၼႂ်းႁႆႊ/သူၼ်/ၼႃး ယဝ်ႉၼႆလႄႈ ၼင်ႇႁိုဝ် ပေႃး တေပဵၼ် ၵၢၼ်ၵမ်ႉၸွႆႈ ပေႃႈမႄႈၵူၼ်းမိူင်း ဢၼ်ၼိုင်ႈၼႆ လႄႈ ယူႇတီႈ ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈ တႆး/တပ်ႉသိုၵ်းၸိုင်ႈတႆး SSPP/SSA သေ တေသိုပ်ႇၶတ်းၸႂ် ၸွႆႈထႅမ်ၵႂႃႇ ၵႃႈၼင်ႇပွင်ပဵၼ်လႆႈၼၼ်ႉ ယူႇယဝ်ႉ။

['ၵၢၼ်ပူၵ်းပွင်', 'ၵၢၼ်ၸွႆႈထႅမ်ပေႃႈမႄႈၵူၼ်းမိူင်း']

2024-12-18T09:18:49

https://ssppssa.org/2024/12/%e1%81%b8%e1%80%af%e1%80%99%e1%80%ba%e1%80%b8%e1%81%be%e1%81%a2%e1%82%86%e1%82%87%e1%80%95%e1%81%a2%e1%82%86%e1%80%b8%e1%80%9a%e1%80%b0%e1%82%87%e1%80%9c%e1%80%ae%e1%80%84%e1%80%9d%e1%80%ba%e1%82%88/

ၸုမ်းၾၢႆႇပၢႆးယူႇလီငဝ်ႈငုၼ်း SSPP/SSA လူင်းပိုၼ်ႉတီႈ တူၺ်းထိုင်ပၼ် ပၢႆးယူႇလီ ပေႃႈမႄႈၵူၼ်းမိူင်း

ၸုမ်းၾၢႆႇပၢႆးယူႇလီ ႁူင်းယႃလူင် ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆး ၊ တပ်ႉသိုၵ်းၸိုင်ႈတႆး SSPP/SSA လူင်း ပိုၼ်ႉတီႈ တူၺ်းထိုင်ယူတ်းယႃပၼ် ပၢႆးယူႇလီ ပေႃႈမႄႈၵူၼ်းမိူင်း ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ (42) မိူင်း ၼွင် ၊ ၸေႈဝဵင်း မၢႆ(3) မိူင်းသူႈ ၊ ၸေႈဝဵင်းမၢႆ(7) မိူင်းၵၢဝ်လူင် တၢင်ႉယၢၼ်း လႄႈ ဝဵင်းမႂ်ႇဝၢၼ်ႈႁႆး ၸဵမ်ၸိူဝ်းၼႆႉ ယူႇယဝ်ႉ။ တင်ႈတေႇဢဝ် လိူၼ်တီႊသိမ်ႇပိူဝ်ႊ 6 ဝၼ်း တေႃႇထိုင် 13 ဝၼ်း ၼႂ်းၶၢဝ်းတၢင်း ႁိုင် (8) ဝၼ်းၼၼ်ႉ ၸုမ်း ၾၢႆႇပၢႆးယူႇလီ ငဝ်ႈငုၼ်း SSPP/SSA ၸႅၵ်ႇႁဵတ်းပဵၼ် သွင်ၸုမ်းသေ လႆႈလူင်းပိုၼ်ႉတီႈ တူၺ်းထိုင်ပၼ် ပၢႆး ယူႇလီပေႃႈမႄႈၵူၼ်းမိူင်း ၼႂ်းဢိူင်ႇၶုမ်ႇပၢင် ဝဵင်းမႂ်ႇဝၢၼ်ႈႁႆး ၊ ၼႂ်းဢိူင်ႇတွင်ႁဵဝ်း ၸေႈဝဵင်းမၢႆ(7) မိူင်းၵၢဝ်လူင် ၵိင်ႇၽႄ ၸေႈဝဵင်းတၢင်ႉယၢၼ်း ၊ ဢိူင်ႇမိူင်းသွင် ၸေႈဝဵင်းမၢႆ(42) မိူင်းၼွင် ၊ ဢိူင်ႇဝၢၼ်ႈလွႆ ၊ ဢိူင်ႇၼမ်ႉတွင် ၊ ဢိူင်ႇၼႃး ၵွၼ်(မေႃႇမႄႈ) ၸေႈဝဵင်းမိူင်းသူ ၸဵမ်ၸိူဝ်းၼႆႉသေ လႆႈတူၺ်းထိုင်ယူတ်းယႃပၼ် (388) ၵေႃႉ ယူႇယဝ်ႉ။ ၵဵဝ်ႇလူၺ်ႈလွင်ႈၼႆႉသေ ၸုမ်းၾၢႆႇယူႇလီ မေႃယႃၵေႃႉၼိုင်ႈ လၢတ်ႈၼႄဝႃႈ “ၼႂ်းဢၼ်ႁဝ်းၶႃႈ လႆႈလူင်းတူၺ်း ထိုင်ပၼ် ၸိူဝ်းၼႆႉတေႉ ပေႃးပဵၼ်တၢင်းပဵၼ် ဢၼ်ႁဝ်းၶႃႈ ယူတ်းယႃပၼ် လႆႈ ၵမ်းသိုဝ်ႈၼႆၵေႃႈ ယူတ်းယႃ ပၼ်ၵမ်းသိုဝ်ႈၶႃႈဢေႃႈ ပေႃးမိူၼ်ၼင်ႇ တၢင်းပဵၼ် ဢၼ်ထုၵ်ႇလီ သူင်ႇၽႅဝ် ႁူင်းယႃ ၼႆၵေႃႈ ႁဝ်းၶႃႈတေ ၸိ ၸမ်ႈပၼ် ႁူင်းယႃ ႁဝ်းၶႃႈၼႂ်းပိုၼ်ႉတီႈ သေ ပေႃးပဵၼ်တၢင်းပဵၼ် ဢၼ်ႁူင်းယႃၼႂ်းပိုၼ်ႉတီႈႁဝ်းၶႃႈ ဢမ်ႇ ပေႉလႆႈၵေႃႈ လုၵ်ႉတီႈႁူင်းယႃၼႂ်းပိုၼ်ႉတီႈ သေ သိုပ်ႇသူင်ႇႁူင်းယႃလူင် ငဝ်ႈငုၼ်း ၸိူင်ႉၼႆႈဢေႃႈ” ဝႃႈၼႆ။ ယွၼ်ႉဝႃႈ ပၢႆးယူႇလီၼႆႉ ပဵၼ်ပိူင်လူင် ဢၼ်လမ်ႇလွင်ႈထီႉ (1) တႃႇၵူၼ်းႁဝ်း လႄႈ ၼင်ႇႁိုဝ်ပေႃးတေ တူၺ်း ထိုင်ပၼ်လႆႈ ပၢႆးယူႇလီ ပေႃႈမႄႈၵူၼ်းမိူင်း ဢိၵ်ႇပႃးၵူၼ်းသိုၵ်း ၵူႈၼႃႈတီႈၼၼ်ႉ ယူႇတီႈငဝ်ႈငုၼ်းပႃႇတီႇ မႂ်ႇသုင်ၸိုင်ႈတႆး ၊ တပ်ႉသိုၵ်းၸိုင်ႈတႆး SSPP/SSA ၵေႃႈ တိုၵ်ႉသိုပ်ႇၶတ်းၸႂ် ၽိုၵ်းၽွၼ်ႉ ၵိူတ်ႇဢွၵ်ႇပၼ် မေႃယႃ သႅၼ်း ႁုၼ်ႈမႂ်ႇ ၵူႈပီႊပီႊ သေ မိူၼ်ၼင်ႇ ဢွင်ႈတီႈဢၼ်ၵႆ ႁူင်းယႃ ၸိူဝ်းၼၼ်ႉၵေႃႈ လႆႈၶတ်းၸႂ် ၵေႃႇသၢင်ႈပၼ် ႁူင်းယႃ လႄႈ ၽိူမ်ႉထႅမ်ပၼ်ပႃး မေႃယႃၸဵမ်ၸိူဝ်းၼႆႉ ၵႂႃႇယူႇယဝ်ႉ။

['ၵၢၼ်ပူၵ်းပွင်', 'ပၢႆးယူႇလီ']

2024-12-18T09:05:16

https://ssppssa.org/2024/12/sspp-ssa-%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba%e1%80%9e%e1%80%ad%e1%80%b0%e1%80%9d%e1%80%ba%e1%82%87%e1%80%90%e1%81%a2%e1%80%84%e1%80%ba%e1%80%b8%e1%80%95%e1%81%bc-2/

SSPP/SSA ၸွႆႈထႅမ်သိူဝ်ႇတၢင်းပၼ် ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ၸေႈဝဵင်းမၢႆ(5) ၵေးသီး

ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP /SSA ၸိူဝ်း ဢၼ်ပၵ်း သဝ်းတူင်ႉၼိုင်ဝႆႉ ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ (5) ၸွႆႈထူမ်ႈတၢင်း/ သိူဝ်ႇတၢင်းပၼ် ပေႃႈမႄႈ ၵူၼ်းမိူင်းၼႂ်းပိုၼ်ႉတီႈ။ ယိူင်းဢၢၼ်း တႃႇပေႃႈမႄႈၵူၼ်းမိူင်း ၼႂ်းပိုၼ်ႉတီႈ တေၵႂႃႇမႃးငၢႆႈ ၼႆသေ မိူဝ်ႈလိူၼ် တီႇသိမ်ႊပိူဝ်ႊ (15) ဝၼ်း ၼၼ်ႉ ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ SSPP/SSA လႆႈဢွၼ်ႁူဝ် ၵေႃႉသိုၵ်းၵေႃႉႁၢၼ်၊ ဢိၵ်ႇပေႃႈမႄႈၵူၼ်းမိူင်း လႄႈ ထေႃႈ တၢင်ႇသၢႆး ( 9) လမ်းသေ ၵႂႃႇထူမ်တၢင်း/သိူဝ်ႇတၢင်းပၼ် ပေႃႈမႄႈၵူၼ်းမိူင်း လုၵ်ႉဢဝ်တၢင်း ၽၢႆႇၸၢၼ်းဝၢၼ်ႈမၢၵ်ႇ မၼ်ႉ တေႃႇထိုင် ဝၢၼ်ႈၸွၼ်ႈ ဢိူင်ႇပၢင်ႇၸေႈ ၸေႈဝဵင်းမၢႆ (5) ၵေးသီး ၸိုင်ႈတႆးပွတ်းၸၢၼ်း ၼၼ်ႉယူႇယဝ်ႉ။ ၼင်ႇႁိုဝ်ပေႃႈမႄႈၵူၼ်းမိူင်းၼႂ်းပိုၼ်ႉတီႈ ၵူႈတီႈတီႈ တေၵႂႃႇမႃးလႆႈငၢႆႈ ၼႂ်းၶၢဝ်းႁိုဝ်ႉတေႃႇၶၢဝ်းႁႅင်ႈ ၵူႈၶၢဝ်းၼၼ်ႉ လႆႈဢဝ် မၢၵ်ႇႁိၼ် ၊ သၢႆး သိူဝ်ႇပၼ်ၵႂႃႇ ၼႆယူႇယဝ်ႉ။ လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၵၢၼ်တွၼ်ႈလိၼ်ၶိုၼ်ႈယႂ်ႇ၊ ၵၢၼ်ႁႃ ၵိၼ်လဵင်ႉတွင်ႉ၊ ၵၢၼ်ႁူမ်ႈလူမ်ႈၵူႈပၢႆးပၢႆး၊ ၵၢၼ်ပၢႆးပိင်ႇၺႃႇ ၸဵမ်ၸိူဝ်းၼႆႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းၼႃႈတီႈဢုပ်ႉပိူင်ႇပၼ်သေ ယူႇတီႈၵေႃႉ သိုၵ်းၵေႃႉ ႁၢၼ် ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA သေ ၵၢၼ်လဵၵ်ႉၸွႆႈလဵၵ်ႉ ၵၢၼ်ယႂ်ႇၸွႆႈယႂ်ႇ ၵႃႈၼင်ႇပွင်ပဵၼ် လႆႈၼၼ်ႉ တေသိုပ်ႇၶတ်းၸႂ် ပူၵ်းပွင်ၼႃႈတီႈ ၸွႆႈထႅမ်ပေႃႈမႄႈၵူၼ်းမိူင်း ၵႂႃႇယူႇယဝ်ႉ။

['ၵၢၼ်ၸွႆႈထႅမ်ပေႃႈမႄႈၵူၼ်းမိူင်း', 'ၵၢၼ်ၵေႃႇသၢင်ႈတွၼ်ႈလိၼ်ၶိုၼ်ႈယႂ်', 'ၵၢၼ်ပူၵ်းပွင်']

2024-12-16T11:32:02

https://ssppssa.org/2024/12/%e1%81%bd%e1%80%b0%e1%82%88%e1%80%99%e1%80%ae%e1%80%b8%e1%80%95%e1%80%af%e1%81%bc%e1%80%ba%e1%82%88%e1%81%bd%e1%80%bd%e1%81%bc%e1%80%ba%e1%80%b8-sspp-ssa-%e1%80%9c%e1%80%b0%e1%80%84%e1%80%ba%e1%80%b8/

ၽူႈမီးပုၼ်ႈၽွၼ်း SSPP/SSA လူင်းၵူတ်ႇထတ်း တီႉၺွပ်းၵူၼ်းသူႇသမ်း ၵိၼ်/ ၶၢႆ ယႃႈမဝ်းၵမ် ၼႂ်းၸေႈဝဵင်း မိူင်းယႆထႅင်ႈ

ၽူႈမီးပုၼ်ႈၽွၼ်း ၾၢႆႇတပ်ႉ ၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA လႄႈ ၵူၼ်းမိူင်း ၼႂ်းပိုၼ်ႉတီႈ ႁူမ်ႈမိုဝ်းၵၼ်သေလူင်းၵူတ်ႇထတ်း တီႉၺွပ်းၵူၼ်းဢၼ်ၵဵဝ်ႇၶွင်ႈသူႇသမ်း / ၵိၼ်/ ၶၢႆ ယႃႈမဝ်းၵမ် ၼႂ်းၸေႈဝဵင်း မၢႆ(6) မိူင်းယႆ ၸေႈတွၼ်ႈ (11) ၸိုင်ႈတႆးပွတ်းႁွင်ႇ ၼၼ်ႉယူႇယဝ်ႉ။ ယူႇတီႈပေႃႈမႄႈၵူၼ်းမိူင်း ၸွႆႈထႅမ်ႁူမ်ႈမိုဝ်း ပၼ်ၶၢဝ်ႇသေ မိူဝ်ႈလိူၼ် တီႈသိမ်ႊပိူဝ်ႊ (13) ဝၼ်း ယၢမ်းၵၢင်ၶမ်ႈ 9:00 မူင္း ၼၼ်ႉ ၽူႈမီးပုၼ်ႈၽွၼ်း ၾၢႆႇတပ်ႉၾၢႆႇဢုပ်ႉပိူင်ႇ SSPP/SSA ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ (6) ဢွၼ်ႁူဝ် ၵေႃႉသိုၵ်းၵေႃႉႁၢၼ် ၶဝ်ႈၵူတ်ႇထတ်း တီႉၺွပ်းၵူၼ်းၵဵဝ်ႇၶွင်ႈယႃႈမဝ်းၵမ် ေသ တီႉၺွပ်းလႆႈ ၽူႈၸၢႆး (10) ၵေႃႉ၊ ၼၢင်းယိင်း (1)ၵေႃႉ ႁူမ်ႈ(11)ၵေႃႉ လႄႈ ပဵၼ်ၵူၼ်းၵဵဝ်ႇၶွင်ႈၸွမ်း ၵၢၼ်သိုဝ်ႉၶၢႆသူႇၵိၼ် ယႃႈမဝ်းၵမ် ၼႂ်းၸေႈဝဵင်းမိူင်းယႆ ၼႆယူႇယဝ်ႉ။ ၵူၼ်းၸိူဝ်းၵဵဝ်ႇၶွင်ႈယႃႈမဝ်းၵမ်ၼႆႉ ပဵၼ်ၵူၼ်းၸၢဝ်းၶိူဝ်းတႆး ၽူႈၸၢႆး သႅၼ်းဢႃႇယု(30 )ၶူပ်ႇ တေႃႇ (46) ၶူပ်ႇ (9) ၵေႃႉ ၊ သႅၼ်းဢႃႇယု (59) ၶူပ်ႇ (1)ၵေႃႉ လႄႈ ၼၢင်းယိင်း သႅၼ်းဢႃႇယု (40) ၶူပ်ႇ ပၢႆ (1)ၵေႃႉ ေသ ပဵၼ်ၵူၼ်း ပွၵ်ႉ(1) ၊ ပွၵ်ႉ(3) ၊ ပွၵ်ႉပၢင်ႇလႅင်းသႂ်ႇ ၊ ဝၢၼ်ႈၼႃးၶူဝ် ၸေႈဝဵင်းမိူင်းယႆ ၼၼ်ႉယူႇယဝ်ႉ။ ၵဵဝ်ႇလူၺ်ႈလွင်ႈၼႆႉသေ ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ ၸဝ်ႈၼိုင်ႈလၢတ်ႈၼႄဝႃႈ -“ၸႂ်ႈယဝ်ႉ ႁဝ်းၶႃႈ ၵႂႃႇတီႉၺွပ်းမႃးဢေႃႈ ၵူၼ်းမိူင်းတေႉ ၸွႆႈႁူမ်ႈမိုဝ်းပၼ်ၶၢဝ်ႇ တီႈႁဝ်းၼၼ်ႉၼႃႈ။ ၵူၼ်းဢၼ်ႁဝ်းၶႃႈ တိၺွပ်းလႆႈၼႆႉ ပဵၼ်ၽူႈၸၢႆး(10)ၵေႃႉ လႄႈ ပႃးၼၢင်းယိင်း (1) ဢေႃႈ။ ႁဝ်းၶႃႈတေဢဝ်မူၼ်ႉမႄးပၼ်သေ ဢၼ်ၵဵဝ်ႇၶွင်ႈ လိူင်ႈတၢင်းၽိတ်း ၵၢၼ်သိုဝ်ႉၶၢႆယႃႈမဝ်းၵမ်ၼၼ်ႉတေႉ ႁဝ်းၶႃႈတေဢဝ်ၶိုၼ်ႈလုမ်းတြႃး ၵိုင်ႇၸၼ်ႉလႂ်ၸၼ်ႉၼၼ်ႉသေ သိုပ်ႇဢဝ်လိူင်ႈၵႂႃႇၸွမ်းၼင်ႇမူႇပိူင် ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈ ၵူၺ်းၶႃႈ ။တႃႇတေၽဵဝ်ႈမူၺ်ႉလႆႈတူင်ႇသိုပ်ႇမၼ်းထႅင်ႈၼၼ်ႉၵေႃႈ ႁဝ်းၶႃႈတေ သိုပ်ႇၸွပ်ႇႁႃ ယူႇၶႃႈဢေႃႈ” ဝႃႈၼႆ။ ၼင်ႇႁိုဝ်ပေႃႈမႄႈၵူၼ်းမိူင်းဢိၵ်ႇပႃးၵေႃႉသိုၵ်းၵေႃႉႁၢၼ် တပ်ႉသိုၵ်းၸိုင်ႈတႆးတၢင်းသဵင်ႈ ပေႃးတေၵၢင်း ယၢၼ်ၽေးၶဵၼ်ယႃႈမဝ်းၵမ်ၼၼ်ႉယူႇတီႈပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး တႆးႁဝ်းမီးၼၼ်ႉSSPP/SSA ၵေႃႈ တိုၼ်းမီးမူႇပိူင် ၵၢၼ်ၽဵဝ်ႈမူၺ်ႉယႃႈမဝ်းၵမ်ဝႆႉ လႄႈ တေသိုပ်ႇ ႁူမ်ႈမိုဝ်းၸွမ်း ပေႃႈမႄႈၵူၼ်းမိူင်း ေသ တေၸႂ်ႉတိုဝ်းလွၵ်းလၢႆး ၵူႈလၢႆးလၢႆး သိုပ်ႇၽဵဝ်ႈမူၺ်ႉယႃႈမဝ်းၵမ်ၵႂႃႇယူႇၼႆယဝ်ႉ။

['ယႃႈမဝ်းၵမ်', 'ၶၢဝ်ႇ']

2024-12-06T07:28:05

https://ssppssa.org/2024/12/sspp-ssa-%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba%e1%81%b5%e1%81%a2%e1%81%bc%e1%80%ba-%e1%80%95%e1%80%b1%e1%82%83%e1%82%88%e1%80%99%e1%82%84%e1%82%88%e1%81%b5-9/

SSPP/SSA ၸွႆႈထႅမ်ၵၢၼ် ပေႃႈမႄႈၵူၼ်းမိူင်း ၼႂ်းၼႃႈတီႈ ဢုပ်ႉပိူင်ႇ ၸေႈဝဵင်းမၢႆ(18) ၊ ၸေႈဝဵင်းမၢႆ(22)

ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်း ၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင်ဝႆႉ ၼႂ်း ၼႃႈတီႈဢုပ်ႉပိူင်ႇ ၸေႈဝဵင်းမၢႆ(5) ဝဵင်းမႂ်ႇဝၢၼ်ႈႁႆး လႄႈ ၸေႈဝဵင်းမၢႆ(18) ၼမ်ႉတူႈ ၼၼ်ႉ ၸွႆႈထႅမ်ၵၢၼ်ပေႃႈမႄႈ ၵူၼ်းမိူင်း ၼႂ်းပိုၼ်ႉတီႈ ၼႆယူႇယဝ်ႉ။ မိူဝ်ႈလိူၼ် ၼူဝ်ႇဝိုၼ်ႊပိူဝ်ႊ (22) ဝၼ်းၼၼ်ႉ ၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ SSPP/SSA လႆႈၵႂႃႇ ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၸွႆႈပုမ်ႇၶဝ်ႈပၼ် လုင်းလိူၼ်+ပႃႈသႅင်လူႇဝၢၼ်ႈမၢၵ်ႇႁူႈ ဢိူင်ႇမိူင်းၵၢဝ် ၸေႈဝဵင်းမၢႆ(5) ဝဵင်းမႂ်ႇဝၢၼ်ႈႁႆး ၸိုင်ႈတႆးပွတ်းၸၢၼ်း ၼၼ်ႉ ယူႇယဝ်ႉ။ ၼႂ်းဝၼ်းလဵဝ်ၼၼ်ႉၵူၺ်း ၵေႃႉသိုၵ်းၵေႃႉႁၢၼ် SSPP/SSA လႆႈၸွႆႈပၢတ်ႇၶဝ်ႈၼႃးပၼ် ၸၢႆးဢွင်ႇမိူင်း+ၼၢင်း ၼူၼ်းၽွင် ဝၢၼ်ႈမႂ်ႇလူင် ဢိူင်ႇမိူင်းမူႉ ၼႂ်းၸေႈဝဵင်းမၢႆ (18) ၼမ်ႉတူႈ ၸေႈတွၼ်ႈမၢႆ(8) ၼၼ်ႉယူႇယဝ်ႉ။ ယွၼ်ႉထိုင်ၶိင်ႇၶၢဝ်း ပေႃႈမႄႈၵူၼ်းမိူင်း သိမ်းမၢၵ်ႇၶဝ်ႈတဝ်ႈၼမ်ႉ ၼႂ်းႁႆႊ/သူၼ်/ၼႃး ယဝ်ႉၼႆလႄႈ ၼင်ႇႁိုဝ်ပေႃးတေပဵၼ် ၵၢၼ်ၵမ်ႉၸွႆႈ ပေႃႈမႄႈၵူၼ်းမိူင်းဢၼ်ၼိုင်ႈၼႆသေ ယူႇတီႈ ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်း ၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင်ဝႆႉ ၼႂ်း ၵူႈၼႃႈတီႈဢုပ်ႉပိူင်ႇၼၼ်ႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း တီႈလႂ်တီႈၼၼ်ႈသေ တေၶတ်းၸႂ် ၸွႆႈထႅမ် ပေႃႈမႄႈၵူၼ်းမိူင်း ၵႂႃႇယူႇယဝ်ႉ။ လိူဝ်သေၼၼ်ႉ တွၼ်ႈတႃႇလွင်ႈၼိမ်သဝ်းၼႂ်းၼႃႈတီႈဢုပ်ႉပိူင်ႇၵူႈၼႃႈတီႈ ၊ လွင်ႈႁူမ်ႇလူမ်ႈ ၊ လွင်ႈပၢႆးပိင်ႇၺႃႇ ၊ ပၢႆးယူႇလီ လွင်ႈႁုၼ်ႈမုၼ်းၶိုၼ်ႈယႂ်ႇ ပေႃႈမႄႈၵူၼ်းမိူင်း တေတိူဝ်းတွၼ်း ၶႅမ်ႉလႅပ်ႈမႃး ၼၼ်ႉၵေႃႈ ယူႇတီႈပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA တိုၵ်ႉသိုပ်ႇ ၶိုင်ပွင်ၵႂႃႇၸွမ်း ငဝ်းလၢႆး ၵၢၼ်သိုၵ်း ၵၢၼ်မိူင်း ဢၼ်ပဵၼ်ဝႆႉၼၼ်ႉၵမ်း ၶၵ်ႉ ၶၵ်ႉ ယူႇယဝ်ႉ။

['ၵၢၼ်ၸွႆႈထႅမ်ပေႃႈမႄႈၵူၼ်းမိူင်း', 'ၵၢၼ်ပူၵ်းပွင်', 'ၶၢဝ်ႇ']

2024-12-06T06:09:14

https://ssppssa.org/2024/12/sspp-ssa-%e1%80%9c%e1%80%b0%e1%80%84%e1%80%ba%e1%80%b8%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba%e1%81%b5%e1%81%a2%e1%81%bc%e1%80%ba-%e1%80%95%e1%80%b1%e1%82%83-5/

SSPP/SSA လူင်းၸွႆႈထႅမ်ၵၢၼ် ပေႃႈမႄႈၵူၼ်းမိူင်း ၼႂ်းၼႃႈတီႈ ဢုပ်ႉပိူင်ႇ ၸေႈဝဵင်းမၢႆ(9) မိူင်းယႆ

ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်း ၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင်ဝႆႉ ၼႂ်း ၼႃႈတီႈဢုပ်ႉပိူင်ႇ ၸေႈဝဵင်းမၢႆ(9) ၸေႈဝဵင်းမိူင်းယႆၼၼ်ႉ လူင်းၸွႆႈထႅမ်ၵၢၼ်ပေႃႈမႄႈ ၵူၼ်းမိူင်း ၼႂ်း ပိုၼ်ႉတီႈ ၼႆယူႇယဝ်ႉ။ မိူဝ်ႈလိူၼ်တီႇသိမ်ႊပိူဝ်ႊ (05) ဝၼ်း ၶၢဝ်းယၢမ်း (10:00) မူင်း တေႃႇထိုင် (16:00) မူင်းၼၼ်ႉ ၵေႃႉသိုၵ်း ၵေႃႉ ႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ SSPP/SSA လူင်းၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၸွႆႈပုမ်ႇၶဝ်ႈၼႃး ပၼ် လုင်းမိၼ်ႉ+ ပႃႈသေးၼွႆႇ တီႈယူႇဝၢၼ်ႈၸၢင်ႉ ဢိူင်ႇႁူဝ်တိုဝ်ႉ ၸေႈဝဵင်းမိူင်းယႆ ၸေႈတွၼ်ႈမၢႆ (4) ၸိုင်ႈတႆး ပွတ်းႁွင်ႇၼၼ်ႉ ယူႇယဝ်ႉ။ ယွၼ်ႉထိုင်ၶိင်ႇၶၢဝ်း ပေႃႈမႄႈၵူၼ်းမိူင်း သိမ်းမၢၵ်ႇၶဝ်ႈတဝ်ႈၼမ်ႉ ၼႂ်းႁႆႊ/သူၼ်/ၼႃး ယဝ်ႉၼႆလႄႈ ၼင်ႇႁိုဝ် ပေႃးတေပဵၼ် ၵၢၼ်ၵမ်ႉၸွႆႈ ပေႃႈမႄႈၵူၼ်းမိူင်း ဢၼ်ၼိုင်ႈၼႆသေ ယူႇတီႈ ၵေႃႉသိုၵ်း ၵေႃႉႁၢၼ် ပႃႇတီႇမႂ်ႇ သုင်ၸိုင်ႈတႆး/တပ်ႉသိုၵ်း ၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင်ဝႆႉ ၼႂ်းၵူႈၼႃႈတီႈဢုပ်ႉပိူင်ႇ ၼၼ်ႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း တီႈလႂ်တီႈၼၼ်ႈသေ တေၶတ်းၸႂ် ၸွႆႈထႅမ် ပေႃႈမႄႈၵူၼ်းမိူင်း ၵႂႃႇယူႇ ယဝ်ႉ။ လိူဝ်သေၼၼ်ႉ တွၼ်ႈတႃႇလွင်ႈၼိမ်သဝ်းၼႂ်းၼႃႈတီႈဢုပ်ႉပိူင်ႇၵူႈၼႃႈတီႈ ၊ လွင်ႈႁူမ်ႇလူမ်ႈ ၊ လွင်ႈပၢႆးပၺ်ႇ ၺႃႇ ၊ ပၢႆးယူႇလီ လွင်ႈႁုၼ်ႈမုၼ်းၶိုၼ်ႈယႂ်ႇ ပေႃႈမႄႈၵူၼ်းမိူင်း တေတိူဝ်းတွၼ်း ၶႅမ်ႉလႅပ်ႈမႃး ၼၼ်ႉၵေႃႈ ယူႇတီႈပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA တိုၵ်ႉသိုပ်ႇ ၶိုင်ပွင်ၵႂႃႇၸွမ်း ငဝ်းလၢႆး ၵၢၼ် သိုၵ်း ၵၢၼ်မိူင်း ဢၼ်ပဵၼ်ဝႆႉၼၼ်ႉၵမ်း ၶၵ်ႉၶၵ်ႉ ယူႇယဝ်ႉ။

['ၵၢၼ်ပူၵ်းပွင်', 'ၵၢၼ်ၸွႆႈထႅမ်ပေႃႈမႄႈၵူၼ်းမိူင်း']

2024-12-06T05:43:23

https://ssppssa.org/2024/12/%e1%81%bc%e1%82%82%e1%80%ba%e1%80%b8%e1%80%9d%e1%81%bc%e1%80%ba%e1%80%b8%e1%80%9c%e1%80%b5%e1%80%9d%e1%80%ba%e1%80%9e%e1%80%ad%e1%80%af%e1%81%b5%e1%80%ba%e1%80%b8-rcss-%e1%80%9d%e1%82%85%e1%80%90/

ၼႂ်းဝၼ်းလဵဝ်သိုၵ်း RCSS ဝႅတ်ႉယိုဝ်းတပ်ႉပၵ်းသဝ်း လႄႈ ႁၢင်ႈမၢၵ်ႇသႂ်ႇ SSPP/SSA (3) ဢွင်ႈတီႈ

သိုၵ်း RCSS ဝႅတ်ႉယိုဝ်း ၽူႈမီးပုၼ်ႈၽွၼ်းၽၢႆႇတပ်ႉ ၽၢႆႇ ဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA (3) ဢွင်ႈတီႈ ၼႂ်းၸေႈဝဵင်း မိူင်းၵိုင် ႁဵတ်း ႁႂ်ႈ ၵူၼ်းမိူင်း ၵူၼ်းသိုၵ်း မီးလွင်ႈမၢတ်ႇၸဵပ်းလူႉတၢႆ လႄႈ ႁိူၼ်းၵူၼ်းမိူင်းၵမ်ႈၽွင်ႈ ထုၵ်ႇသိုၵ်း RCSS ၸုတ်ႇၽဝ် ပႅတ်ႈယူႇယဝ်ႉ။ဝၼ်းထီႉ- 25-လိူၼ်ၼူဝ်ႊဝိုၼ်ႊပိူဝ်ႊ-2024 ယၢမ်းၵၢင်ၼႂ် 3:34 မူင်း သၢႆသိုၵ်း RCSS ၸႅၵ်ႇႁဵတ်း 3 သၢႆသေ ၶဝ်ႈဝႅတ်ႉတိုၵ်းတေႃး တပ်ႉပၵ်းသဝ်း SSPP/SSA ဢၼ်ပၵ်းသဝ်းယူႇဝႆႉ တီႈဝၢၼ်ႈပၢင်ပွႆး ဢိူင်ႇတူင်ႇလၢဝ်း ၸေႈဝဵင်းမိူင်းၵိုင် လႄႈ ၵေႃႉသိုၵ်းၵေႃႉႁၢၼ် SSPP/SSA လႆႈထုၵ်ႇသိုၵ်း RCSS တီႉၺွပ်းတူဝ်ၵႂႃႇ 8 ၵေႃႉ လႄႈ ပူႇၵေႇဝၢၼ်ႈပၢင်ပွႆး လႆႈထုၵ်ႇသိုၵ်း RCSS ယိုဝ်းတၢႆ တီႈႁိူၼ်းယူႇယဝ်ႉ။ ဝၢႆးသေ သိုၵ်း RCSS လႆႈဝႅတ်ႉပိုတ်းယိုဝ်းတီႉၺွပ်း ၵူၼ်းသိုၵ်း SSPP/SSA ယဝ်ႉ လႆႈမိူဝ်းယိုဝ်း လုင်းၵၢၼ်ႈၶမ်း ပူႇၵေႇဝၢၼ်ႈပၢင်ပွႆး ၽွင်းတိုၵ်ႉၼွၼ်းယူႇတီႈႁိူၼ်း လႆႈလူႉတၢႆထင်တီႈ လႄႈ လုၵ်ႈဢွၼ်ႇ ဢႃႇယူႉ 11 ၶူပ်ႇ လႆႈမၢတ်ႇၸဵပ်း ဢိၵ်ႇပႃး လုင်းၶမ်း ၵူၼ်းမိူင်း ဝၢၼ်ႈပၢင်ပွႆးၼိုင်ႈၵေႃႉလႆႈ မၢတ်ႇၸဵပ်းၸွမ်းယူႇယဝ်ႉ။ဝၢႆးသေသိုၵ်း RCSS ယိုဝ်း လုင်းၵၢၼ်ႈၶမ်း ပူႇၵေႇဝၢၼ်ႈပၢင်ပွႆးလူႉတၢႆထင်တီႈ လႄႈ ၶိုၼ်းသွၵ်ႈတဝ်ဢဝ် ၶူဝ်းၶွင် ငိုၼ်း ၊ ၶမ်း တီႈႁိူၼ်းလုင်းၵၢၼ်ႈၶမ်းယဝ်ႉ ၸုတ်ႇၽဝ်ပႃးပႅတ်ႈႁိူၼ်းယေး လုင်းၵၢၼ်ႈၶမ်းသေ မိူဝ်းသွၵ်ႈဢဝ်ၵိၼ်လၢႆ ၶူဝ်းၶွင် ၼႂ်းလၢၼ်ႉ ပႃႈသူၺ်ႇယိင်း ၼႂ်းဝၢၼ်ႈပၢင်ပွႆးထႅင်ႈ ယူႇယဝ်ႉ။ ၼႂ်းဝၼ်းလဵဝ်ၵူၺ်း ယၢမ်းၵၢင်ၼႂ် 8:00 မူင်းၼၼ်ႉ သိုၵ်း RCSS ပႂ်ႉသွတ်ႉမၢၵ်ႇသႂ်ႇ ၵူၼ်းသိုၵ်း SSPP/SSA တီႈဝၢၼ်ႈလွႆၵႆႇလွတ်ႈ ဢၼ်မီးၽၢႆႇဢွၵ်ႇ ဝၢၼ်ႈၵုၼ်ၵွၵ်ႇ ဢိူင်ႇတူင်ႇလၢဝ်း ၸေႈဝဵင်းမိူင်းၵိုင် တိူဝ်ႉၺႃး ၵႃးၵူၼ်းသိုၵ်း လႄႈ ၵူၼ်းသိုၵ်းၶီႇၸွမ်း လႆႈလူႉတၢႆထင်တီႈထႅင်ႈ (1) ၵေႃႉ ၊ မၢတ်ႇၸဵပ်း (4) ၵေႃႉ၊ မိူၼ်ၼၼ်ၼင်ႇၵဝ်ႇ ၽွင်း ၽူႈမီးပုၼ်ႈၽွၼ်း SSPP/SSA တိုၵ်ႉၵူတ်ႇထတ်း တီႈၼိူဝ်သဵၼ်ႈတၢင်းလူင် ၵျွၵ်ႉၵူႇ ၊ ဢၢင်ႇတေႃး ၼၼ်ႉ ၵေႃႈ သိုၵ်း RCSS ပႂ်ႉသွတ်ႉမၢၵ်ႇသႂ်ႇ သၢႆသိုၵ်း SSPP/SSA ထႅင်ႈယူႇယဝ်ႉ။ ၽၢႆႇၼိုင်ႈ ၸုမ်းၵပ်းသၢၼ်ၵၢၼ်ငမ်းယဵၼ် ဢၼ်တၢင်တူဝ်ပေႃႈမႄႈၵူၼ်းမိူင်း မႃးႁူပ်ႉထူပ်း ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး တီႈငဝ်ႈငုၼ်း SSPP/SSA မိူဝ်ႈဝၼ်းထီႉ- 9-11-2024 ပဵၼ်ပွၵ်ႈၵမ်း 2 ယဝ်ႉသေ၊ ယူႇတီႈ ၽူႈယႂ်ႇၵူၼ်းလူင် ငဝ်ႈငုၼ်း SSPP/SSA ႁပ်ႉႁၼ်လီၵမ်ႉထႅမ် ၵၢၼ်ၵိုတ်းတိုၵ်း လႄႈ ၽွင်းၶၢဝ်းယၢမ်း တိုၵ်ႉၶတ်း ၸႂ်တႃႇပဵၼ်မႃးလႆႈလွင်ႈဢုပ်ႇဢူဝ်းၵၼ်ၼၼ်ႉ ၽၢႆႇသိုၵ်း RCSS သမ်ႉ ပွႆႇသိုၵ်းမႃးဝႅတ်ႉလွမ်ႉတိုၵ်း တပ်ႉပၵ်းသဝ်း SSPP/SSA ၼႂ်းဝၢၼ်ႈပၢင်ပွႆး ဢိူင်ႇတူင်ႇလၢဝ်း ၸေႈဝဵင်းမိူင်းၵိုင်ၼႆႉ တိုၼ်းဢမ်ႇထုၵ်ႇလီပဵၼ်လီမီးယူႇယဝ်ႉ။

['ၵၢၼ်သိုၵ်း', 'ႁၢင်ႈလူၼ်ႉ']

2024-12-06T03:00:01

https://ssppssa.org/2024/12/sspp-ssa-%e1%81%b8%e1%80%90%e1%80%ba%e1%80%b8%e1%82%81%e1%80%b5%e1%80%90%e1%80%ba%e1%80%b8-%e1%80%95%e1%81%a2%e1%80%84%e1%80%ba%e1%81%b5%e1%82%85%e1%80%9d%e1%80%ba%e1%82%88-%e1%80%9d%e1%81%bc%e1%80%ba/

SSPP/SSA ၸတ်းႁဵတ်း ပၢင်ၵႅဝ်ႈ ဝၼ်းၽူႈႁတ်းႁၢၼ်လုၵ်ႉၽိုၼ်ႉ

မိူဝ်ႈ လိူၼ်တီႇသိမ်ႊပိူဝ်ႊ 5 ဝၼ်းၼႆႉ တူၵ်းမႅၼ်ႈဝၼ်း ၽူႈႁတ်းႁၢၼ်လုၵ်ႉၽိုၼ်ႉ ၼႆလႄႈ ယူႇတီႈငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆးတပ်ႉသိုၵ်းၸိုင်ႈတႆး SSPP/SSA လႆႈဢွၼ်ႁူဝ် ၸတ်းႁဵတ်း ပၢင်ၵႅဝ်ႈ ဝၼ်းၽူႈႁတ်း ႁၢၼ်လုၵ်ႉၽိုၼ်ႉ ဢွင်ႈတီႈ ႁူင်းႁေႃးလူင် ၸဝ်ႈၼၢင်းႁိူၼ်းၶမ်း ဝဵင်းမႂ်ႇဝၢၼ်ႈႁႆး ၸိုင်ႈတႆးပွတ်းၸၢၼ်းၼၼ်ႉ သေ မီး ၽူႈယႂ်ႇၵူၼ်းလူင် ၊ ၸုမ်းၼၢင်းယိင်း ငဝ်ႈငုၼ်း ၊ ႁူင်း ႁဵၼ်းၽူႈမီးၸၼ်ႉ ၊ ၸုမ်းၵူၼ်းၼုမ်ႇ ၊ ၾၢႆႇယူႇလီ ၊ ၵူႈ တပ်ႉၵူႈႁွင်ႈၵၢၼ် ၊ တပ်ႉၼၢင်းႁၢၼ် ၊ လုၵ်ႈႁဵၼ်းၶိုၼ်ႈ ၸၼ်ႉ ၊ ႁူင်းႁဵၼ်းတပ်ႉၶိုၵ်ႉတွၼ်း ၊ ႁူင်းႁဵၼ်းလိၵ်ႈ ၶႄႇ ၊ ႁူင်းႁဵၼ်းၼေႃႇတႅၼ်းၶိူဝ်း ၊ ႁူင်းႁဵၼ်းသႅင်ၵိုင်ႇ မိူင်း ၊ ၸုမ်းထႆႇႁၢင်ႈမၢႆတွင်း ဢိၵ်ႇပႃးပေႃႈမႄႈၵူၼ်းမိူင်း ႁူမ်ႈၵၼ် ၽူႈၶိုၼ်ႈႁွတ်ႈမီး (1563) ၵေႃႉယူႇယဝ်ႉ။ မိူဝ်ႈ လိူၼ်တီႇသိမ်ႊပိူဝ်ႊ 5 ဝၼ်း တေႇၶၢဝ်းယၢမ်းၵၢင်ၼႂ် 8:00 မူင်း ၼၼ်ႉ ယူႇတီႈငဝ်ႈငုၼ်း SSPP/SSA လႆႈတေႇ ၸတ်းႁဵၼ်း ပၢင်ၵႅဝ်ႈ ဝၼ်းၽူႈႁတ်းႁၢၼ်လုၵ်ႉၽိုၼ်ႉ သေ တီႈပၢင်ၵႅဝ်ႈၼၼ်ႉ မီးၸွမ်သိုၵ်းလူင် သိူဝ်ထႅၼ်ႈ ၽူႈ ၼမ်းၼႃႈ(1) မွၵ်ႈလၢတ်ႈၶေႃႈၵႂၢမ်း ပိုတ်ႇၽုၺ်ႇပၢင်ၵႅဝ်ႈ လႄႈ ၶူၼ်ႉၶႆႈၼႄ ပိုၼ်းဝၼ်းၽူႈ ႁတ်းႁၢၼ်လုၵ်ႉၽိုၼ်ႉ ႁဵတ်းႁိုဝ်တေႇပဵၼ်မႃး ၸဵမ်ၸိူဝ်းၼႆႉ ယူႇယဝ်ႉ။ လိူဝ်သေၼၼ်ႉ ၸဝ်ႈသိုၵ်းလူင် သႅင်ႁၢၼ် ဢၼ်ပဵၼ် ၽူႈၵွၼ်းႁူင်းႁဵၼ်းသိုၵ်း ငဝ်ႈငုၼ်း SSPP/SSA ၼၼ်ႉ လူဢၢၼ်ႇ ၼႄ ၽိုၼ်လိုၵ်ႈယိုၼ်ႈထိုင် ဝၼ်းၽူႈႁတ်း ႁၢၼ်လုၵ်ႉၽိုၼ်ႉ သေ ဝၢႆးၼၼ်ႉ ၽူႈၶိုၼ်ႈႁွတ်ႈ တၢင်း သဵင်ႈ ႁူမ်ႈလုၵ်ႉ ႁွင်ႉသႅၼ်ႇ ၶေႃႈႁွင်ႉသႅၼ်ႇ (5) ၶေႃႈ ဢၼ်မီးဝႃႈ- “ပႃႇတီႇႁႂ်ႈမိူၼ်ပႃႇတီႇ တပ်ႉႁႂ်ႈမိူၼ်တပ်ႉ ၵေႃႇသၢင်ႈတႃႉ ၵေႃႇသၢင်ႈတႃႉ ၊ လွင်ႈၶွတ်ႇလိူတ်ႈၽွမ်ႉ ႁူမ်ႈ ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး လႄႈ ပေႃႈမႄႈၵူၼ်းမိူင်းၸိုင်ႈတႆး ႁႂ်ႈမၼ်ႈၵိုမ်း ႁႂ်ႈမၼ်ႈၵိုမ်း ၊ ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး ႁႂ်ႈယိုၼ်း ယၢဝ်း ၊ လၢႆးလုၵ်ႉၽိုၼ်ႉ တီႇမူဝ်ႇၶရေႇၸီႇၸိူဝ်ႉၸၢတ်ႈ တၵ်းလႆႈဢွင်ႇပေႉ တၵ်းလႆႈဢွင်ႇပေႉ ၊ ၽူႈၶဵၼ်မိူၵ်ႈ မႂ်ႈ ၸိုင်ႈတႆး တၵ်းလႆႈတူၵ်းသုမ်း တၵ်းလႆႈတူၵ်းသုတ်း” ၼႆ လႄႈ ထိုင်မႃး ၶၢဝ်းယၢမ်းၵၢင်ၼႂ် 8:38 မူင်းၼၼ်ႉ ၽူႈၶပ်ႉပၢင် ပိုၼ်ၽၢဝ်ႇ ပၢင်ၵႅဝ်ႈ ဢွင်ႇမၢၼ် ယဝ်ႉတူဝ်ႈၵႂႃႇ လီငၢမ်းယူႇယဝ်ႉ။ ဝၼ်းၽူႈႁတ်းႁၢၼ်လုၵ်ႉၽိုၼ်ႉၼႆႉ ၵေႃႇမတီႇငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆး SSPP တေႇမၵ်းမၼ်ႈမႃး မိူဝ်ႈဝၼ်းထီႉ 5/12/1978 တူၵ်းမႅၼ်ႈဝၼ်း ၸဝ်ႈဢုင်းပွင်ႇ (ႁိုဝ်) ၸဝ်ႈသိူဝ်ၶၼ်ႇ ၵမ်ႉႁူဝ်ပဝ်ႈ ပႃႇတီႇမႂ်ႇသုင် ၸိုင်ႈ တႆး/တပ်ႉသိုၵ်းၸိုင်ႈတႆး လႆႈတူၵ်းသုမ်းၼႂ်းပွႆးတိုၵ်း တင်းတပ်ႉသိုၵ်းမၢၼ်ႈ တီႈဝၢၼ်ႈၼႃးၽုၺ်း ဢိူင်ႇ သႅင်ၵႅဝ်ႉ ၸေႈဝဵင်းသီႇပေႃႉ ၼၼ်ႉသေ ယိူင်းၸူးတႃႇႁႂ်ႈပဵၼ်မၢႆတွင်း လွင်ႈမွင်ၸႂ် ၊ လွင်ႈယွင်ႈၵုင်ႇယေႃးမုၼ် ၸိူဝ်းၽူႈ ႁတ်းႁၢၼ်လုၵ်ႉၽိုၼ်ႉ ဢၼ်ဢဝ် ၼိူဝ်ႉလိူတ်ႈ တူဝ်ၸႂ် လူႇပၼ် တႃႇၸိူဝ်ႉၸၢတ်ႈ ဝၢၼ်ႈမိူင်း ၼႂ်းလၢႆး လုၵ်ႉ ၽိုၼ်ႉ ဢၼ်တေႇဢဝ်ပီႊ 1958 ၼီႊ လိူၼ်မေႇ (21) ဝၼ်း ၶိုၼ်ႈၼႃႈမႃး တေႃႇထိုင်ဝၼ်းမိူဝ်ႈၼႆႉ ၼႂ်း ၶၢဝ်း တၢင်းလုၵ်ႉၽိုၼ်ႉ ၵွပ်ႇၵူႈ ၸိူဝ်ႉၸၢတ်ႈ ဝၢၼ်ႈမိူင်းၸိုင်ႈတႆး ဢၼ်ပဵၼ်တႆးတင်းလုမ်ႈ လႄႈ ၸင်ႇမၵ်း မၼ်ႈ ၸႂ်ႉတိုဝ်းပဵၼ် တၢင်းၵၢၼ်မႃး ယူႇယဝ်ႉ။

['ၶၢဝ်ႇ', 'ၶၢဝ်ႇတူင်ႉၼိုင်ၸုမ်းဢွၼ်ႁူဝ်ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး']

2024-12-06T02:57:32

https://ssppssa.org/2024/12/%e1%80%99%e1%80%ad%e1%80%b0%e1%80%9d%e1%80%ba%e1%82%88%e1%81%bc%e1%82%86%e1%82%89-%e1%80%9d%e1%81%bc%e1%80%ba%e1%80%b8%e1%80%91%e1%80%ae%e1%82%89-05-december-2024-%e1%80%95%e1%80%b5%e1%81%bc/

မိူဝ်ႈၼႆႉ ဝၼ်းထီႉ -05 / December / 2024 ပဵၼ်ဝၼ်းၽူႈႁတ်းႁၢၼ်လုၵ်ႉၽိုၼ်ႉ လႄႈ ယူႇတီႈငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA ၸင်ႇလႆႈယိုၼ်ႈထိုင် ၽိုၼ်လိၵ်ႈ ဝၼ်းၽူႈႁတ်းႁၢၼ်လုၵ်ႉၽိုၼ်ႉယူႇယဝ်ႉ။

ၽိုၼ်လိၵ်ႈယိုၼ်ႈထိုင် ဝၼ်းၽူႈႁတ်းႁၢၼ်လုၵ်ႉၽိုၼ်ႉ SSPPSSA ဝၼ်းၽူႈႁတ်းႁၢၼ်လုၵ်ႉၽိုၼ်ႉ

['ေၶႃႈပိုၼ်ၽၢဝ်ႇ', 'ၶၢဝ်ႇတူင်ႉၼိုင်ၸုမ်းဢွၼ်ႁူဝ်ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး']

2024-12-06T02:53:48

https://ssppssa.org/2024/12/sspp-ssa-%e1%82%81%e1%80%b5%e1%80%90%e1%80%ba%e1%80%b8%e1%80%9e%e1%80%b5%e1%81%bc%e1%80%ba%e1%82%88%e1%80%90%e1%81%a2%e1%80%84%e1%80%ba%e1%80%b8%e1%80%95%e1%81%bc%e1%80%ba-%e1%81%bc%e1%82%82%e1%80%ba/

SSPP/SSA ႁဵတ်းသဵၼ်ႈတၢင်းပၼ် ၼႂ်းပိုၼ်ႉတီႈ ၸေႈဝဵင်းမၢႆ(26)

ယိူင်းဢၢၼ်းတႃႇ ၵူၼ်းတၢင်းၼမ် တေၵႂႃႇမႃးငၢႆႈ ၼႆသေ ယူႇတီႈ ၸွမ်ႁၢၼ်သႅင်ၾႃႉ ၵေႃႇမတီႇၽူႈပွင်ၵၢၼ် သိုၵ်းငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA ႁဵတ်းပဵၼ်ၸဝ်ႈတႃႇၼႃႉလူင်သေ လႆႈၵေႃႇသၢင်ႈႁဵတ်းသဵၼ်ႈတၢင်းမႂ်ႇပၼ် ၼႂ်းပိုၼ်ႉတီႈ ထုင်ႉမိူင်းၶိူဝ်း ၸေႈဝဵင်းမၢႆ(26) သီႇပေႃႉ ၸိုင်ႈတႆး ပွတ်းႁွင်ႇ ၼႆယူႇယဝ်ႉ။ သဵၼ်ႈတၢင်းၼႆႉ လႆႈတေႇထုၺ်ႁဵတ်းမႃး မိူဝ်ႈလိူၼ်ၼိူဝ်ႊဝိုၼ်ႊပိူဝ်ႊ 23 ဝၼ်းတေႃႇထိုင်ယၢမ်းလဵဝ်သေ တၢင်း ၵႂၢင်ႈမီး 20 ထတ်း ၊ တၢင်းယၢဝ်း တေႇဢဝ် ဝၢၼ်ႈႁူဝ်ၶူဝ် ဢိူင်ႇမိူင်းၶိူဝ်း တေႃႇထိုင်ဝၢၼ်ႈၼွင်တႅၼ်ႈ မီး (15.98 ) ၵီႊလူဝ်ႊမီႇတိူဝ်ႊ လႄႈ ယၢမ်းလဵဝ်တိုၵ်ႉထုၺ်ယဝ်ႉ (11) ၵီႊလူဝ်ႊမီႇတိူဝ်ႊပၢႆ ၼႆယူႇယဝ်ႉ။ သဵၼ်ႈတၢင်းၼႆႉ ၼင်ႇႁိုဝ်တေၵႂႃႇငၢႆႈမႃးငၢႆႈ ၵူႈၶၢဝ်းၼၼ်ႉ တေႁဵတ်းပဵၼ်တၢင်းသိူဝ်ႇမၢၵ်ႇႁိၼ် သိူဝ်ႇသၢႆး ၼႆ ယူႇယဝ်ႉ။ လွင်ႈၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၵၢၼ်ၵူႈပၢႆးပၢႆး ဢိၵ်ႇပႃးၵၢၼ် တွၼ်ႈလိၼ်ၶိုၼ်ႈယႂ်ႇ ၼႂ်းၼႃႈတီႈဢုပ်ႉ ပိူင်ႇ ၸိူဝ်းၼႆႉ ယူႇတီႈ ပႃတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆးသေ SSPP/SSA သေ ၵၢၼ်လဵၵ်ႉၸွႆႈလဵၵ်ႉ ၵၢၼ်ယႂ်ႇၸွႆႈယႂ်ႇ ၵႃႈၼင်ႇ ပွင်ပဵၼ်လႆႈၼၼ်ႉ တေသိုပ်ႇၶတ်းၸႂ် ပူၵ်းပွင်ၼႃႈတီႈ ၸွႆႈထႅမ်ပေႃႈမႄႈ ၵူၼ်းမိူင်း ၵႂႃႇယူႇယဝ်။

['ၵၢၼ်ပူၵ်းပွင်', 'ၵၢၼ်ၸွႆႈထႅမ်ပေႃႈမႄႈၵူၼ်းမိူင်း']

2024-12-06T02:44:53

https://ssppssa.org/2024/12/%e1%81%bd%e1%80%b0%e1%82%88%e1%80%95%e1%80%af%e1%81%bc%e1%80%ba%e1%82%88%e1%81%bd%e1%80%bd%e1%81%bc%e1%80%ba%e1%80%b8-sspp-ssa-%e1%80%9c%e1%80%b0%e1%80%84%e1%80%ba%e1%80%b8%e1%81%b5%e1%80%b0%e1%80%90/

ၽူႈပုၼ်ႈၽွၼ်း SSPP/SSA လူင်းၵူတ်ႇထတ်း တီႉၺွပ်းၵူၼ်းသူႇသမ်း ၵိၼ်/ ၶၢႆ ယႃႈမဝ်းၵမ် ၼႂ်းၸေႈဝဵင်း မိူင်းယႆ

ၽူႈမီးပုၼ်ႈၽွၼ်း ၾၢႆႇတပ်ႉ ၾၢႆႇဢုပ်ႉပိူင်ႇ ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA လႄႈ ၵူၼ်းမိူင်း ၼႂ်းပိုၼ်ႉတီႈ ႁူမ်ႈမိုဝ်းၵၼ်သေ လူင်းၵူတ်ႇထတ်း တီႉၺွပ်း ၵူၼ်းဢၼ်ၵဵဝ်ႇၶွင်သူႇသမ်း / ၵိၼ်/ ၶၢႆ ယႃႈမဝ်း ၵမ် ၼႂ်းၸေႈဝဵင်းမိူင်းယႆ ၸိုင်ႈတႆးပွတ်းႁွင်ႇ ၼၼ်ႉယူႇယဝ်ႉ။ ဢိင်ၼိူဝ်ႈပေႃႈမႄႈၵူၼ်းမိူင်း ၸွႆႈထႅမ်ႁူမ်ႈမိုဝ်း ပၼ်ၶၢဝ်ႇသေ မိူဝ်ႈလိူၼ် တီႇသိမ်ႊပိူဝ်ႊ (01) ဝၼ်း ယၢမ်းၵၢင်ၶမ်ႈ 8:00 မူင်း ၼၼ်ႉ ၽူႈမီးပုၼ်ႈၽွၼ်း ၾၢႆႇတပ်ႉ ၾၢႆႇဢုပ်ႉပိူင်ႇ SSPP/SSA ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ(10) ဢွၼ်ႁူဝ် ၵေႃႉသိုၵ်းၵေႃႉႁၢၼ် လူင်းၼႂ်း ပိုၼ်ႉတီႈသေ ၶဝ်ႈၵူတ်ႇထတ်း တီႉၺွပ်း ၵူၼ်းၵဵဝ်ႇၶွင်ႈယႃႈမဝ်းၵမ် ၽူႈ ၸၢႆး (5) ၵေႃႉ ဢၼ်တိုၵ်ႉသိုဝ်ႉၶၢႆ သူႇၵိၼ်ယႃႈ တီႈ ၼႂ်းသူၼ်ဢွႆႈ လုင်းၶေႇ ဝၢၼ်ႈၼႃးၼိဝ်ႉဢွၼ်ႇ ၼႂ်းဢိူင်ႇမိူင်း ၸိတ်ႇ ၸေႈဝဵင်းမိူင်းယႆ ၼၼ်ႉယူႇယဝ်ႉ။ ၵူၼ်းၸိူဝ်းၵဵဝ်ႇၶွင်ႈယႃႈမဝ်းၵမ်ၼႆႉ ပဵၼ်ၽူႈၸၢႆးၼုမ်ႇ သႅၼ်းဢႃႇယု(20)ပီႊ တေႃႇ (22) ပီ သၢမ်ၵေႃႉ ၊ သႅၼ်း ဢႃႇယု (40) ပၢႆ သွင်ၵေႃႉ သေ ပဵၼ်ၵူၼ်း ဝၢၼ်ႈၼႃးမွင် ၊ ဝၢၼ်ႈၼႃးၼိဝ်ႉဢွၼ်ႇ ၊ ဝၢၼ်ႈၵွင်းသၢင်း ဢိူင်ႇမိူင်းၸိတ်ႇ ၸေႈဝဵင်းမိူင်းယႆ လႄႈ ပဵၼ်ၵူၼ်း ဝၢၼ်ႈတၢပ်ႈ ဢိူင်ႇ ၼွင်မွၼ် ၊ ဝၢၼ်ႈမႄႈႁၢၼ်ႇ ဢိူင်ႇမႄႈႁၢၼ်ႇ ၸေႈဝဵင်းလႃႈသဵဝ်ႈ ၸဵမ်ၸိူဝ်းၼႆႉယူႇယဝ်ႉ။ ၵဵဝ်ႇလူၺ်ႈလွင်ႈၼႆႉသေ ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ ၼႂ်းၸေႈဝဵင်းမၢႆ(10) ၸဝ်ႈၼိုင်ႈလၢတ်ႈၼႄဝႃႈ -“ၸႂ်ႈယဝ်ႉ ႁဝ်းၶႃႈ လႄႈ ၵူၼ်းမိူင်း ၼႂ်းပိုၼ်ႉတီႈ ႁူမ်ႈၵၼ် ၶႃႈ ဢေႃႈ ၵူၼ်းမိူင်းတေႉ ၸွႆႈႁူမ်ႈမိုဝ်းပၼ်ၶၢဝ်ႇ တီႈႁဝ်း ၼၼ်ႉၶႃႈၼႃႇၼေႃႈ။ ၵူၼ်းဢၼ်ႁဝ်းၶႃႈ တိၺွပ်းလႆႈၼႆႉ ပဵၼ်ၽူႈ ၸၢႆးတၢင်း(5)ၵေႃႉဢေႃႈ။ ၼႂ်း ၼၼ်ႉ ပႃးၵူၼ်း ၼုမ်ႇ ၸၢႆး(3) ၵေႃႉ သႅၼ်းဢႃႇယူႇ (20/21/22 )ၶူပ်ႇ ၶႃႈ ဢေႃႈ။ ထႅင်ႈသွင်တေႉ ပဵၼ်သႅၼ်း ၵူၼ်း လူင် ဢႃယု(40) ပၢႆၶႃႈဢေႃႈ။ ပေႃးပဵၼ်ၵူၼ်းၶိူဝ်းႁဝ်းၶႃႈတေႉ ဢၼ်လူဝ်ႇမူၼ်ႉမႄးၵေႃႈ ဢဝ်မူၼ်ႉမႄးပၼ် သေ ဢၼ်ၵဵဝ်ႇၶွင်ႈ လိူင်ႈတၢင်းၽိတ်း ၵၢၼ်သိုဝ်ႉၶၢႆ ယႃႈမဝ်းၵမ်ၼၼ်ႉတေႉ ႁဝ်းၶႃႈ တေဢဝ် ၶိုၼ်ႈလုမ်းတြႃး ၵိုင်ႇၸၼ်ႉလႂ် ၸၼ်ႉ ၼၼ်ႉသေ သိုပ်ႇဢဝ် လိူင်ႈၵႂႃႇ ၸွမ်းၼင်ႇမူႇပိူင် ပႃႇတီႇမႂ်ႇသုင်ၸိုင်ႈ တႆး/တပ်ႉသိုၵ်းၸိုင်ႈ တႆးႁဝ်း မီးၼၼ်ႉယူႇ ဢေႃႈ။ တႃႇတေၽဵဝ်ႈမူၺ်ႉလႆႈ တူင်ႇသိုပ်ႇမၼ်း ထႅင်ႈ ၼၼ်ႉၵေႃႈ ႁဝ်းၶႃႈ တိုၵ်ႉၶတ်းၸႂ် သိုပ်ႇၸွပ်ႇႁႃ ယူႇၶႃႈ ဢေႃႈ” ဝႃႈၼႆ။ ၼင်ႇႁိုဝ် ပေႃႈမႄႈၵူၼ်းမိူင်း ဢိၵ်ႇပႃး ၵေႃႉသိုၵ်းၵေႃႉ ႁၢၼ်တပ်ႉသိုၵ်းၸိုင်ႈတႆး တၢင်းသဵင်ႈ ပေႃးတေ ၵၢင်း ယၢၼ်ၽေးၶဵၼ် ယႃႈမဝ်းၵမ်ၼၼ်ႉ ယူႇတီႈပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA ၵေႃႈ တိုၼ်းမီးမူႇပိူင် ၵၢၼ်ၽဵဝ်ႈမူၺ်ႉယႃႈမဝ်းၵမ်ဝႆႉ လႄႈ တေသိုပ်ႇ ႁူမ်ႈမိုဝ်းၸွမ်း ပေႃႈမႄႈၵူၼ်းမိူင်း သေ တေၸႂ်ႉ တိုဝ်း လွၵ်းလၢႆး ၵူႈလၢႆးလၢႆး သိုပ်ႇၽဵဝ်ႈမူၺ်ႉယႃႈမဝ်းၵမ်ၵႂႃႇယူႇၼႆယဝ်ႉ။

['ၶၢဝ်ႇ', 'ယႃႈမဝ်းၵမ်']

2024-12-06T02:37:54

https://ssppssa.org/2024/12/rcss-%e1%80%9a%e1%80%ad%e1%80%af%e1%80%9d%e1%80%ba%e1%80%b8%e1%81%b5%e1%80%bd%e1%81%bc%e1%80%ba%e1%80%b8%e1%80%a2%e1%80%ad%e1%80%b0%e1%80%84%e1%80%ba%e1%82%87-%e1%81%bc%e1%82%82%e1%80%ba%e1%80%b8/

RCSS ယိုဝ်းၵွၼ်းဢိူင်ႇ ၼႂ်းၸေႈဝဵင်းႁူဝ်ပူင်း လူႉတၢႆထင်တီႈ လႄႈ တိၺွပ်းပႃးၽူႈမၢႆဢိူင်ႇၵႂႃႇထႅင်ႈ

ၸုမ်းသိုၵ်း ၶွင်ႇသီႇဢဝ်ၶိုၼ်းၸိုင်ႈတႆး RCSS သူင်ႇၵူၼ်းသိုၵ်းမႃးယိုဝ်း ၵွၼ်းဢိူင်ႇ ၼႂ်းဢိူင်ႇၼႃးပုင်ႇ ၸေႈဝဵင်းႁူဝ်ပူင်း ထိုင်တီႈလူႉတၢႆထင်တီႈ လႄႈ တိၺွပ်းဢဝ် ၽူႈမၢႆ ဢိူင်ႇ ၼႃးပုင်ႇၵႂႃႇထႅင်ႈ ၼႆယူႇ ယဝ်ႉ။ မိူဝ်ႈလိူၼ် ၼူဝ်ႊဝိုၼ်ႊပိူဝ်ႊ 30 ဝၼ်း တူၵ်းမႅၼ်ႈဝၼ်း လိူၼ်သိပ်းသွင်လပ်း ၶၢဝ်းယၢမ်း ၵၢင်ၶမ်ႈ 7:30 မူင်း မႅၼ်ႈၽွင်း ပေႃႈမႄႈၵူၼ်းမိူင်း ၼႂ်းဢိူင်ႇၼႃးပုင်ႇ ၶွၼ်ႈ ၵၼ်တီႈဝတ်ႉၵျွင်းၼႃးပုင်ႇ ႁႆႇၵွင် ႁႆႇမွင်း ႁဵတ်းပွႆးပႂ်ႉႁပ်ႉ ၸဵင် ယူႇၼၼ်ႉ ၽူႈၵွၼ်းဢိူင်ႇ ၼႃးပုင်ႇ လုၵ်ႉတီႈပွႆးႁပ်ႉ ၸဵင်သေ ဢွၵ်ႇမိူဝ်းလႄႇ ပူႇၵၢင်ႉ ဝၢၼ်ႈၼႃးပုင်ႇယဝ်ႉ မိူဝ်ႈ ၶိုၼ်းလုၵ်ႉ ႁိူၼ်းပူႇၵၢင်ႉဝၢၼ်ႈၼႃးပုင်ႇ ၶီႇလူတ်ႉၶိူင်ႈ ပွၵ်ႈမိူဝ်းတီႈႁိူၼ်း မိူဝ်ႈႁွတ်ႈၽႅဝ် တီႈၾၢႆႇတူၵ်းၸဝ်ႈမိူင်းဝၢၼ်ႈၼႃးပုင်ႇ ၶၢဝ်းယၢမ်း ၵၢင်ၶမ်ႈ 10:30 မူင်းၼၼ်ႉ ၸုမ်းသိုၵ်း RCSS ပႂ်ႉမူၵ်းယိုဝ်း လႄႈ ထိုင်တီႈလႆႈလူႉတၢႆထင်တီႈ ႁိမ်းၾၢႆႇလင်ၸဝ်ႈမိူင်း ဝၢၼ်ႈၼႃးပုင်ႇ ၼၼ်ႉ ယူႇယဝ်ႉ။ ဝၢႆးသေ ငွႆးယိုဝ်း ၵွၼ်းဢိူင်ႇၼႃးပုင်ႇ လူႉတၢႆယဝ်ႉ ၸုမ်းသိုၵ်း RCSS ၼၼ်ႉ ၶိုၼ်းသိုပ်ႇမိူဝ်း တိၺွပ်းဢဝ် ၽူႈမၢႆဢိူင်ႇၼႃးပုင်ႇၵႂႃႇသေ တေႃႇထိုင်ယၢမ်းလဵဝ် ၽူႈမၢႆဢိူင်ႇၼႃးပုင်ႇ တၢႆႁိုဝ်လိပ်းႁိုဝ်ၵေႃႈ ပႆႇလႆႈႁူႉၸွမ်းလႄႈ ပီႈၼွင်ႉၵူၼ်းတၢင်းႁိူၼ်း ၵူၼ်းဝၢၼ်ႈၵူၼ်းသူၼ် တိုၵ်ႉဢွၼ်ၵၼ်မႆႈၸႂ်ၸွမ်းဝႆႉ ယူႇယဝ်ႉ။ ၵွၼ်းဢိူင်ႇၼႃးပုင်ႇ ဢၼ်ထုၵ်ႇသိုၵ်း RCSS ၶႃႈႁႅမ်တၢႆၼၼ်ႉ ၸိုဝ်ႈႁွင်ႉ ၸၢႆးၸၢမ်ႇဢွင်ႇ ဢႃႇယု (28) ပီႊ ၊ ၽူႈမၢႆဢိူင်ႇ ဢၼ်ထုၵ်ႇၺႃးတိၺွပ်းတူဝ်ၵႂႃႇၼၼ်ႉ ၸိုဝ်ႈႁွင်ႉ ၸၢႆးပၼ်ႇတိ ဢႃႇယု (31) ပီႊ တၢင်းသွင်ၵေႃႉၼႆႉ ပဵၼ်ၵူၼ်းၸၢဝ်းၶိူဝ်းတႆး ယူႇဝၢၼ်ႈၼႃးပုင်ႇ ဢိူင်ႇၼႃးပုင်ႇ ၸေႈဝဵင်းႁူဝ်ပူင်း ၸိုင်ႈတႆး ပွတ်းၸၢၼ်း သေ ပဵၼ် ၵူၼ်းဢၼ်ပွင်ႇၸႂ် ၼိူဝ်ၵၢၼ်ဢုပ်ႉပိူင်ႇ ၊ သႂ်ႇၸႂ်ၼိူဝ် ၵၢၼ် ဢုပ်ႉပိူင်ႇ ၊ သႂ်ႇၸႂ်ၼိူဝ် ပေႃႈမႄႈၵူၼ်းမိူင်း ၵူၼ်းတၢင်းၼမ် လႄႈ ပဵၼ်ၵူၼ်းမေႃၸွႆႈထႅမ်ၵၢၼ်ၸိူဝ်ႉၸၢတ်ႈ ၵၢၼ် ၵူၼ်း တၢင်းၼမ် ၊ ပဵၼ်တီႈၵူၼ်းတၢင်းၼမ် လႆႈၸႂ်ယႂ်ႇတေႉတေႉဝႃႈဝႃႈ ယူႇယဝ်ႉ။ ၸူဝ်ႈၶၢဝ်း ၸုမ်းတၢင်တူဝ်ၵူၼ်းမိူင်း ယူႇၵႄႈၵၢင်သေ တုၵ်းယွၼ်း ႁႂ်ႈတပ်ႉသိုၵ်းတႆး သွင်ၸုမ်း ႁူပ်ႉထူပ်းဢုပ်ႇ ဢူဝ်း ၵိုတ်းတိုၵ်းၵၼ် လႄႈ မိူဝ်ႈၽွင်း ၾၢႆႇပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA ဝူၼ်ႉၶွပ်ႈတေႃႇ ၵၢၼ်ၽွမ်ႉႁူမ်ႈၵိုတ်းတိုၵ်းသေ ၵုမ်းထိင်း ယႃႇႁႂ်ႈပဵၼ်ပၢင်တိုၵ်း ၼႂ်းၵႄႈတပ်ႉသိုၵ်းတႆးသွင်ၸုမ်း ၼၼ်ႉ ၸုမ်းသိုၵ်း RCSS ၶဝ် ဢဝ်ပဵၼ်ၶၢဝ်းယၢမ်းလီ ၶဝ်ႈလေႃႇတိုၵ်း တပ်ႉပၢင်သဝ်း SSPP/SSA ၊ ၶႃႈႁႅမ်တၢႆ ပူႇၵၢင်ႉ ၊ ၵွၼ်းဢိူင်ႇ ၊ တိၺွပ်း ပေႃႈမႄႈၵူၼ်းမိူင်း ၊ ၵူၼ်းသိုၵ်း ၾၢႆႇတပ်ႉ ၾၢႆႇဢုပ်ႉပိူင်ႇ ပႃႇတီႇ မႂ်ႇသုင်ၸိုင်ႈတႆး/တပ်ႉသိုၵ်း ၸိုင်ႈတႆးၵႂႃႇ မီးလၢႆပွၵ်ႈ လၢႆၵမ်းယူႇယဝ်ႉ။

['ၶၢဝ်ႇ', 'ႁၢင်ႈလူၼ်ႉ']

2024-12-06T02:23:41

https://ssppssa.org/2024/12/sspp-ssa-%e1%80%9c%e1%80%b0%e1%82%87%e1%80%90%e1%81%a2%e1%81%bc%e1%80%ba%e1%80%b8%e1%80%84%e1%80%ad%e1%80%af%e1%81%bc%e1%80%ba%e1%80%b8-%e1%80%90%e1%82%83%e1%82%87%e1%81%b6%e1%80%ad%e1%80%af%e1%81%bc/

SSPP/SSA လူႇတၢၼ်းငိုၼ်း တႃႇၶိုၼ်းမႄးၵုမ်းလုမ်းလႃး ဝတ်ႉၵျွင်း တီႈဝၢၼ်ႈဝဵင်း

ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA လူႇတၢၼ်းၸွႆႈထႅမ်ငိုၼ်း တႃႇပူၵ်းပွင် ၵေႃႇသၢင်ႈဝတ်ႉၵျွင်းလူင် ၼႂ်းၸေႈဝဵင်းပၢင်ႇသၢႆး ၸိုင်ႈတႆးပွတ်းႁွင်ႇ ၼႆယူႇယဝ်ႉ။ မိူဝ်ႈလိူၼ်လိူၼ်ၼူဝ်ႇဝိုၼ်ႊပိူဝ်ႊ 27 ဝၼ်းၼၼ်ႉ တၢင်တူဝ်ငဝ်ႈငုၼ်း SSPP/SSA သေ ၽူႈမီးပုၼ်ႈၽွၼ်း ၽၢႆႇတပ်ႉၽၢႆႇ ဢုပ်ႉပိူင်ႇ ဢၼ်ပၵ်းသဝ်းတူင်ႉၼိုင် ၼႂ်းၼႃႈလိၼ်သိုၵ်း တပ်ႉငဝ်ႈသိုၵ်း (989) ထုင်ႉမၢဝ်းၼၼ်ႉ လႆႈ လူင်း ႁူပ်ႉထူပ်းသင်ႇ ၶႃႇၸဝ်ႈ သေ လူႇတၢၼ်း ၸွႆႈထႅမ်ငိုၼ်း (50,000,000) ႁႃႈပၢၵ်ႇသႅၼ်ၵျၢပ်ႈ ႁႂ်ႈပဵၼ်တႃႇ ၵမ်ႉယွင် ၶိုၼ်းသိုပ်ႇ ၵေႃႇသၢင်ႈ ဝတ်ႉၵျွင်းပၢင်ႇလႅင်းသႂ် တီႈဝၢၼ်ႈဝဵင်း ဢိူင်ႇမိူင်းယႃႉ ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ(15) ပၢင်သၢႆး ၼၼ်ႉယူႇယဝ်ႉ။ ဝတ်ႉၵျွင်း ပၢင်ႇလႅင်းသႂ် ၼႆႉ တႄႇၵေႃႇသၢင်ႈႁဵတ်းမႃး ၼႂ်းပီႊ 2022 သေ ပဵၼ်ဢၼ် ပႆႇယဝ်ႉတူဝ်ႈလီ လႄႈ ၼင်ႇႁိုဝ်ပေႃတေ ယဝ်ႉတူဝ်ႈလီငၢမ်းၼၼ်ႉ ယူႇတီႈ ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA လႆႈသိုပ်ႇလူႇတၢၼ်းၸွႆႈထႅမ်ၵႂႃႇ ယူႇယဝ်ႉ။ ၵဵဝ်ႇလူၺ်ႈၵၢၼ်ၸွႆႈထႅမ်ပေႃႈမႄႈၵူၼ်းမိူင်း၊ ၵၢၼ်သႃႇသၼႃႇ ၊ ပၢႆးပၺ်ႇၺႃႇ ၊ ပၢႆးယူႇလီ ၊ တွၼ်ႈလိၼ်ၶိုၼ်ႈယႂ်ႇ ၵူႈပၢႆးပၢႆးၼၼ်ႉ ဢဝ်တူဝ်ၸွႆႈထႅမ်ၵေႃႈလီ ဢဝ်ငိုၼ်းတွင်း ၸွႆႈထႅမ်ၵေႃႈလီ ၵၢၼ်လဵၵ်ႉၸွႆႈလဵၵ်ႉ ၵၢၼ် ယႂ်ႇ ၸွႆႈယႂ်ႇ ႁႂ်ႈပေႃးပဵၼ်ၵၢၼ်တွပ်ႇၵုင်ႇမုၼ်ပေႃႈမႄႈၵူၼ်းမိူင်း လႄႈ ၵၢၼ်ပူၵ်းပွင် ၼႃႈတီႈၼၼ်ႉ ဢိင်ၼိူဝ် ငဝ်းလၢႆးၼႂ်းပိုၼ်ႉတီႈ သေ ၸွမ်းၼင်ႇပွင်ပဵၼ်လႆႈၼၼ်ႉ တိုၼ်းတေသိုပ်ႇ ၶတ်းၸႂ် ႁဵတ်းသၢင်ႈၵႂႃႇ ယူႇယဝ်။

['ၵၢၼ်ပူၵ်းပွင်', 'ၵၢၼ်သႃႇသၼႃႇ', 'ၾိင်ႈငႄႈၾိင်ႈထုင်း']

2024-12-04T09:33:07

https://ssppssa.org/2024/12/sspp-ssa-%e1%80%9c%e1%80%b0%e1%80%84%e1%80%ba%e1%80%b8%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba%e1%81%b5%e1%81%a2%e1%81%bc%e1%80%ba-%e1%80%95%e1%80%b1%e1%82%83-4/

SSPP/SSA လူင်းၸွႆႈထႅမ်ၵၢၼ် ပေႃႈမႄႈၵူၼ်းမိူင်း ၼႂ်းၼႃႈတီႈ ဢုပ်ႉပိူင်ႇ ၸေႈဝဵင်းမၢႆ(18)၊ ၸေႈဝဵင်းမၢႆ(22)

ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်း ၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင်ဝႆႉ ၼႂ်း ၼႃႈတီႈဢုပ်ႉပိူင်ႇ ၸေႈဝဵင်းမၢႆ(22) ၼွင်ၶဵဝ် လႄႈ ၸေႈဝဵင်းမၢႆ(18)ၼမ်ႉတူႈ ၼၼ်ႉ လူင်းၸွႆႈထႅမ်ၵၢၼ်ပေႃႈမႄႈ ၵူၼ်းမိူင်း ၼႂ်းပိုၼ်ႉတီႈ ၼႆယူႇယဝ်ႉ။ မိူဝ်ႈလိူၼ်ၼူဝ်ႊဝိုၼ်ႊပိူဝ်ႊ (27 ) ဝၼ်း ၶၢဝ်းယၢမ်း (9:00 ) မူင်း တေႃႇထိုင် (4:30) မူင်းၼၼ်ႉ ၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ SSPP/SSA လူင်းၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၸွႆႈပုမ်ႇၶဝ်ႈၼႃး ပၼ် လုင်းမၼ်ႈ+ ပႃႈဢႃးႁူၺ် ဝၢၼ်ႈၼႃးသၢႆး ဢိူင်ႇၼႃးသၢႆး ၸေႈဝဵင်းၼမ်ႉတူႈ ၸိုင်ႈတႆးပွတ်းႁွင်ႇၼၼ်ႉ ယူႇယဝ်ႉ။ မိူဝ်ႈလိူၼ် ၼူဝ်ႊဝိုၼ်ႊပိူဝ်ႊ (24) ၼၼ်ႉ ၵေႃႈ ၵေႃႉသိုၵ်းၵေႃႉ ႁၢၼ် SSPP/ SSA လူင်းၸွႆႈ ပေႃႉၶဝ်ႈၼႃးပၼ် လုင်းၽေႇ ဝၢၼ်ႈၼႃးၵေး ဢိူင်ႇၼႃးသၢႆး ၸေႈဝဵင်းၼမ်ႉတူႈ လႄႈ ၸွႆႈပေႃႉ/ၽတ်ႉၶဝ်ႈႁႆႊ ပၼ်လုင်းၶမ်းပၢင်ႇ + ပႃႈမူဝ်ဢေး၊ လုင်းၸၢႆး + ပႃႈလီ၊ ၸၢႆးထုၼ်းမိၼ်းလၢတ်ႉ + ဢေးၼၢင်း တီႈဝၢၼ်ႈသၢႆးၶၢဝ် ဢိူင်ႇ ၵျွၵ်ႉၵျီး ၸေႈဝဵင်းမၢႆ(22) ၼွင်ၶဵဝ် တၢင်း ၼမ်ၶဝ်ႈ (20) လင်ပၢႆ ၼႆယူႇယဝ်ႉ။ ယွၼ်ႉထိုင်ၶိင်ႇၶၢဝ်း ပေႃႈမႄႈၵူၼ်းမိူင်း သိမ်းမၢၵ်ႇၶဝ်ႈတဝ်ႈၼမ်ႉ ၼႂ်းႁႆႊ/သူၼ်/ၼႃး ယဝ်ႉၼႆလႄႈ ၼင်ႇႁိုဝ်ပေႃးတေ ပဵၼ် ၵၢၼ်ၵမ်ႉၸွႆႈ ပေႃႈမႄႈၵူၼ်းမိူင်း ဢၼ်ၼိုင်ႈၼႆသေ ယူႇတီႈ ၵေႃႉသိုၵ်း ၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်း ၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင်ဝႆႉ ၼႂ်းၵူႈၼႃႈတီႈဢုပ်ႉပိူင်ႇ ၼၼ်ႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း တီႈလႂ်တီႈၼၼ်ႈသေ တေၶတ်းၸႂ် ၸွႆႈထႅမ် ပေႃႈမႄႈၵူၼ်းမိူင်း ၵႂႃႇယူႇယဝ်ႉ။ လိူဝ်သေၼၼ်ႉ တွၼ်ႈတႃႇလွင်ႈၼိမ်သဝ်းၼႂ်းၼႃႈတီႈဢုပ်ႉပိူင်ႇၵူႈၼႃႈတီႈ ၊ လွင်ႈႁူမ်ႇလူမ်ႈ ၊ လွင်ႈပၢႆးပိင်ႇၺႃႇ ၊ ပၢႆးယူႇလီ လွင်ႈႁုၼ်ႈမုၼ်းၶိုၼ်ႈယႂ်ႇ ပေႃႈမႄႈၵူၼ်းမိူင်း တေတိူဝ်းတွၼ်း ၶႅမ်ႉလႅပ်ႈမႃး ၼၼ်ႉၵေႃႈ ယူႇတီႈပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA တိုၵ်ႉသိုပ်ႇ ၶိုင်ပွင်ၵႂႃႇၸွမ်း ငဝ်းလၢႆး ၵၢၼ်သိုၵ်း ၵၢၼ်မိူင်း ဢၼ်ပဵၼ်ဝႆႉၼၼ်ႉၵမ်း ၶၵ်ႉၶၵ်ႉ ယူႇယဝ်ႉ။

['ၵၢၼ်ပူၵ်းပွင်', 'ၵၢၼ်ၸွႆႈထႅမ်ပေႃႈမႄႈၵူၼ်းမိူင်း']

2024-12-04T09:31:39

https://ssppssa.org/2024/12/sspp-ssa-%e1%81%b8%e1%80%90%e1%80%ba%e1%80%b8%e1%82%81%e1%80%b5%e1%80%90%e1%80%ba%e1%80%b8-%e1%80%95%e1%81%a2%e1%80%84%e1%80%ba%e1%81%b5%e1%82%85%e1%80%9d%e1%80%ba%e1%82%88-%e1%81%b5%e1%80%ad%e1%80%af/

SSPP/SSA ၸတ်းႁဵတ်း ပၢင်ၵႅဝ်ႈ ၵိုတ်းလိုဝ်ႈပၢင်သွၼ် ၽၢႆႇဢုပ်ႉပိူင်ႇ ၸုပ်ႈထီ့ (20)

ငဝ်ႈငုၼ်း ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA ၸတ်းႁဵတ်းပၢင်ၵႅဝ်ႈ ၵိုတ်းလိုဝ်ႈပၢင်သွၼ် ၽၢႆႇဢုပ်ႉပိူင်ႇ ၸုပ်ႈထီႉ (20) ဢွင်ႈတီႈႁူင်းႁဵၼ်းသိုၵ်း မၢႆ(2) တိုင်းလဵင်း ဢိူင်ႇၶုမ်ႇပၢင် ဝဵင်းမႂ်ႇဝၢၼ်ႈႁႆး ၸိုင်ႈတႆးပွတ်းၸၢၼ်း ၼႆယူႇယဝ်ႉ။ မိူဝ်ႈလိူၼ်ၼူဝ်ႊဝိုၼ်ႊပိူဝ်ႊ 29 ဝၼ်း ၶၢဝ်းယၢမ်း ၵၢင်ၼႂ် 09:00 မူင်း ၼၼ်ႉ ယူႇတီႈႁွင်ႈၵၢၼ်ၽၢႆႇဢုပ်ႉပိူင်ႇ ငဝ်ႈငုၼ်း SSPP/SSA ဢွၼ်ႁူဝ်သေ လႆႈၸတ်းႁဵတ်း ပၢင်ၵႅဝ်ႈ ၵိုတ်းလိုဝ်ႈပၢင်သွၼ် ၽၢႆႇဢုပ်ႉပိူင်ႇ ၸုပ်ႈထီႉ (20) သေ ၼႂ်းၼၼ်ႉ မီးၽူႈယႂ်ႇ ၵူၼ်းလူင် ၊ ၶူးပူင်သွၼ် ၊ ၵေႃႇမတီႇႁူင်းႁဵၼ်း၊ ၸုမ်းၵၢၼ်လုမ်း လႄႈ ၸုမ်း လုၵ်ႈႁဵၼ်း ႁူမ်ႈသဵင်ႈၽူႈၶိုၼ်ႈႁွတ်ႈမီး (500) ၵေႃႉပၢႆ ယူႇယဝ်ႉ။ တီႈပၢင်ၵႅဝ်ႈၼၼ်ႉ မီးၽူႈယႂ်ႇၵူၼ်းလူင်ၸဝ်ႈသိုၵ်းလူင် ၽူင်းၼုမ်ႇ မွၵ်ႇလၢတ်ႈၶေႃႈၵႂၢမ်းပိုတ်ႇပၢင်ၵႅဝ်ႈ လႄႈ သပ်းလႅင်းၼႄ လွင်ႈပိူင်ပဵၼ် မိူင်းတႆး ၊ ၸၢဝ်းၶိူဝ်းတႆး ဢၼ်ပဵၼ်ဢၼ်မီးယူႇၸွမ်းငဝ်းလၢႆး ၵၢၼ်သိုၵ်း ၵၢၼ် မိူင်း ယၢမ်းလဵဝ်လႄႈ မွၵ်ႇလၢတ်ႈတိုၵ်းသူၼ်းပၼ် ႁႂ်ႈမေႃၽွမ်ႉၵၼ် ၶိုင်ပွင်ႁဵတ်းသၢင်ႈၵႂႃႇ ပုၼ်ႈတႃႇ ၸိူဝ်ႉ ၸၢတ်ႈလႄႈ ဝၢၼ်ႈမိူင်းႁဝ်း မိူဝ်းၼႃႈၼၼ်ႉ ယူႇယဝ်ႉ။ လိူဝ်သေၼၼ်ႉ လုၵ်ႈႁဵၼ်းၵေႃႉၼိုင်ႈ မွၵ်ႇလၢတ်ႈၶေႃႈၵႂၢမ်း ငိၼ်းၸူမ်း ထိုင် ၽူႈယႂ်ႇၵူၼ်းလူင် ၊ ၶူးပူင်သွၼ် ၶဝ်တၢင်းသဵင်ႈ လႄႈ ၽူႈၵွၼ်းႁူင်းႁဵၼ်းသိုၵ်း မၢႆ (2) ၸဝ်ႈႁၢၼ် တုမ်ႇၶမ်း သူၼ် မွၵ်ႇလၢတ်ႈၼႄ လွင်ႈၶိုၼ်ႈ ယႂ်ႇ ၊ ယူပ်ႈယွမ်းပၢင်သွၼ် တၢင်ႇလၢႆးငၢၼ်းၼႄ ၵႃႈၸႂ်ႉၸၢႆႇ ၼႂ်းၶၢဝ်းတၢင်း ပၢင်သွၼ် (27) ဝၼ်း သေ ထိုင် မႃးၶၢဝ်းယၢမ်းၵၢင်ၼႂ် 09:45 မူင်း ၼၼ်ႉ ယူႇတီႈၽူႈၶပ်ႉပၢင် ပိုၼ်ၽၢဝ်ႇ ပၢင်ၵႅဝ်ႈ ဢွင်ႇမၢၼ် ယဝ်ႉတူဝ်ႈၵႂႃႇ လီငၢမ်း ယူႇယဝ်ႉ။ ပၢင်သွၼ် ၽၢႆႇဢုပ်ႉပိူင်ႇၼႆႉ လႆႈၸတ်းႁဵတ်းမႃး ထိုင်ပွၵ်ႈၵမ်း (20) ယဝ်ႉသေ ပိူဝ်ႇတႃႇ ၵၢၼ်ဢုပ်ႉပိူင်ႇ ၵူႈ ၸၼ်ႉၸၼ်ႉ ပေႃးတေပၼ်ႇႁွၼ်ႈ ၶိုၼ်ႈယႂ်ႇမႃး ၵူႈၼႃႈတီႈ ဢုပ်ႉပိူင်ႇ ၼၼ်ႉ ယူႇတီႈပႃႇတီႇမႂ်ႇသုင်ၸိုင်ႈ တႆး/တပ်ႉသိုၵ်းၸိုင်ႈ တႆး SSPP/SSA တေသိုပ်ႇ ၶိုင်ပွင် ၸတ်းႁဵတ်းၵႂႃႇ ယူႇယဝ်ႉ။

['ၶၢဝ်ႇတူင်ႉၼိုင်ၸုမ်းဢွၼ်ႁူဝ်ငဝ်ႈငုၼ်းပႃႇတီႇမႂ်ႇသုင်ၸိုင်ႈတႆး']

2024-12-04T09:30:07

https://ssppssa.org/2024/12/sspp-ssa-%e1%80%9c%e1%80%b0%e1%80%84%e1%80%ba%e1%80%b8%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba%e1%81%b5%e1%81%a2%e1%81%bc%e1%80%ba-%e1%80%95%e1%80%b1%e1%82%83-3/

SSPP/SSA လူင်းၸွႆႈထႅမ်ၵၢၼ် ပေႃႈမႄႈၵူၼ်းမိူင်း ၼႂ်းၼႃႈတီႈ ဢုပ်ႉပိူင်ႇ ၸေႈဝဵင်းမၢႆ (5) ၵေးသီးထႅင်ႈ

ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်း ၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင်ဝႆႉ ၼႂ်း ၼႃႈတီႈဢုပ်ႉပိူင်ႇ ၸေႈဝဵင်းမၢႆ(5) ၵေးသီး ၼၼ်ႉ လူင်းၸွႆႈထႅမ်ၵၢၼ်ပေႃႈမႄႈ ၵူၼ်းမိူင်း ၼႂ်းပိုၼ်ႉတီႈ ၼႆယူႇယဝ်ႉ။ မိူဝ်ႈလိူၼ်ၼူဝ်ႊဝိုၼ်ႊပိူဝ်ႊ (26 ) ဝၼ်းၼၼ်ႉ ၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ SSPP/SSA လူင်း ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၸွႆႈပုမ်ႇၶဝ်ႈပၼ် ၸၢႆးတိုၼ်းလႅင်း+ ၼၢင်းဢုင်ႇမႃႇ ဝၢၼ်ႈမၢၵ်ႇႁူႈ ဢိူင်ႇမိူင်းၵၢဝ် ၸေႈဝဵင်းမၢႆ (6) ၵေးသီး ၸေႈတွၼ်ႈမၢႆ (3) ၸိုင်ႈတႆးပွတ်းၸၢၼ်းၼႆ ယူႇယဝ်ႉ။ ယွၼ်ႉထိုင်ၶိင်ႇၶၢဝ်း ပေႃႈမႄႈၵူၼ်းမိူင်း သိမ်းမၢၵ်ႇၶဝ်ႈတဝ်ႈၼမ်ႉ ၼႂ်းႁႆႊ/သူၼ်/ၼႃး ယဝ်ႉၼႆလႄႈ ၼင်ႇႁိုဝ် ပေႃးတေ ပဵၼ် ၵၢၼ်ၵမ်ႉၸွႆႈ ပေႃႈမႄႈၵူၼ်းမိူင်းဢၼ်ၼိုင်ႈၼႆသေ ယူႇတီႈ ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင် ၸိုင်ႈတႆး/တပ်ႉသိုၵ်း ၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင်ဝႆႉ ၼႂ်း ၵူႈၼႃႈတီႈဢုပ်ႉပိူင်ႇၼၼ်ႉ ဢိင်ၼိူဝ် ငဝ်းလၢႆး လွင်ႈၼိမ်သဝ်း တီႈလႂ်တီႈၼၼ်ႈသေ တေၶတ်းၸႂ် ၸွႆႈထႅမ် ပေႃႈမႄႈၵူၼ်းမိူင်း ၵႂႃႇယူႇယဝ်ႉ။ လိူဝ်သေၼၼ်ႉ တွၼ်ႈတႃႇလွင်ႈၼိမ်သဝ်းၼႂ်းၼႃႈတီႈဢုပ်ႉပိူင်ႇၵူႈၼႃႈတီႈ ၊ လွင်ႈႁူမ်ႇလူမ်ႈ ၊ လွင်ႈပၢႆးပိင်ႇၺႃႇ ၊ ပၢႆးယူႇလီ လွင်ႈႁုၼ်ႈမုၼ်းၶိုၼ်ႈယႂ်ႇ ပေႃႈမႄႈၵူၼ်းမိူင်း တေတိူဝ်းတွၼ်း ၶႅမ်ႉလႅပ်ႈမႃး ၼၼ်ႉၵေႃႈ ယူႇတီႈပႃႇတီႇမႂ်ႇ သုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA တိုၵ်ႉသိုပ်ႇ ၶိုင်ပွင်ၵႂႃႇၸွမ်း ငဝ်းလၢႆး ၵၢၼ်သိုၵ်း ၵၢၼ်မိူင်း ဢၼ်ပဵၼ် ဝႆႉၼၼ်ႉၵမ်း ၶၵ်ႉ ၶၵ်ႉ ယူႇယဝ်ႉ။

['ၵၢၼ်ပူၵ်းပွင်', 'ၵၢၼ်ၸွႆႈထႅမ်ပေႃႈမႄႈၵူၼ်းမိူင်း']

2024-12-04T09:28:04

https://ssppssa.org/2024/12/%e1%80%90%e1%80%95%e1%80%ba%e1%82%89%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%81%b5%e1%80%9d%e1%80%ba%e1%82%88%e1%81%b5%e1%81%a2%e1%80%84%e1%80%ba%e1%82%89-%e1%80%9a%e1%80%ad%e1%80%af/

တပ်ႉသိုၵ်းၵဝ်ႈၵၢင်ႉ ယိုဝ်းမၢၵ်ႇလူင် တိူဝ်ႉၸပ်းႁိူၼ်း လႄႈ ၵူၼ်းမိူင်းမၢတ်ႇၸဵပ်း

တပ်ႉသိုၵ်းၵဝ်ႈၵၢင်ႉ ယိုဝ်းမၢၵ်ႇလူင် ၶဝ်ႈၼႂ်းဝဵင်းၼမ်ႉလၼ်ႈသေ ႁဵတ်းႁႂ်ႈတုမ်ႉတိူဝ်ႉၺႃး ႁိူၼ်းၵူၼ်းမိူင်း လႄႈ မႄႈပႃးၵေႃႉၼိုင်ႈ လႆႈတိူဝ်ႉၺႃးၸၢၵ်ႇမၢၵ်ႇ။ ဝၼ်းထီႉ 23-လိူၼ်ၼူဝ်ႊဝုၼ်ႊပိူဝ်ႊ-2024 ဝၢႆးဝၼ်း 1:00 မူင်း တပ်ႉသိုၵ်းၵဝ်ႈၵၢင်ႉ ယိုဝ်းမၢၵ်ႇလူင်ၶဝ်ႈ ၼႂ်းဝဵင်းၼမ်ႉလၼ်ႈ 3 လုၵ်ႈ လႄႈ တူၵ်းတိူဝ်ႉၺႃး လင်ႁိူၼ်းၵူၼ်းမိူင်းလူႉၵွႆ၊ ၵူၼ်းမိူင်းလႆႈလူႉတၢႆ 1 ၵေႃႉ၊ ၵူၼ်းထဝ်ႈယိင်း ၸိုဝ်ႈၼၢႆးသႅင် လႄႈ ၼၢင်းယိင်းဢွၼ်ႇ လႆႈမၢတ်ႇၸဵပ်းသေ ယူႇတီႈၸုမ်း “ပရဟိတ” ဢဝ်တူဝ်သူင်ႇယူတ်းယႃ တီႈႁူင်းယႃလူင်ၵူၼ်းမိူင်း ဝဵင်းၼမ်ႉလၼ်ႈ ယူႇယဝ်ႉ။ “ၸုမ်းၵဝ်ႈၵၢင်ႉ တင်း ၸုမ်းၶွင်ႇသီႇသိုၵ်းမၢၼ်ႈ လႆႈပဵၼ်ပၢင်တိုၵ်းၵၼ် တီႈႁိမ်း ဝၢၼ်ႈၵွင်းႁၵ်ႉ လႄႈ ႁိမ်းၸမ်ၼႃးမၢၵ်ႇၶေႃ ၽၢႆႇတပ်ႉသိုၵ်းၵဝ်ႈၵၢင်ႉ ယိုဝ်းၵွင်ႈလူင်ၸူးၼႂ်းဝဵင်းၼမ်ႉလၼ်ႈသေ မၢၵ်ႇလူင်တူၵ်းတိူဝ်ႉသႂ်ႇ ၵူၼ်းမိူင်းဢၼ်တိုၵ်ႉမဵတ်းပႃ ယူႇၼႂ်းၼႃးၵေႃႉၼိုင်ႈ လူႉတၢႆထင်တီႈ၊ ထႅင်ႈလုၵ်ႈၼိုင်ႈ တူၵ်းသႂ်ႇႁိူၼ်း မႄႈထဝ်ႈ ၼၢင်းသႅင် လႄႈ လုၵ်ႈဢွၼ်ႇယိင်း ၵေႃႉၼိုင်ႈ တိူဝ်ႉမၢတ်ႇၸဵပ်းၵမ်ႈၽွင်ႈသေ လႆႈၵႂႃႇယူတ်းယႃႇတူဝ်ဝႆႉတီႈႁူင်းယႃ” ၼႆယူႇယဝ်ႉ။ သိုၵ်းၵဝ်ႈၵၢင်ႉ တင်း သိုၵ်းမၢၼ်ႈၵႆႉၵႆႉမီးပၢင်တိုၵ်းၵၼ် လႄႈ သွင်ႇၽၢႆႇၶဵင်ႇပိုတ်းယိုဝ်းၵွင်ႈလူင် သႂ်ႇၵၼ်သေ ႁဵတ်းႁႂ်ႈတုမ်ႉတိူဝ်ႉၺႃးၵူၼ်းမိူင်းမၢတ်ႇၸဵပ်းလူႉတၢႆ၊ ႁိူၼ်းၵူၼ်းမိူင်းလူႉလႅဝ် လႄႈ ဝူဝ်းၵႂၢႆး လႆႈလူႉၸွမ်း တင်းၼမ်ယူႇယဝ်ႉ။

['ၵၢၼ်သိုၵ်း', 'ၽေးၵိုင်ႉၵၢင်ႉ', 'ႁၢင်ႈလူၼ်ႉ']

2024-12-04T07:24:04

https://ssppssa.org/2024/12/sspp-ssa-%e1%80%9c%e1%80%b0%e1%80%84%e1%80%ba%e1%80%b8%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba%e1%81%b5%e1%81%a2%e1%81%bc%e1%80%ba-%e1%80%95%e1%80%b1%e1%82%83-2/

SSPP/SSA လူင်းၸွႆႈထႅမ်ၵၢၼ် ပေႃႈမႄႈၵူၼ်းမိူင်း ၼႂ်းၼႃႈတီႈ ဢုပ်ႉပိူင်ႇ ၸေႈဝဵင်းမၢႆ(39)၊ ၸေႈဝဵင်းမၢႆ(8)

ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်း ၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင်ဝႆႉ ၼႂ်း ၼႃႈတီႈဢုပ်ႉပိူင်ႇ ၸေႈဝဵင်းမၢႆ(39) လၢႆးၶႃႈ လႄႈ (8)ၸိုင်ႈတႆးပွတ်းၸၢၼ်း မိူင်းတုင် ၼၼ်ႉ လူင်းၸွႆႈထႅမ်ၵၢၼ်ပေႃႈမႄႈ ၵူၼ်းမိူင်း ၼႂ်းပိုၼ်ႉတီႈ ၼႆယူႇယဝ်ႉ။ မိူဝ်ႈလိူၼ်ၼူဝ်ႊဝိုၼ်ႊပိူဝ်ႊ (26 ) ဝၼ်းၼၼ်ႉ ၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ SSPP/SSA လူင်း ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၸွႆႈပၢတ်ႇၶဝ်ႈပၼ် ၸၢႆးတီႉမႃႉ ၸေႈဝဵင်းမၢႆဝၢၼ်ႈမႆႉႁႆး ဢိူင်ႇၼႃးပွႆး ၼႂ်းၸေႈဝဵင်းမၢႆ (39) လၢႆးၶႃႈ ၼၼ်ႉ ယူႇယဝ်ႉ။ မိူဝ်ႈလိူၼ် ၼူဝ်ႊဝိုၼ်ႊပိူဝ်ႊ (25 ) ၼၼ်ႉၵေႃႈ ၵေႃႉသိုၵ်းၵေႃႉႁၢၼ် SSPP/SSA လူင်းၸွႆႈပၢတ်ႇၶဝ်ႈၼႃးပၼ် ၸၢႆး ၸၢမ်ႇမိူင်း + ၼၢင်းသႅင်ၸိင်ႇ တီႈဝၢၼ်ႈပၢင်ႇလဝ်ႇ ဢိူင်ႇပုင်ႇလႅၼ်း ၸေႈဝဵင်းမၢႆ (8) မိူင်းတုင် ၸေႈတွၼ်ႈမၢႆ(5 ) ၼၼ်ႉယူႇယဝ်ႉ။ ယွၼ်ႉထိုင်ၶိင်ႇၶၢဝ်း ပေႃႈမႄႈၵူၼ်းမိူင်း သိမ်းမၢၵ်ႇၶဝ်ႈတဝ်ႈၼမ်ႉ ၼႂ်းႁႆႊ/သူၼ်/ၼႃး ယဝ်ႉၼႆလႄႈ ၼင်ႇႁိုဝ်ပေႃးတေ ပဵၼ်တွၼ်ႈတႃႇလွင်ႈၼိမ်သဝ်းၼႂ်းၼႃႈတီႈဢုပ်ႉပိူင်ႇၵူႈၼႃႈတီႈ ၵၢၼ်ၵမ်ႉၸွႆႈ ပေႃႈမႄႈၵူၼ်းမိူင်းဢၼ်ၼိုင်ႈၼႆသေ ယူႇတီႈ ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်း ၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင်ဝႆႉ ၼႂ်း ၵူႈၼႃႈတီႈဢုပ်ႉပိူင်ႇၼၼ်ႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း တီႈလႂ်တီႈၼၼ်ႈသေ တေၶတ်းၸႂ် ၸွႆႈထႅမ် ပေႃႈမႄႈၵူၼ်းမိူင်း ၵႂႃႇယူႇယဝ်ႉ။ လိူဝ်သေၼၼ်ႉ ၊ လွင်ႈႁူမ်ႇလူမ်ႈ ၊ လွင်ႈပၢႆးပိင်ႇၺႃႇ ၊ ပၢႆးယူႇလီ လွင်ႈႁုၼ်ႈမုၼ်းၶိုၼ်ႈယႂ်ႇ ပေႃႈမႄႈၵူၼ်းမိူင်း တေတိူဝ်းတွၼ်း ၶႅမ်ႉလႅပ်ႈမႃး ၼၼ်ႉၵေႃႈ ယူႇတီႈပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA တိုၵ်ႉသိုပ်ႇ ၶိုင်ပွင်ၵႂႃႇၸွမ်း ငဝ်းလၢႆး ၵၢၼ်သိုၵ်း ၵၢၼ်မိူင်း ဢၼ်ပဵၼ်ဝႆႉၼၼ်ႉၵမ်း ၶၵ်ႉ ၶၵ်ႉ ယူႇယဝ်ႉ။

['ၵၢၼ်ၸွႆႈထႅမ်ပေႃႈမႄႈၵူၼ်းမိူင်း', 'ၵၢၼ်ပူၵ်းပွင်']

2024-12-04T07:21:06

https://ssppssa.org/2024/12/%e1%81%bd%e1%80%b0%e1%82%88%e1%81%b8%e1%81%a2%e1%82%86%e1%80%b8%e1%81%b5%e1%80%b1%e1%82%83%e1%82%89%e1%81%bc%e1%80%ad%e1%80%af%e1%80%84%e1%80%ba%e1%82%88-%e1%80%91%e1%80%af%e1%81%b5%e1%80%ba%e1%82%87/

ၽူႈၸၢႆးၵေႃႉၼိုင်ႈ ထုၵ်ႇၺႃး ၵူၼ်းဢမ်ႇႁူႉၽၢႆႇ ၶႃႈႁႅမ်တၢႆ ၼႂ်းၸေႈဝဵင်းတၢင်ႉယၢၼ်း

ၽူႈၸၢႆး ၵူၼ်း‌မိူင်း ၸေႈဝဵင်းတၢင်ႉယၢၼ်း ‌သႅၼ်းဢႃႇယု 30 ပၢႆ ၵေႃႉၼိုင်ႈ ထုၵ်ႈၺႃးၵူၼ်း ဢမ်ႇႁူႉၽၢႆႇ ၶဝ်ႈၽႅဝ် သေ ဢဝ်ၵွင်ႈယိုဝ်းသႂ်ႇမၼ်းၸၢႆး ထိုင်တီႈလႆႈလူႉတၢႆ ၼႆယူႇယဝ်ႉ။ မိူဝ်ႈလိူၼ်ၼူဝ်ႊဝိုၼ်ႊပိူဝ်ႊ 25 ဝၼ်း ယၢမ်းၵၢင်ၼႂ် 6:50မူင်းၼၼ်ႉ မီးၽူႈၸၢႆး (2) ၵေႃႉ သႂ်ႇၽႅၼ်ႇတူမ်းၼႃႈ ၶီႇ ၵႃး (Mark 2) သီႇလမ်ၼိုင်ႈလမ်း ပႃးၵွင်ႈပွတ်း (1) လဝ်းသေ ၵိုတ်းၵႃးဝႆႉၼႃႈႁိူၼ်း ၸၢႆးဢႃးသူင်ႇ ဢၼ်မီးတီႈပွၵ်ႉမၢႆ(9) ဝၢၼ်ႈၵျွင်း ၸေႈဝဵင်းတၢင်ႉယၢၼ်းၼၼ်ႉ လႄႈ ၵေႃႉၼိုင်ႈယူႇတီႈႁိူၼ်းမၼ်းၸၢႆးပႂ်ႉၼႂ်းၵႃး ၊ ၵေႃႉၼိုင်ႈ ၶဝ်ႈၵႂႃႇၼႂ်း ႁိူၼ်း ဢဝ်ၵွင်ႈ ယိုဝ်းသႂ်ႇ ၸၢႆးဢႃးသျုင်း(4) ၵမ်းသေ ၶီႇၵႃး ဢွၵ်ႇပၢႆႈၵႂႃႇၵမ်းလဵဝ် ၼႆယဝ်ႉ။ ၽူႈၸၢႆး ၵေႃႉဢၼ်ထုၵ်ႇၺႃးယိုဝ်းၼၼ်ႉ ပဵၼ်ၸၢဝ်းၶိူဝ်းလႃးႁူႇ ဢႃႇယု သႅၼ်း (33) ၶူပ်ႇ ယူႇတီႈပွၵ်ႉမၢႆ (9) ဝၢၼ်ႈၵျွင်း ၸေႈဝဵင်းတၢင်ႉယၢၼ်း ၸိုင်ႈတႆးပွတ်းႁွင်ႇ သေ မိူဝ်ႈၽွင်း ပီႈၼွင်ႉမၼ်းၸၢႆး တိုၵ်ႉဢဝ်သူင်ႇၵႂႃႇ တီႈႁူင်းယႃ ၼၼ်ႉ မၼ်းၸၢႆးလႆႈလူႉတၢႆပႅတ်ႈ ၸွမ်းတၢင်း ၼႆယူႇယဝ်ႉ။ ၽူႈၸၢႆး(2) ၵေႃႉ ဢၼ်မႃးယိုဝ်းၼၼ်ႉ ပဵၼ်ၽႂ် ပဵၼ်ၸုမ်းလႂ် ၼႆ တေႃႇထိုင်ယၢမ်းလဵဝ်ၵေႃႈ ပႆႇလႆႈႁူႉၸွမ်း ၽူႈမီးပုၼ်ႈ ၽွၼ်း ၵူႈၾၢႆႇၵူႈၸုမ်းၵေႃႈ တိုၵ်ႉၵူတ်ႇထတ်း ၸွပ်ႇ ႁႃ ၽူႈႁၢႆႉ ဝႆႉယူႇယဝ်ႉ။ ၵဵဝ်ႇလူၺ်ႈလွင်ႈၼႆႉသေ ‌ၵူၼ်းမိူင်းတၢင်ႉယၢၼ်းၵေႃႉၼိုင်ႈလၢတ်ႈၼႄ ‌ဝႃႈ “ ဝၢႆးၽူႈႁၢႆႉၵေႃႉၼိုင်ႈ ၶဝ်ႈၵႂႃႇၼႂ်းႁိူၼ်း ၶဝ်ယဝ်ႉ လႆႈငိၼ်းသဵင်ၵွင်လင်ဢွၵ်ႇမႃးသၢမ်သီႇၵမ်း ၼႆႉ ဢေႃႈ။ ဝၢႆးၶဝ်ဢွၵ်ႇပၢႆႈၵႂႃႇယဝ်ႉ ၸင်ႇလႆႈႁူႉဝႃႈ ၸဝ်ႈ ႁိူၼ်းၼၼ်ႉထုၵ်ႇၺႃးယိုဝ်းၼႆဢေႃႈ။ ယိုဝ်းၸပ်း တီႈ ဢိုၵ်းသိုဝ်ႈႁူဝ်ၸႂ်ၼိုင်ႈလုၵ်ႈ ၊ တီႈၶႅၼ်မၼ်း (3)ၵမ်း ဢေႃႈ၊ မၼ်းမၢတ်ႇၸဵပ်းႁႅင်းၼႃႇ လႄႈ ၵူၼ်းႁိမ်းႁိူၼ်း ဢဝ်ၵႂႃႇတီႈႁူင်းယႃ သေ ပႆႇၽႅဝ်ႁူင်းယႃ လႆႈလူႉသဵင်ႈၸွမ်းတၢင်း ၵမ်းလဵဝ်ဢေႃႈ ” ဝႃႈၼႆ။ မိူဝ်ႈလိူၼ်ၼူဝ်ႊဝိုၼ်ႊပိူဝ်ႊ 17 ဝၼ်းၼၼ်ႉၵေႃႈ ၵူၼ်းယိင်း (2) ၵေႃႉမႄႈလုၵ်ႈ ထုၵ်ႈၺႃးၽူႈႁၢႆႉဢဝ်ၽႃႉ/လႅဝ်း ၽၼ်း ၶႃႈႁႅမ်တၢႆ ၼႂ်းသူၼ်ၶဝ်ၵၢပ်ႈ ႁိမ်းဝၢၼ်ႈၼမ်ႉႁူး ဢိူင်ႇ ႁႆၢးၵုၺ် ၼႃႈတီႈဢုပ်ႉပိူင် SSPP/SSA ၸေႈဝဵင်းမၢႆ (24) ၵျွၵ်ႉမႄး ၼၼ်ႉယူႇယဝ်ႉ။

['ၶၢဝ်ႇၵူႈလွင်ႈလွင်ႈ', 'ၽေးၵိုင်ႉၵၢင်ႉ', 'ၶၢဝ်ႇ']

2024-12-04T07:19:00

https://ssppssa.org/2024/12/sspp-ssa-%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba%e1%81%b5%e1%81%a2%e1%81%bc%e1%80%ba-%e1%80%95%e1%80%b1%e1%82%83%e1%82%88%e1%80%99%e1%82%84%e1%82%88%e1%81%b5-8/

SSPP/SSA ၸွႆႈထႅမ်ၵၢၼ် ပေႃႈမႄႈၵူၼ်းမိူင်း ၼႂ်းၼႃႈတီႈ ဢုပ်ႉပိူင်ႇ ၸေႈဝဵင်းမၢႆ(34) ၊ ၸေႈဝဵင်းမၢႆ(17)

ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်း ၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင်ဝႆႉ ၼႂ်း ၼႃႈတီႈဢုပ်ႉပိူင်ႇ ၸေႈဝဵင်းမၢႆ(34) ထုင်ႉၼမ်ႉပွင်ႈ လႄႈ ၸေႈဝဵင်းမၢႆ(17) ထုင်ႉမိူင်းယဵၼ် ၸေႈဝဵင်းၼမ်ႉတူႈ ၼၼ်ႉ ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ၼႆယူႇယဝ်ႉ။ မိူဝ်ႈလိူၼ်ၼူဝ်ႊဝိုၼ်ႊပိူဝ်ႊ (21) ဝၼ်း ၼၼ်ႉ ၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ SSPP/SSA လႆႈၵႂႃႇ ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၸွႆႈပၢတ်ႇၶဝ်ႈၼႃးပၼ် လုင်းလိင်ႇ+ပႃႈၶမ်း ဝၢၼ်ႈၽႃသိူဝ်ႇ ဢိူင်ႇဝၢၼ်ႈၸေႈ ထုင်ႉၼမ်ႉပွင်ႈ ၸေႈဝဵင်းမၢႆ(34) ၼၼ်ႉယူႇယဝ်ႉ။ လိူဝ်‌သေၼၼ်ႉ မိူဝ်ႈလိူၼ် ၼူဝ်ႊဝိုၼ်ႊပိူဝ်ႊ (20)ဝၼ်း ၼၼ်ႉၵေႃႈ ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA လႆႈၵႂႃႇ ၸွႆႈၵၢၼ် ပေႃႈမႄႈ ၵူၼ်းမိူင်း ၸွႆႈပုမ်ႇၶဝ်ႈပၼ် လုင်းသၢင်ႇမၼ်ႈ+ပႃႈၶမ်းၸိင်ႇ ၊ ၸွႆႈပေႃႉၶဝ်ႈ ပၼ် ၸၢႆးၵျေႃႇလႃႉ+ၼၢင်းလူႇ ၊ ၸၢႆးမွင်ႇဢူး+ၼၢင်းလႃႉငူၺ်ႇ တီႈဝၢၼ်ႈပၢင်ႇၶမ်း ဢိူင်ႇမိူင်းယဵၼ် လႄႈ ၸွႆႈၵၢၼ်ႉ ၶဝ်ႈၵၢပ်ႇပၼ် ၸၢႆးမိူင်းလူင် + ၼၢင်းၶမ်းယူင်ႇ မိူင်းယဵၼ် ပွၵ်ႉမၢႆ(3) ဢိူင်ႇမိူင်းယဵၼ် ၸေႈဝဵင်းမၢႆ(17)ၸေႈဝဵင်းၼမ်ႉတူႈ ၼၼ်ႉယူႇယဝ်ႉ။ ယွၼ်ႉထိုင်ၶိင်ႇၶၢဝ်း ပေႃႈမႄႈၵူၼ်းမိူင်း သိမ်းမၢၵ်ႇၶဝ်ႈတဝ်ႈၼမ်ႉ ၼႂ်းႁႆႊ/သူၼ်/ၼႃး ယဝ်ႉၼႆလႄႈ ၼင်ႇႁိုဝ်ပေႃးတေပဵၼ် ၵၢၼ်ၵမ်ႉၸွႆႈ ပေႃႈမႄႈၵူၼ်းမိူင်းဢၼ်ၼိုင်ႈၼႆသေ ယူႇတီႈ ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင်ဝႆႉ ၼႂ်း ၵူႈၼႃႈတီႈဢုပ်ႉပိူင်ႇၼၼ်ႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း တီႈလႂ်တီႈၼၼ်ႈသေ တေၶတ်းၸႂ် ၸွႆႈထႅမ် ပေႃႈမႄႈၵူၼ်းမိူင်း ၵႂႃႇယူႇယဝ်ႉ။ လိူဝ်သေၼၼ်ႉ ပုၼ်ႈတႃႇလွင်ႈၼိမ်သဝ်းၼႂ်းၼႃႈတီႈ ၊ လွင်ႈႁူမ်ႇလူမ်ႈ ၊ လွင်ႈပၢႆးပိင်ႇၺႃႇ ၊ ပၢႆးယူႇလီ လွင်ႈ ႁုၼ်ႈမုၼ်းၶိုၼ်ႈယႂ်ႇ ပေႃႈမႄႈၵူၼ်းမိူင်း တေတိူဝ်းတွၼ်း ၶႅမ်ႉလႅပ်ႈမႃး ၼၼ်ႉၵေႃႈ ယူႇတီႈပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA တိုၵ်ႉသိုပ်ႇ ၶိုင်ပွင်ၵႂႃႇၸွမ်း ငဝ်းလၢႆး ၵၢၼ်သိုၵ်း ၵၢၼ်မိူင်း ဢၼ်ပဵၼ်ဝႆႉၼၼ်ႉ ၵမ်းၶၵ်ႉၶၵ်ႉ ယူႇယဝ်ႉ။

['ၵၢၼ်ၸွႆႈထႅမ်ပေႃႈမႄႈၵူၼ်းမိူင်း', 'ၵၢၼ်ပူၵ်းပွင်']

2024-12-04T07:17:14

https://ssppssa.org/2024/12/sspp-ssa-%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba%e1%81%b5%e1%81%a2%e1%81%bc%e1%80%ba-%e1%80%95%e1%80%b1%e1%82%83%e1%82%88%e1%80%99%e1%82%84%e1%82%88%e1%81%b5-7/

SSPP/SSA ၸွႆႈထႅမ်ၵၢၼ် ပေႃႈမႄႈၵူၼ်းမိူင်း ၼႂ်းၼႃႈတီႈ ဢုပ်ႉပိူင်ႇ ၸေႈဝဵင်းမၢႆ(22) ၊ ၸေႈဝဵင်းမၢႆ(18)

ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်း ၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင်ဝႆႉ ၼႂ်း ၼႃႈတီႈဢုပ်ႉပိူင်ႇ ၸေႈဝဵင်းမၢႆ(22) ၼွင်ၶဵဝ် လႄႈ ၸေႈဝဵင်းမၢႆ(18) ၸေႈဝဵင်းၼမ်ႉတူႈ ၼၼ်ႉ ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ၼႆယူႇယဝ်ႉ။ မိူဝ်ႈလိူၼ်ၼူဝ်ႊဝိုၼ်ႊပိူဝ်ႊ 19 ဝၼ်း တေႃႇ 20 ဝၼ်း ၼၼ်ႉ ၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ SSPP/SSA လႆႈၵႂႃႇ ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၸွႆႈတေႃႉၶဝ်ႈပၼ် လုင်းထုၼ်းသူၺ်ႇ လႄႈ ၸွႆႈတေႃႉၶဝ်ႈပၼ် လုင်းသၢင်ႇမွင်ႇ+ပႃႈၼၢင်းၼေႃႇ ဝၢၼ်ႈၼမ်ႉၵႆႇ ဢႅၵ်ႇ ဢိူင်ႇပၢင်ႇတီး ၸေႈဝဵင်းမၢႆ(22) ၼွင်ၶဵဝ် ၼၼ်ႉယူႇယဝ်ႉ။ မိူဝ်ႈလိူၼ် ၼူဝ်ႊဝိုၼ်ႊပိူဝ်ႊ (20)ဝၼ်းၼၼ်ႉၵူၺ်း ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA လႆႈၵႂႃႇ ၸွႆႈၵၢၼ် ပေႃႈမႄႈ ၵူၼ်းမိူင်း ၸွႆႈပၢတ်ႇၶဝ်ႈၼႃးပၼ် လုင်းၽေႇ ဝၢၼ်ႈၼႃးၵေး ဢိူင်ႇမၢႆ(4) ၼမ်ႉပၢႆႇ ၸေႈဝဵင်းမၢႆ(18) ၼမ်ႉတူႈ ယူႇယဝ်ႉ။ ယွၼ်ႉထိုင်ၶိင်ႇၶၢဝ်း ပေႃႈမႄႈၵူၼ်းမိူင်း သိမ်းမၢၵ်ႇၶဝ်ႈတဝ်ႈၼမ်ႉ ၼႂ်းႁႆႊ/သူၼ်/ၼႃး ယဝ်ႉၼႆလႄႈ ၼင်ႇႁိုဝ်ပေႃးတေပဵၼ် ၵၢၼ်ၵမ်ႉၸွႆႈ ပေႃႈမႄႈၵူၼ်းမိူင်းဢၼ်ၼိုင်ႈၼႆသေ ယူႇတီႈ ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်း ၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင်ဝႆႉ ၼႂ်း ၵူႈၼႃႈတီႈဢုပ်ႉပိူင်ႇၼၼ်ႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း တီႈလႂ်တီႈၼၼ်ႈသေ တေၶတ်းၸႂ် ၸွႆႈထႅမ် ပေႃႈမႄႈၵူၼ်းမိူင်း ၵႂႃႇယူႇယဝ်ႉ။ လိူဝ်သေၼၼ်ႉ ပုၼ်ႈတႃႇလွင်ႈၼိမ်သဝ်းၼႂ်းၼႃႈတီႈ ၊ လွင်ႈႁူမ်ႇလူမ်ႈ ၊ လွင်ႈပၢႆးပိင်ႇၺႃႇ ၊ ပၢႆးယူႇလီ လွင်ႈ ႁုၼ်ႈမုၼ်းၶိုၼ်ႈယႂ်ႇ ပေႃႈမႄႈၵူၼ်းမိူင်း တေတိူဝ်းတွၼ်း ၶႅမ်ႉလႅပ်ႈမႃး ၼၼ်ႉၵေႃႈ ယူႇတီႈပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA တိုၵ်ႉသိုပ်ႇ ၶိုင်ပွင်ၵႂႃႇၸွမ်း ငဝ်းလၢႆး ၵၢၼ်သိုၵ်း ၵၢၼ်မိူင်း ဢၼ်ပဵၼ်ဝႆႉၼၼ်ႉ ၵမ်းၶၵ်ႉၶၵ်ႉ ယူႇယဝ်ႉ။

['ၵၢၼ်ၸွႆႈထႅမ်ပေႃႈမႄႈၵူၼ်းမိူင်း', 'ၵၢၼ်ပူၵ်းပွင်']

2024-12-04T07:15:18

https://ssppssa.org/2024/12/%e1%82%81%e1%80%ad%e1%80%b0%e1%80%9d%e1%80%ba%e1%80%b8%e1%80%99%e1%80%ad%e1%81%bc%e1%80%ba-%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%80%99%e1%81%a2%e1%81%bc%e1%80%ba%e1%82%88-%e1%80%99/

ႁိူဝ်းမိၼ် သိုၵ်းမၢၼ်ႈ မိၼ်လဵပ်ႈၼိူဝ်ဝဵင်းၼမ်ႉတူႈ ၵူၼ်းမိူင်း ဢွၼ်ၵၼ်တူၵ်းၸႂ်ၵူဝ်

ႁိူဝ်မိၼ် ၶွင်ႇသီႇသိုၵ်းမၢၼ်ႈ မိၼ်လဵပ်ႈၼိူဝ်ဝဵင်းၼမ်ႉတူႈ လႄႈ ၵူၼ်းမိူင်းဝဵင်းၼမ်ႉတူႈ ဢွၼ်ၵၼ်တူၵ်း ၸႂ် ၵူဝ်ႁိူဝ်းမိၼ်ပွႆႇမၢၵ်ႇ ၼႆယူႇယဝ်ႉ။ မိူဝ်ႈလိူၼ် ၼူဝ်ႊဝိုၼ်ႊပိူဝ်ႊ 20 ဝၼ်း ၶၢဝ်းယၢမ်း ၵၢင်ဝၼ်း 13:58 မူင်းၼၼ်ႉ ႁိူဝ်းမိၼ် ႁတ်းသၵီး (မႅင်းမီႈ) ၶွင်ႇသီႇသိုၵ်းမၢၼ်ႈ ၼိုင်ႈလမ်း လုၵ်ႉတၢင်းၸဵင်ႇ ၸၢၼ်းဝဵင်းၼမ်ႉတူႈသေ ဝိၼ်ပၼ်ႇလဵပ်ႈ ၼိူဝ်ဝဵင်း ၼမ်ႉတူႈ ၊ ၵူၼ်းမိူင်းၼမ်ႉ တူႈမႆႈၸႂ် ၵူဝ်ႁိူဝ်းမိၼ် ပွႆႇမၢၵ်ႇလႄႈ ဢွၼ်ၵၼ်တူၵ်း ၸႂ်ၵူဝ် ယူႇယဝ်ႉ။ ၵဵဝ်ႇလူၺ်ႈလွင်ႈၼႆႉသေ ၵူၼ်းမိူင်း ဝဵင်းၼမ်ႉတူႈ ၵေႃႉၼိုင်ႈ လၢတ်ႈၼႄဝႃႈ ” ဝၢႆးသေပဵၼ်ပၢင်တိုၵ်း 10 27 ပွၵ်ႈၵမ်း ၼိုင်ႈယဝ်ႉ တီႈဝဵင်းၼမ်ႉတူႈၼႆႉ ႁိူဝ်းမိၼ်ဢမ်ႇလဵပ်ႈ ဢမ်ႇပွႆႇမၢၵ်ႇၼႆႉ ႁိုင်ၼႃႇၼႃႇယဝ်ႉၶႃႈ။ မိူဝ်ႈၼႆႉ ႁၼ်ပၼ်ႇ မႃး ၼိူဝ်ဝဵင်းၼမ်ႉတူႈၼႆႉ ႁဝ်းၶႃႈ ဢွၼ်ၵၼ်တူၵ်းၸႂ် ဢေႃႈ ပိူင်လူင်တေႉ ၵူဝ်မႃးပွႆႇမၢၵ်ႇၼၼ်ႉ ၶႃႈၼႃႇၼေႃႈ” ဝႃႈၼႆ။ “ဝဵင်းၼမ်ႉတူႈႁဝ်းၶႃႈၼႆႉ မိူဝ်ႈလဵဝ် ၵၢၼ်သင်ၵေႃႈ ဢမ်ႇပဵၼ် ၶၼ်ၵုၼ်ႇဢၼ်ၶဝ်ႈသမ်ႉၶိုၼ်ႈမႃးႁႅင်း ၵုၼ်ႇၽၵ်းယိူဝ်ႈၼၢင်းၶဵဝ် ဢၼ်ဢွၵ်ႇၼႂ်းသူၼ်သမ်ႉပေႃးလူင်း ၵူၼ်းမိူင်းၵေႃႈယၢပ်ႇၸႂ် ၵူၼ်းဝၢၼ်ႈၵူၼ်းသူၼ်ၵေႃႈ တႃႇၵိၼ်လဵင်ႉတွင်ႉမိူဝ်း ၼႃႈၼၼ်ႉ ၸႂ်ယႂ်ႇ ႁႆႊၶဝ်ႈဢိတ်းဢွတ်း သေ မၢင်ႁိူၼ်းၵေႃႈ လုၵ်ႈလၢင်းၵႂႃႇႁဵတ်းၵၢၼ်မိူင်းပိူၼ်ႈ သူင်ႇလဵင်ႉၼႃႈႁိူၼ်း ၵူၺ်း ၵမ်ႈၽွင်ႈပၢၼ်ပေႃးလူဝ်ႇယွၼ်း ၵိၼ်ၵေႃႈမီး ပေႃးႁိူဝ်းမိၼ်မႃးပွႆႇမၢၵ်ႇထႅင်ႈမိူၼ်ၵူႈတီႈတေႉ ယၢပ်ႇၸႂ်ႁႅင်းယဝ်ႉၶႃႈ” ၼႆ ၽူႈ ၵွၼ်းဢိူင်ႇ ဢၼ်ဢမ်ႇ ၶႂ်ႈဢွၵ်ႇၸိုဝ်ႈ ၵေႃႉၼိုင်ႈၵေႃႈ လၢတ်ႈၼႄ ၼင်ႇၼႆ။ ၼႂ်းၸိုင်ႈတႆးပွတ်းႁွင်ႇ လၢႆလၢႆၸေႈဝဵင်း ဢၼ်ပဵၼ်တီႈၸုမ်းဢူၺ်းလီ သၢမ်ၸုမ်း တိုၵ်းလိုပ်ႈသိုၵ်းမၢၼ်ႈၶၢႆႉဢွၵ်ႇ မိူၼ်ၼင်ႇ ၸေႈဝဵင်းလၢဝ်းၵႆႇ ၊ ၵုၼ်လူင် ၊ ၼမ်ႉၶမ်း ၊ ၵူတ်ႉၶၢႆ ၊ သႅၼ်ဝီ ၊ လႃႈသဵဝ်ႈ ၊ သီႇပေႃႉ ၊ ၵျွၵ်ႉမႄး ၊ မိူင်းမိတ်ႈ ၸဵမ်ၸိူဝ်းၼႆႉ ၶွင်ႇသီႇသိုၵ်းမၢၼ်ႈ ၵႆႉၵႆႉ ၸႂ်ႉႁိူဝ်းမိၼ်သေ ပွႆႇမၢၵ်ႇသႂ်ႇ ၼႆသေတႃႉ မိူၼ်ၼင်ႇၼႂ်းၸေႈဝဵင်းၼမ်ႉတူႈ ၼႆႉ သိုၵ်းမၢၼ်ႈ ဢမ်ႇပွႆႇမၢၵ်ႇတိုၵ်းၶိုၼ်း သေပွၵ်ႈလႄႈ ႁိူဝ်းမိၼ် ၵိုင်ႉၵၢင်ႉမႃးပၼ်ႇလဵပ်ႈပွၵ်ႈၼႆႉ ၵူၼ်းမိူင်း ဢွၼ်ၵၼ် လႆႈတူၵ်းၸႂ်ၵူဝ် ယူႇယဝ်ႉ။

['ၵၢၼ်သိုၵ်း', 'ၶၢဝ်ႇၵူႈလွင်ႈလွင်ႈ', 'ၶၢဝ်ႇ']

2024-12-04T07:12:27

https://ssppssa.org/2024/12/%e1%81%bd%e1%80%b0%e1%82%88%e1%81%b8%e1%81%a2%e1%82%86%e1%80%b8-%e1%80%9a%e1%80%bd%e1%80%84%e1%80%ba%e1%82%87%e1%80%9a%e1%82%83%e1%82%88%e1%80%99-%e1%81%bd%e1%81%bc%e1%80%ba%e1%80%b8%e1%80%99%e1%80%b1/

ၽူႈၸၢႆး ယွင်ႇယႃႈမ ၽၼ်းမေးၼၢင်းတၢႆထင်တီႈ ၼႂ်းၸေႈဝဵင်းၼမ်ႉၶမ်း

ၽူႈၸၢႆး သႅၼ်းဢႃႇယူႉ 50 ပၢႆၵေႃႉၼိုင်ႈ ယွင်ႇယႃႈမသေ ၽိတ်းမေႃးၵၼ် တင်းမေးၼၢင်း ထိုင်တီႈဢဝ်ၽႃႉၽၼ်း မေးၼၢင်း လႆႈတၢႆထင်တီႈ တီႈပွၵ်ႉဝၢၼ်ႈၶမ်း ၸေႈဝဵင်း ၼမ်ႉၶမ်းၼၼ်ႉ ယူႇယဝ်ႉ။ မိူဝ်ႈၼႆႉ လိူၼ်ၼူဝ်ႊဝိုၼ်ႊပိူဝ်ႊ 19 ဝၼ်း ၶၢဝ်းယၢမ်းၵၢင်ၼႂ် 7:20 မူင်းၼၼ်ႉ မီးၽူႈၸၢႆးၵေႃႉၼိုင်ႈ ယူႇပွၵ်ႉဝၢၼ်ႈ ၶမ်း ၸေႈဝဵင်းၼမ်ႉၶမ်း မၼ်းၸၢႆး သူႇယႃႈၼမ် ယွင်ႇယႃႈမသေ ၽိတ်းမေႃးၵၼ် တင်း မေးၼၢင်း လႆႈၸၼ်ဢဝ်ၽႃႉ တီႈၼႂ်းႁိူၼ်း ၽၼ်း သႂ်ႇ ၵေႃႉပဵၼ်မေးၼၢင်း လႆႈလူႉတၢႆထင်တီႈ ၵမ်းလဵဝ် ယူႇယဝ်ႉ။ တူဝ်မၼ်းၸၢႆးတေႉ ၸုမ်းတပ်ႉႁၢၼ် ၾၢႆႇလွႆ TNLA ၶဝ် လႆႈမႃးတိၺွပ်း ၵႂႃႇၵုမ်းၶင်တူဝ်ဝႆႉ တီႈႁူင်းပလိၵ်ႈ ဝဵင်း ၼမ်ႉၶမ်းၼႆယူႇယဝ်ႉ။ ၽူႈၸၢႆး ၵေႃႉဢၼ်ဢဝ်ၽႃႉၽၼ်မေးၼၢင်းၼၼ်ႉ ၸိုဝ်ႈႁွင်ႉ ၸၢႆးဢူင်းၽေႇ ဢႃႇယု 52 ပီ ၊ မေးၼၢင်း ၵေႃႉ ဢၼ် လႆႈလူႉတၢႆၵႂႃႇၼၼ်ႉ ၸိုဝ်ႈႁွင်ႉ ၼၢင်းသူၺ်ႇယဵၼ်ႇ ဢႃႇယု 48 ပီ သွင်ၽူဝ်မေးၼႆႉ ယူႇပွၵ်ႉဝၢၼ်ႈၶမ်း ၸေႈဝဵင်းၼမ်ႉၶမ်း ၸိုင်ႈတႆးပွတ်းႁွင်ႇယူႇယဝ်ႉ။ ၵဵဝ်ႇလူၺ်ႈလွင်ႈၼႆႉသေ ၵူၼ်းပိုၼ်ႉတီႈ ၸေႈဝဵင်းၼမ်ႉၶမ်း ၵေႃႉၼိုင်ႈ လၢတ်ႈၼႄဝႃႈ- ၶႃႈၽူဝ်မေးၼႆႉ ၵႆႉၵႆႉ ၽိတ်းၵၼ်ယူႇၶႃႈ ၽူဝ်မၼ်းၼႆႉ လဵၼ်ႈယႃႈမသေ ၵႆႉၵႆႉ ထၢင်ႇထိူမ်မေးမၼ်းဢေႃႈ။ မိူဝ်ႈၼႆႉၽိတ်းၵၼ်သေ ဢဝ် ၽႃႉၽၼ်းသႂ်ႇ ၸွမ်းႁူဝ်မေးမၼ်း လႆႈလူမ်ႉတၢႆဝႆႉ ႁိမ်း ႁိူၼ်းၶဝ်ဢေႃႈ။ မိူဝ်ႈလဵဝ်ၼႆႉ ၵူၼ်းသူႇယႃႈ ၊ ၶၢႆယႃႈ ၼမ်မႃးသေၵဝ်ႇ ယဝ်ႉ ၶႃႈ တီႈၼမ်ႉၶမ်းၼႆႉ” ဝႃႈၼႆ။ ဝၢႆးသေ ပၢင်တိုၵ်း 10 27 ယဝ်ႉတူဝ်ႈၵႂႃႇၼႆႉ ၼႂ်း ၸေႈဝဵင်း ၼမ်ႉၶမ်း ယႃႈမဝ်းၵမ် ၶိုၼ်းလိူင်ႇၼမ်မႃးလိူဝ်ၵဝ်ႇသေ တေႃႇထိုင်မိူဝ်ႈလဵဝ် ၵူၼ်းသူႇသမ်း ၵိၼ်ၶၢႆယႃႈမဝ်းၵမ် ၼမ်မႃးလႄႈ ၽူႈလၵ်ႉၸၵ်ႉၶုတ်ႈ ၊ ၵူၼ်းယွင်ႇယႃႈၵေႃႈ ၼမ်ၶိုၼ်ႈမႃး လွင်ႈယူႇသဝ်း ၵႂႃႇမႃးပႆ ပေႃႈမႄႈၵူၼ်းမိူင်း ၵေႃႈ ဢမ်ႇမီးလွင်ႈ ႁူမ်ႇလူမ်ႈ ဝႃႈၼႆ ယူႇယဝ်ႉ။

['ၽေးၵိုင်ႉၵၢင်ႉ', 'ယႃႈမဝ်းၵမ်', 'ၶၢဝ်ႇ', 'ၶၢဝ်ႇၵူႈလွင်ႈလွင်ႈ']

2024-12-04T07:10:01

https://ssppssa.org/2024/12/sspp-ssa-%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba%e1%81%b5%e1%81%a2%e1%81%bc%e1%80%ba-%e1%80%95%e1%80%b1%e1%82%83%e1%82%88%e1%80%99%e1%82%84%e1%82%88%e1%81%b5-6/

SSPP/SSA ၸွႆႈထႅမ်ၵၢၼ် ပေႃႈမႄႈၵူၼ်းမိူင်း ၼႂ်းၼႃႈတီႈ ဢုပ်ႉပိူင်ႇ ၸေႈဝဵင်းမၢႆ(5)

ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်း ၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင်ဝႆႉ ၼႂ်း ၼႃႈတီႈဢုပ်ႉပိူင်ႇ ၸေႈဝဵင်းမၢႆ(5) ဝဵင်းမႂ်ႇဝၢၼ်ႈႁႆး ၼၼ်ႉ ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ၼႆယူႇယဝ်ႉ။ မိူဝ်ႈလိူၼ် ၼူဝ်ႇဝိၼ်ႇပိူဝ်ႊ (17) ဝၼ်းၼၼ်ႉ ၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ SSPP/SSA လႆႈၵႂႃႇ ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၸွႆႈပုမ်ႇၶဝ်ႈပၼ် ၸၢႆး ၸၢမ်ႇမိူင်း+ဝၢၼ်ႈမၢၵ်ႇႁူႈ ဢိူင်ႇ မိူင်း ၵၢဝ် လႄႈ လႆႈၵႂႃႇ ၸွႆႈ ဝၢပ်ႇၶဝ်ႈ ပုမ်ႇၶဝ်ႈပၼ် ၸၢႆး ၼွင်ႉ+ၼၢင်းပီး ဝၢၼ်ႈၵုင်းၵေႃႇ ၸုမ်းမၢႆ(3) ဢိူင်ႇ ႁႃႈဝၢၼ်ႈ ၸေႈဝဵင်းမၢႆ(5) ဝဵင်းမႂ်ႇဝၢၼ်ႈႁႆး ၸိုင်ႈတႆးပွတ်းၸၢၼ်း ၼၼ်ႉ ယူႇယဝ်ႉ။ ယွၼ်ႉထိုင်ၶိင်ႇၶၢဝ်း ပေႃႈမႄႈၵူၼ်းမိူင်း သိမ်းမၢၵ်ႇၶဝ်ႈတဝ်ႈၼမ်ႉ ၼႂ်းႁႆႊ/သူၼ်/ၼႃး ယဝ်ႉၼႆလႄႈ ၼင်ႇႁိုဝ်ပေႃးတေပဵၼ် ၵၢၼ်ၵမ်ႉၸွႆႈ ပေႃႈမႄႈၵူၼ်းမိူင်းဢၼ်ၼိုင်ႈၼႆသေ ယူႇတီႈ ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်း ၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင်ဝႆႉ ၼႂ်း ၵူႈၼႃႈတီႈဢုပ်ႉပိူင်ႇၼၼ်ႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း တီႈလႂ်တီႈၼၼ်ႈသေ တေၶတ်းၸႂ် ၸွႆႈထႅမ် ပေႃႈမႄႈ ၵူၼ်းမိူင်း ၵႂႃႇယူႇယဝ်ႉ။ လိူဝ်သေၼၼ်ႉ ပုၼ်ႈတႃႇလွင်ႈၼိမ်သဝ်းၼႂ်းၼႃႈတီႈ ၊ လွင်ႈႁူမ်ႇလူမ်ႈ ၊ လွင်ႈပၢႆးပိင်ႇၺႃႇ ၊ ပၢႆးယူႇလီ လွင်ႈႁုၼ်ႈမုၼ်းၶိုၼ်ႈယႂ်ႇ ပေႃႈမႄႈၵူၼ်းမိူင်း တေတိူဝ်းတွၼ်း ၶႅမ်ႉလႅပ်ႈမႃး ၼၼ်ႉၵေႃႈ ယူႇတီႈပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA တိုၵ်ႉသိုပ်ႇ ၶိုင်ပွင်ၵႂႃႇၸွမ်း ငဝ်းလၢႆး ၵၢၼ်သိုၵ်း ၵၢၼ်မိူင်း ဢၼ်ပဵၼ်ဝႆႉၼၼ်ႉၵမ်း ၶၵ်ႉ ၶၵ်ႉ ယူႇယဝ်ႉ။

['ၵၢၼ်ၸွႆႈထႅမ်ပေႃႈမႄႈၵူၼ်းမိူင်း', 'ၵၢၼ်ပူၵ်းပွင်']

2024-12-04T05:24:03

https://ssppssa.org/2024/12/sspp-ssa-%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba%e1%81%b5%e1%81%a2%e1%81%bc%e1%80%ba-%e1%80%95%e1%80%b1%e1%82%83%e1%82%88%e1%80%99%e1%82%84%e1%82%88%e1%81%b5-5/

SSPP/SSA ၸွႆႈထႅမ်ၵၢၼ် ပေႃႈမႄႈၵူၼ်းမိူင်း ၼႂ်းၼႃႈတီႈ ဢုပ်ႉပိူင်ႇ ၸေႈဝဵင်းမၢႆ(5) လႄႈ မၢႆ(22)

ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်း ၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင်ဝႆႉ ၼႂ်း ၼႃႈတီႈဢုပ်ႉပိူင်ႇ ၸေႈဝဵင်းမၢႆ(5) မၢႆ(22) ၸေႈဝဵင်းဝၢၼ်ႈႁႆး ၊ ၸေႈဝဵင်းၼွင်ၶဵဝ် ၼၼ်ႉ ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ၼႆယူႇယဝ်ႉ။ မိူဝ်ႈလိူၼ် ၼူဝ်ႊဝိုၼ်ႊပိူဝ်ႊ (16) ဝၼ်းၼၼ်ႉ ၵေႃႉသိုၵ်း ၵေႃႉႁၢၼ် ၾၢႆႇတပ်ႉၾၢႆႇဢုပ်ႉပိူင်ႇ SSPP/SSA လႆႈၵႂႃႇ ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၸွႆႈပုမ်ႇၶဝ်ႈပၼ် ၸၢႆးသူႉထမ်ႇမ+ၼၢင်းသဵၼ်ႇ ဝၢၼ်ႈမၢၵ်ႇႁူႈ ဢိူင်ႇမိူင်းၵၢဝ် (ၼွင်သွမ်း) လႄႈ လႆႈၸွႆႈထႅမ် ႁၢပ်ႇၶဝ်ႈ ပုမ်ႇၶဝ်ႈပၼ် လုင်းလူႇ+ပႃႈၶမ်း ဝၢၼ်ႈၶၢၼ် ဢိူင်ႇႁႃႈဝၢၼ်ႈ ၸေႈဝဵင်းမၢႆ (5) ဝဵင်းမႂ်ႇဝၢၼ်ႈႁႆး ၸိုင်ႈတႆးပွတ်း ၸၢၼ်းၼၼ်ႉ ယူႇယဝ်ႉ။ လိူဝ်သေၼၼ်ႉ မိူဝ်ႈလိူၼ် ၼူဝ်ႊဝိုၼ်ႊပိူဝ်ႊ 14 ဝၼ်း ၼၼ်ႉၵေႃႈ ၵေႃႉသိုၵ်းၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇ SSPP/SSA လႆႈၵႂႃႇၸွႆႈ ၽတ်ႉၶဝ်ႈ ပေႃႉၶဝ်ႈပၼ် လုင်းၶမ်းပၢင်ႇ+ပႃႈမူဝ်းဢေး လႄႈ ၸွႆႈဢိတ်ႇၶဝ်ႈၵၢပ်ႇပၼ် လုင်းၸၢႆး+ပႃႈလီ ဢၼ်ယူႇဝၢၼ်ႈသၢႆးၶၢဝ် ဢိူင်ႇၵျွၵ်ႉၵျီး ၸေႈဝဵင်းမၢႆ (22) ၼွင်ၶဵဝ် ၸိုင်ႈတႆးပွတ်းႁွင်ႇ ၼၼ်ႉယူႇယဝ်ႉ။ ယွၼ်ႉထိုင်ၶိင်ႇၶၢဝ်း ပေႃႈမႄႈၵူၼ်းမိူင်း သိမ်းမၢၵ်ႇၶဝ်ႈတဝ်ႈၼမ်ႉ ၼႂ်းႁႆႈ/သူၼ်/ၼႃး ယဝ်ႉၼႆလႄႈ ၼင်ႇႁိုဝ်ပေႃးတေပဵၼ် ၵၢၼ်ၵမ်ႉၸွႆႈ ပေႃႈမႄႈၵူၼ်းမိူင်းဢၼ်ၼိုင်ႈၼႆသေ ယူႇတီႈ ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်း ၸိုင်ႈတႆး SSPP/SSA ဢၼ်ပၵ်းသဝ်းတူင်ႉၼိုင်ဝႆႉ ၼႂ်း ၵူႈၼႃႈတီႈဢုပ်ႉပိူင်ႇၼၼ်ႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း တီႈလႂ်တီႈၼၼ်ႈသေ တေၶတ်းၸႂ် ၸွႆႈထႅမ် ပေႃႈမႄႈၵူၼ်းမိူင်း ၵႂႃႇယူႇယဝ်ႉ။ လိူဝ်သေၼၼ်ႉ ပုၼ်ႈတႃႇလွင်ႈၼိမ်သဝ်းၼႂ်းၼႃႈတီႈ ၊ လွင်ႈႁူမ်ႇလူမ်ႈ ၊ လွင်ႈပၢႆးပိင်ႇၺႃႇ ၊ ပၢႆးယူႇလီ လွင်ႈ ႁုၼ်ႈမုၼ်းၶိုၼ်ႈယႂ်ႇ ပေႃႈမႄႈၵူၼ်းမိူင်း တေတိူဝ်းတွၼ်း ၶႅမ်ႉလႅပ်ႈမႃး ၼၼ်ႉၵေႃႈ ယူႇတီႈပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်းၸိုင်ႈတႆး SSPP/SSA တိုၵ်ႉသိုပ်ႇ ၶိုင်ပွင်ၵႂႃႇၸွမ်း ငဝ်းလၢႆး ၵၢၼ်သိုၵ်း ၵၢၼ်မိူင်း ဢၼ်ပဵၼ်ဝႆႉၼၼ်ႉၵမ်း ၶၵ်ႉ ၶၵ်ႉ ယူႇယဝ်ႉ။

['ၵၢၼ်ၸွႆႈထႅမ်ပေႃႈမႄႈၵူၼ်းမိူင်း', 'ၵၢၼ်ပူၵ်းပွင်']

2024-12-04T05:21:53

https://ssppssa.org/2024/12/%e1%81%bc%e1%81%a2%e1%80%84%e1%80%ba%e1%80%b8%e1%80%9a%e1%80%ad%e1%80%84%e1%80%ba%e1%80%b8-%e1%80%9e%e1%80%bd%e1%80%84%e1%80%ba%e1%81%b5%e1%80%b1%e1%82%83%e1%82%89-%e1%80%91%e1%80%af%e1%81%b5%e1%80%ba/

ၼၢင်းယိင်း သွင်ၵေႃႉ ထုၵ်ႇၺႃး ၶႃႈႁႅမ်တၢႆ ၼႂ်းၸေႈဝဵင်းၵျွၵ်ႉမႄး

ၼၢင်းယိင်း သွင်ၵေႃႉ မႄႈလုၵ်ႈၵၼ် ထုၵ်ႇၺႃး ၽူႈႁၢႆႉ ဢဝ်ၽႃႉ/လႅဝ်း ၽၼ်း ၶႃႈႁႅမ်တၢႆ ၼႂ်းသူၼ်ၶဝ်ႈၵၢပ်ႇ ႁိမ်းဝၢၼ်ႈၼမ်ႉႁူး ဢိူင်ႇႁႆးၵုၺ် ၼႃႈတီႈဢုပ်ႉပိူင်ႇ SSPP/SSA ၸေႈဝဵင်းမၢႆ(24) ၵျွၵ်ႉမႄး ၼႆယူႇယဝ်ႉ။ မိူဝ်ႈလိူၼ် ၼူဝ်ႊဝိုၼ်ႊပိူဝ်ႊ 17 ဝၼ်း ၼၼ်ႉ ၼၢင်းယိင်း ၵေႃႉၼိုင်ႈ သႅၼ်းဢႃႇယု 21 ပီ လႄႈ ၵေႃႉပဵၼ်မႄႈဢႃႇယု 50 ပီ ထုၵ်ႇၺႃးၶႃႈႁႅမ်တၢႆဝႆႉ လူၺ်ႈႁွႆးၽႃႉ/လႅဝ်း ၽၼ်း ၸွမ်းႁူဝ် ၊ ၸွမ်းၵႅမ်ႈ ၊ ၸွမ်းမိုဝ်း ၊ ၸွမ်းၶေႃး တီႈ ၼႂ်းသူၼ်ၶဝ်ႈၵၢပ်ႇ ဢၼ်ယၢၼ်ၵႆ ဝၢၼ်ႈၼမ်ႉႁူး မွၵ်ႈ ၼိုင်ႈလၵ်း ၼႂ်းဢိူင်ႇၼွင်ပိင် ၸေႈဝဵင်းၵျွၵ်ႉမႄး ၼၼ်ႉယူႇယဝ်ႉ။ ၽူႈမီးပုၼ်ႈၽွၼ်း ၸဝ်ႈၼိုင်ႈ ဢၼ်ပဵၼ် ၾၢႆႇဢုပ်ႉပိူင်ႇ SSPP/SSA ၼႂ်းၸေႈဝဵင်းမၢႆ(24) ၵျွၵ်ႉမႄး ၼၼ်ႉ လၢတ်ႈ ၼႄဝႃႈ- “ၼၢင်းယိင်းၵေႃႉဢၼ်လႆႈဢႃႇယု 21 ၶူပ်ႇ ၼၼ်ႉ ၵႂႃႇၵၢၼ်ႉၶဝ်ႈၵၢပ်ႇဢေႃႈ။ ၵၢင်ၼႂ်မိူဝ်ႈ 10 မူင်း ၼၼ်ႉ မႄႈ ၶဝ်သမ်ႉဢဝ်ၶဝ်ႈၽၵ်းၵႂႃႇသူင်ႇလုၵ်ႈယိင်းမၼ်း တီႈသူၼ် ၊ ၽိူဝ်ႇထိုင်ၵၢင်ၼႂ် 11 မူင်း ၵေႃႉပဵၼ်ဢူႈ ၶဝ် သမ်ႉၵႂႃႇၸွမ်း ၾၢႆႇလင်သေ ၵႂႃႇႁၼ်လုၵ်ႈမေးမၼ်း လူမ်ႉတၢႆဝႆႉ လူၺ်ႈမီးႁွႆး ဢဝ်ၽႃႉ ၽၼ်းဝႆႉ ၶႃႈဢေႃႈ။ မိူဝ်ႈလဵဝ်တေ ၽူႈႁၢႆႉ ဢၼ်ၶႃႈႁႅမ်ၶဝ်မႄႈလုၵ်ႈ ၼၼ်ႉ ႁဝ်း ၶႃႈ တိုၵ်ႉပိုတ်ႇလိူင်ႈဢမူႉမၼ်းဝႆႉသေ ၸွမ်းႁႃယူႇၶႃႈ ဢေႃႈ” ဝႃႈၼႆ။ ၼၢင်းယိင်း ၵေႃႉထုၵ်ႇၺႃး ၶႃႈႁႅမ်တၢႆၼၼ်ႉ ၸိုဝ်ႈႁွင်ႉ ၼၢင်းမူဝ်ႁွမ် ဢႃႇယု 21 ၶူပ်ႇ လႄႈ ၵေႃႉပဵၼ်မႄႈမၼ်း ၼၢင်း ပႃႈၶမ်းသူၺ်ႇ ဢႃႇယု 50 ၶူပ်ႇ ပဵၼ်ၵူၼ်းဝၢၼ်ႈၼမ်ႉႁူး ၸုမ်းမၢႆ(2) ဢိူင်ႇႁႆးၵုၺ် ၸေႈဝဵင်းမၢႆ(24) ၵျွၵ်ႉမႄး ၼႆယူႇယဝ်ႉ။

['ၶၢဝ်ႇၵူႈလွင်ႈလွင်ႈ', 'ၶၢဝ်ႇ']

2024-12-04T05:13:39

https://ssppssa.org/2024/12/sspp-ssa-%e1%80%9c%e1%80%b0%e1%80%84%e1%80%ba%e1%80%b8%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba%e1%81%b5%e1%81%a2%e1%81%bc%e1%80%ba-%e1%80%95%e1%80%b1%e1%82%83%e1%82%88/

SSPP/SSA လူင်းၸွႆႈထႅမ်ၵၢၼ် ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ၸေႈဝဵင်းမၢႆ (17) ၼမ်ႉတူႈ

ၵေႃႉသိုၵ်းၵေႃႉႁၢၼ် ပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်း ၸိုင်ႈတႆး SSPP/SSA ဢၼ်ပၵ်းသဝ်းတူင်ႉ ၼိုင်ဝႆႉ ၼႂ်းၸေႈဝဵင်း မၢႆ(17) ၸေႈဝဵင်းၼမ်ႉတူႈ ၼၼ်ႉ ၸွႆႈထႅမ်ၵၢၼ်ပေႃႈမႄႈၵူၼ်းမိူင်း ၼႂ်းပိုၼ်ႉတီႈ ၼႆယူႇယဝ်ႉ။ မိူဝ်ႈလိူၼ် ၼူဝ်ႊဝိုၼ်ႊပိူဝ်ႊ (13) ဝၼ်း ယၢမ်းၵၢင်ၼႂ် 09:00 မူင်းၼၼ်ႉ ၵေႃႉသိုၵ်း ၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇ SSPP/SSA လူင်းပိုၼ်ႉတီႈ ၸွႆႈထႅမ် ၵၢၼ်ပေႃႈမႄႈၵူၼ်းမိူင်း ၸွႆႈပုမ်ႇၶဝ်ႈၼႃး ပၼ် လုင်းလူႇ+ ပႃႈၶမ်း ပွၵ်ႉ(4) ဢိူင်ႇမိူင်းယဵၼ် ၸေႈဝဵင်းမၢႆ (17) ၼမ်ႉတူႈ ၸိုင်ႈတႆးပွတ်းႁွင်ႇ ၼၼ်ႉ ယူႇယဝ်ႉ။ ၼႂ်းဝၼ်းလဵဝ်ၼၼ်ႉၵူၺ်း ၵေႃႉသိုၵ်း ၵေႃႉႁၢၼ် ၾၢႆႇတပ်ႉ ၾၢႆႇဢုပ်ႉပိူင်ႇ SSPP/SSA လူင်းပိုၼ်ႉတီႈ ၵႂႃႇ ၸွႆႈ ၽတ်ႉၶဝ်ႈ ပေႃႉၶဝ်ႈပၼ် လုင်းသၢင်ႇမၼ်ႈ + ပႃႈၶမ်းၸိင်ႇ ဝၢၼ်ႈပၢင်ႇၶမ်း ဢိူင်ႇမိူင်းယဵၼ် ၸေႈဝဵင်းမၢႆ(17) ၼမ်ႉတူႈ ယူႇယဝ်ႉ။ ယွၼ်ႉထိုင်ၶိင်ႇၶၢဝ်း ပေႃႈမႄႈၵူၼ်းမိူင်း သိမ်းမၢၵ်ႇၶဝ်ႈတဝ်ႈၼမ်ႉ ၼႂ်းႁ/သူၼ်/ၼႃး ယဝ်ႉၼႆလႄႈ ၼင်ႇ ႁိုဝ်ပေႃးတေ ပဵၼ်ၵၢၼ်ၵမ်ႉၸွႆႈ တႃႇပေႃႈမႄႈ ၵူၼ်းမိူင်းဢၼ်ၼိုင်ႈၼႆသေ ၵေႃႉသိုၵ်း ၵေႃႉ ႁၢၼ် SSPP/SSA ဢၼ်ပၵ်းသဝ်း တူင်ႉ ၼိုင်ဝႆႉ ၼႂ်းၵူႈ ၼႃႈတီႈဢုပ်ႉပိူင်ႇၼၼ်ႉ ဢိင်ၼိူဝ်ငဝ်းလၢႆး လွင်ႈၼိမ်သဝ်း ၼႂ်းပိုၼ်ႉတီႈပၼ်သေ ၵႃႈၼင်ႇၸွႆႈလႆႈ ပွင်ပဵၼ်လႆႈ မိူၼ်ၼင်ႇ လွင်ႈႁူမ်ႇလူမ်ႈ ၊ ၵၢၼ်ပၢႆးပၺ်ႇ ၺႃႇ ၊ ၵၢၼ်ပၢႆးယူႇ လီ၊ လွင်ႈတွၼ်ႈလိၼ်ၶိုၼ်ႈယႂ်ႇ တႃႇၼႂ်းၼႃႈ တီႈဢုပ်ႉပိူင်ႇ တေတိူဝ်းတွၼ်း ၶိုၼ်ႈယႂ်ႇမႃးလိူဝ်ၵဝ်ႇ ၼၼ်ႉ ယူႇတီႈပႃႇတီႇ မႂ်ႇသုင်ၸိုင်ႈ တႆး/တပ်ႉသိုၵ်းၸိုင်ႈတႆး SSPP/SSA တေသိုပ်ႇၶတ်းၸႂ် ၵႂႃႇယူႇယဝ်ႉ။

['ၵၢၼ်ပူၵ်းပွင်', 'ၵၢၼ်ၸွႆႈထႅမ်ပေႃႈမႄႈၵူၼ်းမိူင်း']

2024-12-04T05:10:56

https://ssppssa.org/2024/12/%e1%81%bd%e1%80%b1%e1%80%b8%e1%81%b5%e1%80%ad%e1%80%af%e1%80%84%e1%80%ba%e1%82%89%e1%81%b5%e1%81%a2%e1%80%84%e1%80%ba%e1%82%89-%e1%80%9c%e1%80%b0%e1%80%90%e1%80%ba%e1%82%89%e1%81%b5%e1%82%83%e1%80%b8/

ၽေးၵိုင်ႉၵၢင်ႉ လူတ်ႉၵႃးတမ်ၽႃႇၺႃး လုၵ်ႈဢွၼ်ႇ ၼႂ်းၸေႈဝဵင်းမိူင်းယႆ လူႉတၢႆထင်တီႈ (1)ၵေႃႉ

လူတ်ႉၵႃးလမ်းၼိုင်ႈ လုၵ်ႉတၢင်းၸေႈဝဵင်းတၢင်ႉယၢၼ်း ၵႂႃႇမိူင်းယႆ ပဵၼ်ၽေးၵိုင်ႉၵၢင်ႉ သေ တမ်ၽႃႇၺႃး လုၵ်ႈ ဢွၼ်ႇ ၼႂ်းၸေႈဝဵင်းမိူင်းယႆ ၵေႃႉၼိုင်ႈ လႆႈလူႉတၢႆ ထင်တီႈ ၼႆယူယဝ်ႉ။ မိူဝ်ႈလိူၼ် ၼူဝ်ႊဝိုၼ်ႊပိူဝ်ႊ (12) ဝၼ်းၼၼ်ႉ မီးၼၢင်းယိင်း ၸၢဝ်းၶႄႇ ႁေႃႈၵႃး သႅၼ်း ( TOYOTA LANDCBUISER) လမ်းၼိုင်ႈ လုၵ်ႈတီႈဝၢၼ်ႈၼမ်ႉလၢဝ်း ဢိူင်ႇမိူင်းၵၢဝ်လူင် ၸေႈဝဵင်းတၢင်ႉယၢၼ်း သေ ၵႂႃႇတၢင်း ၸေႈဝဵင်းမိူင်းယႆ မိူဝ်ႈႁွတ်ႈၽႅဝ် ၽၢႆႇတူၵ်းဝၢၼ်ႈၼမ်ႉမေႃႇသူမ်ႈ ၸေႈဝဵင်းမိူင်းယႆၼၼ်ႉ လႆႈယဵပ်ႇၽိတ်း လီႇပႃႇ ၵႃးသေ ဢဝ်ပဵၼ်ၽေးၵိုင်ႉၵၢင်ႉ ပုင်ႈတမ် ၽႃႇၺႃးလုၵ်ႈ ဢွၼ်ႇၸၢႆး သႅၼ်းဢႃႇယု(6) ၶူပ်ႇ လႆႈလူႉတၢႆထင်တီႈယူႇယဝ်ႉ။ လုၵ်ႈဢွၼ်ႇၸၢႆး ဢၼ်ထုၵ်ႇၺႃးလူတ်ႉၵႃးၽႃႇၼၼ်ႉ ၸိုဝ်ႈႁွင်ႉ ၸၢႆးယွၼ်းလူႇ ဢႃႇယု (6)ၶူပ်ႇ ၸိုဝ်ႈဢူႈ လုင်းသၢင်ႇၶမ်း ၊ ၸိုဝ်ႈမႄႈ ပႃႈၼၢင်းသွႆႈ တီႈယူႇဝၢၼ်ႈပၢင်ဝူဝ်း ဢိူင်ႇဝၢၼ်ႈၽၢႆႇ ၸေႈဝဵင်းမိူင်းယႆ ၸိုင်ႈတႆးပွတ်းႁွင်ႇ ၼၼ်ႉယူႇယဝ်ႉ။ ၸဝ်ႈၵႃး ပဵၼ်ၼၢင်းယိင်းၸၢဝ်းၶႄႇ သႅၼ်းဢႃႇယု(40) ပၢႆ သေ ပဵၼ်ၵူၼ်းဝၢၼ်ႈၼမ်ႉလၢဝ်း ဢိူင်ႇမိူင်းၵၢဝ်လူင် ၸေႈဝဵင်းတၢင်ႉယၢၼ်း ၼႆယူႇယဝ်ႉ။ ၵဵဝ်လူၺ်ႈလွင်ႈၼႆႉသေ ၵူၼ်းမိူင်းပိုၼ်ႉတီႈဢၼ်လႆႈႁၼ်တႂ်ႈတႃ ၵေႃႉၼိုင်ႈလၢတ်ႈဝႃႈ – “ၵူၼ်းႁေႃႈၵႃးၼႆႉ မိူဝ်ႈၸမ်ၽႅဝ်တီႈလုၵ်ႈဢွၼ်ႇၼၼ်ႉ မၼ်းတေဢၢၼ်းယဵပ်ႇ ပရိၵ်ႈမၼ်း သမ်ႉယဵပ်ႇၽိတ်းသေ ၵႂႃႇယဵပ်ႇပၼ် လီႇပႃႇမၼ်း ဢေႃႈ။ ယွၼ်ႉၼၼ် ဢဝ်ၵႃး ပုင်ႈဝႆး သေ ဢမ်ႇထိင်းလႆႈလႄႈ ၽႃႇၺႃးလုၵ်ႈဢွၼ်ႇဢေႃႈ။ ၸဝ်ႈၵႃးတေႉ ၽၢႆႇ ၽူႈမီးပုၼ်ႈၽွၼ်း ဢဝ်မၼ်းၵႂႃႇ ၵုမ်းထိင်းဝႆႉယဝ်ႉ ၶႃႈ” ဝႃႈၼႆ။ ဝၢႆးသေ ပဵၼ်ပၼ်ႁႃ ၽေးၵိုင်ႉၵၢင်ႉယဝ်ႉ ယူႇတီႈၽူႈမီးပုၼ်ႈၽွၼ်း ပႃႇတီႇမႂ်ႇသုင်ၸိုင်ႈတႆး တပ်ႉသိုၵ်းၸိုင်ႈတႆး SSPP/SSA လႆႈႁွင်ႉဢဝ် ၸဝ်ႈၵႃးၼၼ်ႉ ၵႂႃႇၵုမ်းထိင်းဝႆႉ သေ တေပိုတ်ႇလိူင်ႈ ၵူတ်ႇထတ်း တႅပ်းတတ်းတြႃးၵႂႃႇ ၸွမ်းၼင်ႇ မူႇပိူင် မုၵ်ႉၸုမ်း မီးဝႆႉၼၼ်ႉယူႇယဝ်ႉ။

['ၽေးၵိုင်ႉၵၢင်ႉ']

2024-12-03T15:32:09

https://ssppssa.org/2024/12/%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%80%99%e1%81%a2%e1%81%bc%e1%80%ba%e1%82%88-%e1%80%90%e1%80%84%e1%80%ba%e1%80%b8%e1%80%9e%e1%80%ad%e1%80%af%e1%81%b5%e1%80%ba%e1%80%b8%e1%81%b5/

သိုၵ်းမၢၼ်ႈ တင်းသိုၵ်းၵဝ်ႈၵၢင်ႉ ၶဵင်ႇပိၵ်ႉဢိုတ်းတေႃႇၵၼ် သဵၼ်ႈတၢင်းမိူင်းယႆလႃႈသဵဝ်ႈ

သိုၵ်းမၢၼ်ႈ တင်း သိုၵ်းၵဝ်ႈၵၢင်ႉ တၢင်းသွင်ၽၢႆႇ ၶဵင်ႇပိၵ်ႉဢိုတ်း လူတ်ႉၵႃးၵူၼ်းမိူင်းဢမ်ႇပၼ်ၵႂႃႇမႃး သဵၼ်ႈတၢင်းလူင် လႃႈသဵဝ်ႈ မိူင်းယႆ ၼႆသေ ႁဵတ်းႁႂ်ႈၵူၼ်းမိူင်းၸိူဝ်းဢၼ်ၵႂႃႇမႃး မီးလွင်ႈယၢပ်ႇၽိုတ်ႇ။ တင်ႈတႄႇဝၼ်းထီႉ- 14-လိူၼ်ၼူဝ်ႊဝိုၼ်ႊပိူဝ်ႊ-2024 ၼၼ်ႉ သိုၵ်းမၢၼ်ႈ တင်းသိုၵ်းၵဝ်ႈၵၢင်ႉ ၶဵင်ႇပိၵ်ႉဢိုတ်း သဵၼ်ႈတၢင်းၵူၼ်းမိူင်း ဢမ်ႇပၼ်ပူၼ်ႉၵႂႃႇမႃး သဵၼ်ႈတၢင်းမိူင်းယႆ လႃႈသဵဝ်ႈ ဢၼ်မီးၼႂ်းၵႄႈၵၢင် မိူင်းယႆ၊ ႁူဝ်ယ ႁိမ်းတပ်ႉသိုၵ်းမၢၼ်ႈ ၶလယ 67 ၼၼ်ႉ လႄႈ ႁဵတ်းႁႂ်ႈၵူၼ်းမိူင်း မီးလွင်ႈယၢပ်ႇၽိုတ်ႇလႆႈၶမ်ၸွမ်းတႃႈ ၸွမ်းတၢင်း၊ ၵႃးတၢင်ႇၵုၼ်ႇၶူဝ်းၶွင်ၵိၼ်ယႅမ်ႉ လႄႈ ၵႃးၼမ်ႉမၼ်း ၸိူဝ်းၼႆႉၵေႃႈ ယူႇတီႈတပ်ႉသိုၵ်းမၢၼ်ႈ ဢၼ်ပၵ်းဝႆႉတီႈဝၢၼ်ႈပုင်ႇ သိုပ်ႇပိၵ်ႉဢိုတ်းမိူၼ်ၵၼ်သေ ၵူၼ်းမိူင်းၵႂႃႇမႃး မီးလွင်ႈယၢပ်ႇၽိုတ်ႇႁႅင်းယူႇယဝ်ႉ။ “သိုၵ်းမၢၼ်ႈ တင်း သိုၵ်းၵဝ်ႈၵၢင်ႉ ဢၼ်ပၵ်းၵိၵ်ႉ ၵူတ်ႇထတ်းဝႆႉတီႈႁိမ်းတၢင်းၽႄ ႁူဝ်ယ တၢင်းယၢၼ်း မိူင်းယႆ တီႈတပ်ႉၶလယ 67 ၼၼ်ႉ ပေႃးလုၵ်ႉမိူင်းယႆၵႂႃႇတၢင်းၽေ ႁူဝ်ယႃႉသမ်ႉ သိုၵ်းၵဝ်ႈၵၢင်ႉပိတ်းဢိုတ်းဢမ်ႇပၼ်ပူၼ်ႉၵႂႃႇႁူဝ်ယႃႉ ပေႃးလုၵ်ႉႁူဝ်ယႃႉတေပူၼ်ႉၶဝ်ႈမိူင်းယႆၵေႃႈ ၽၢႆႇသိုၵ်းမၢၼ်ႈဢမ်ႇပၼ်ၶဝ်ႈမိူင်းယႆ ၵူၺ်းၵႃႈပေႃးပူၼ်ႉၵႂႃႇ တၢင်း တၢင်ႉယၢၼ်းသမ်ႉပၼ်ၵႂႃႇယူႇ၊ ၶဝ်သွင်ၸုမ်း ၶဵင်ႇပိၵ်ႉဢိုတ်းၵၼ် လႄႈ ႁဵတ်းႁႂ်ႈၵူၼ်းမိူင်း ၸိူဝ်းဢမ်ႇႁူႉၶၢဝ်ႇလူင်ႈၼႃႈ ၵႂႃႇမႃးမီးလွင်ႈ ၸိူင်ႉၶမ်ၸွမ်းတၢင်း ၸႂ်ႉၶိုၼ်းပွၵ်ႈၶိုၼ်းတင်းလင်ၸိူဝ်းၼႆႉၵေႃႈမီးဢေႃႈ “ ဝႃႈၼႆ။ ၼႂ်းလိူၼ်ၼူဝ်ႊဝိုၼ်ႊပိူဝ်ႊ ပၢတ်ႈၼႆႉမႃး ၽၢႆႇသိုၵ်းမၢၼ်ႈ ပိၵ်ႉဢိုတ်းပႅတ်ႈၵႃးတေႃႉတၢင်ႇၵုၼ်ႇ ပႃးၸဵမ်ၵႃးၵႂႃႇမႃးၵူၼ်းမိူင်း ၼႂ်းပိုၼ်ႉတီႈ ပွတ်းႁွင်ႇပွတ်းၸၢၼ်း ဢမ်ႇပၼ်ပူၼ်ႉၵႂႃႇမႃးၸူးၵၼ် မိူၼ်ၼင်ႇ ၵႃးတၢင်ႇၵုၼ်ႇဢၼ်လုၵ်ႉပွတ်းတၢင်းၵေးသီး တေမိူဝ်းပွတ်းႁွင်ႇၸိူဝ်းၼႆႉ သိုၵ်းမၢၼ်ႈ တီႈတပ်ႉဝၢၼ်ႈပုင်ႇ ဢမ်ႇပၼ်ပူၼ်ႉၶၢမ်ႈလႄႈ ႁဵတ်းႁႂ်ႈၵႃးၶမ်လႆႈပႂ်ႉႁိုင်ပဵၼ်လၢႆဝၼ်းၸိူဝ်းၼႆႉၵေႃႈမီးၼႆယူႇယဝ်ႉ။ မိူၼ်ၼၼ်ၼင်ႇၵဝ်ႇ တီႈဝဵင်းၼမ်ႉလၼ်ႈၵေႃႈ ၽၢႆႇသိုၵ်းမၢၼ်ႈ ပိုတ်းဢိုတ်းပႅတ်ႈ သဵၼ်ႈတၢင်း ၶဝ်ႈဢွၵ်ႇဝဵင်းၼမ်ႉလၼ်ႈသေ ၵူတ်ႇထတ်းၵူၼ်းၶဝ်ႈဢွၵ်ႇ ႁၢဝ်ႈႁႅင်းလႄႈ ၵူၼ်းမိူင်းဢွၼ်ၵၼ်မႆႈၸႂ် ၵူဝ်ၶူဝ်းၵုၼ်ႇ တၢင်းၵိၼ်တၢင်းယႅမ်ႉၶၢတ်ႇ၊ ၶၼ်ၶူဝ်းၵုၼ်ႇသုင် ၊ ၶၼ်ၼမ်ႉမၼ်းၸၢၵ်ႈၶိုၼ်ႈၸိူဝ်းၼႆႉ​​သေ ၽၢႆႇၼိုင်ႈၵေႃႈ တိုၵ်ႉပဵၼ်ၽွင်းၶၢဝ်းဢဝ်ၶဝ်ႈ ၊ ဢဝ်ၶူဝ်းၽုၵ်ႇသွမ်ႈၼႂ်းသူၼ်ဝႆႉယူႇ လႄႈ ၵူၼ်းမိူင်းၵူဝ်ပဵၼ် ပၢင်တိုၵ်းထႅင်ႈ ၸူဝ်ႈပႆႇဢဝ်ၶဝ်ႈၼမ်ႉတၢင်းၵိၼ်ယဝ်ႉတူဝ်ႈၼႆ ယူႇယဝ်ႉ။

['ၶၢဝ်ႇၵူႈလွင်ႈလွင်ႈ', 'ၶၢဝ်ႇ']

2024-12-03T15:29:56

https://ssppssa.org/2024/12/sspp-ssa-%e1%81%b8%e1%80%bd%e1%82%86%e1%82%88%e1%80%91%e1%82%85%e1%80%99%e1%80%ba%e1%80%84%e1%80%ad%e1%80%af%e1%81%bc%e1%80%ba%e1%80%b8-%e1%80%90%e1%82%83%e1%82%87%e1%81%b5%e1%80%b1%e1%82%83-2/

SSPP/SSA ၸွႆႈထႅမ်ငိုၼ်း တႃႇၵေႃႇသၢင်ႈၶူဝ် ၼႂ်းၼႃႈတီႈဢုပ်ႉပိူင်ႇ ၸေႈဝဵင်းမၢႆ(35)

ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ ၼႂ်းၸေႈတွၼ်ႈမၢႆ(15) ၸေႈဝဵင်းမၢႆ(35) လွၵ်ႉၸွၵ်ႇ ၸိုင်ႈတႆးပွတ်းၸၢၼ်းၼၼ်ႉ ဢွၼ်ႁူဝ်ၵေႃႇသၢင်ႈႁဵတ်းၶူဝ်ပၼ် ပေႃႈမႄႈၵူၼ်းမိူင်း ၼႂ်းပိုၼ်ႉတီႈ လႄႈ ၸွႆႈထႅမ်ငိုၼ်း တႃႇၵေႃႇသၢင်ႈႁဵတ်းၶူဝ် ၼႆယူႇယဝ်ႉ။ တွၼ်ႈတႃႇ ပေႃႈမႄႈၵူၼ်းမိူင်း ၼႂ်းပိုၼ်ႉတီႈ တေၵႂႃႇမႃးငၢႆႈ ၽွင်းၶၢဝ်းလူဝ်ႇၵဵပ်း လူဝ်ႇဢဝ် လူဝ်ႇတၢင်ႇဢွၵ်ႇၶၢႆ မၢၵ်ႇၶဝ်ႈတဝ်ႈၼမ်ႉ ၼႆသေ မိူဝ်ႈလိူၼ် ၼူဝ်ႇဝိၼ်ႇပိူဝ်ႊ (11) ဝၼ်းၼၼ်ႉ ၽူႈမီးပုၼ်ႈၽွၼ်း ၾၢႆႇဢုပ်ႉပိူင်ႇ ၼႂ်း ၸေႈဝဵင်းမၢႆ (35) လႆႈၸွႆႈထႅမ်ငိုၼ်း (500,000) ႁႃႈသႅၼ် ၵျၢပ်ႈ ႁႂ်ႈပဵၼ်ၵႃႈၸလိၵ်ႈ ၸႂ်ႉၸၢႆႇ တႃႇၵေႃႇသၢင်ႈႁဵတ်းၶူဝ်ပၼ် ပေႃႈမႄႈၵူၼ်းမိူင်း တီႈၼမ်ႉၸေႃႇၸီႇတွၼ်ႈတႂ်ႈ (ၼမ်ႉပွင်ႇၼႃးတူဝ်း) ဢၼ်မီးၼႂ်းဢိူင်ႇ ဝဵင်းမႂ်ႇပႃႇတိုင်း ၸေႈဝဵင်းလွၵ်ႉၸွၵ်ႇ ၸိုင်ႈ တႆးပွတ်းၸၢၼ်း ၼၼ်ႉယူႇယဝ်ႉ။ “ၶူဝ်ဢၼ်ၵဝ်ႇၼၼ်ႉ လူႉလႅဝ်ၵႂႃႇသေ တေဢၢၼ်းႁဵတ်း ၶူဝ်မႂ်ႇၶႃႈဢေႃႈ။ ပေႃးဢမ်ႇမီးၶူဝ်ၼႆႉ တႃႇႁဝ်းၶႃႈတေၵႂႃႇမႃး တေတေႃႉတၢင်ႇမၢၵ်ႇၶဝ်ႈတဝ်ႈၼမ်ႉၼႆႉ ယၢပ်ႇၸႂ်ႁႅင်း ဢေႃႈ။ လိူဝ်သေၼၼ်ႉ တေၸိူင်ႉထိူင်း ၼၼ်ႉၶႃႈၼႃႇ ၼေႃႈ။ မိူဝ်ႈလဵဝ် ယူႇတီႈမုၵ်ႉၸုမ်း SSPP/SSA ဢွၼ် ႁူဝ်ၸွႆႈထႅမ်ႁဝ်းၶႃႈၼႆႉ ပဵၼ်ဢၼ်ငိၼ်းၸူမ်း တေႉတေႉဝႃႈဝႃႈၶႃႈဢေႃႈ” ၼႆ ၵူၼ်းမိူင်းပိုၼ်ႉတီႈ ၵေႃႉၼိုင်ႈ လၢတ်ႈ ၼႄ ၼင်ႇၼႆ။ ၵဵဝ်ႇလူၺ်ႈလွင်ႈၼႆႉသေ တၢင်တူဝ် ၽူႈၸတ်းၵၢၼ်ၸေႈ ဝဵင်းမၢႆ(15) SSPP/SSA လၢတ်ႈၼႄဝႃႈ- ငိုၼ်းဢၼ်ႁဝ်းၶႃႈ ၸွႆႈၼႆႉ ၸွႆႈဝႆႉ တႃႇၸႂ်ႉၸၢႆႇ ၵႃႈၸလိၵ်ႈ ၽွင်းတိုၵ်ႉ လိူဝ်ႈမႆႉမၼ်းၵူၺ်းၶႃႈဢေႃႈ။ မိူဝ်ႈလဵဝ် ၶူဝ်တေႉပႆႇယဝ်ႉၶႃႈ တိုၵ်ႉၺႃးၽွင်း လိူဝ်ႈမႆႉ မၼ်းဢေႃႈ ” ဝႃႈၼႆ။ တႃႇတေၸွႆႈထႅမ် ပေႃႈမႄႈၵူၼ်းမိူင်းၼႆႉ တေႇဢဝ်ၵၢၼ် ၽုၵ်ႇသွမ်ႈၵႂႃႇ ၵူႈပၢႆးပၢႆးၼၼ်ႉ ဢိင်ၼိူဝ်ငဝ်းလၢႆး လွင်ႈ ၼိမ်သဝ်းၼႂ်းပိုၼ်ႉတီႈပၼ်သေ ၵႃႈၼင်ႇၸွႆႈလႆႈ ပွင်ပဵၼ်လႆႈၼၼ်ႉ ယူႇတီႈပႃႇတီႇမႂ်ႇသုင်ၸိုင်ႈတႆး/တပ်ႉသိုၵ်း ၸိုင်ႈတႆး တေၶတ်းၸႂ် ၸွႆႈထႅမ်ၵႂႃႇ ယူႇယဝ်ႉ။

['ၵၢၼ်ပူၵ်းပွင်', 'ၵၢၼ်ၵေႃႇသၢင်ႈတွၼ်ႈလိၼ်ၶိုၼ်ႈယႂ်']